13/10/2012, 08:47 AM
|
زعيــم مميــز | | تاريخ التسجيل: 16/03/2003 المكان: الرياض
مشاركات: 3,296
| |
نادي لايعمل فيه عياله ( لابطولات يكسب وتكثر خسايره) بعيدا عن التحدث باللغة الفصحى
اقول وبالله التوفيق
اذا صار اغلب اللي يعملون بالنادي هم بمرتبة موظف لايربطه في الغالب الا توقيع وانصراف وراتب. فمهما انضبط ( مايمكن ينتج) فالولاء حاله عاطفيه تجعل من العمل شي شيق وممتع ومفرح ومسلي واحساس ونبض عالي يفرح لفرحه ويتكدر اشد التكدر لخسارته
وهذا لايوجد غي الغالب الا من العاشق الهاوي المحب. فهو يعمل وغي نفس الوقت يستمتع وكذلك ينتج. هو ماجى الا من محبه الرابط الاول حب الكيان والباقي فقط عون له
فمثلا مثلا( لو ان نصراوي متعصب عمل في نادي الهلال فهما كان صاحب امانه وصدق فالحالة العاطفية تخوووووونه غصب لايشعر بما يشعر به المحب للهلال مهما حاول واجتهد الانتماء
تراه عاااااامل قوي يكسر الصخر ) والامثله كثيره وقس على هذا المشجع المستأجر
اذا من باب اولى الموظف بالنادي
كان اول اللاعب والادراي اذا سجلو هدف بدون شعور يتناقزون في الملعب هذه ردة الفعل غير الارادية هي شعور الانتماء مهما حاول يفعلها غير المنتمي ماتجي معه
فاللاعب اللي مايشعر بالانتماء لايمكن يتأثر او يبكي لخسارة بطوله
لانه مهما حاول مايمشي التمثيل مثل هذا كيف تبغاه يقاتل عشان يفوز الفريق
الشي والدافع غيييير موجود اصلا .
كان اول اذا انهزم الفريق كل ابناء النادي تأثر واحيانا دموع وبكاء واللاعب االلي من نادي محلي ثاني يصرح ويوزع ابتسامات لانه ماكان في داخله حب الانتصار لشعور الانتماء
وهو يلعب في الملعب فاز زين خسر مايكون الاخير متساوية الامور
مثل هذا مايصنع ولاذرة مستحيل
ترى الكلام طويل عريض
لكن ارجع لاصل الموضوع
الادراي اذا ماكان من ابناء النادي اللي تدرج فيه وتحصل على بطولات معه معروف ناريخه بالحب له ( مايمكن يعطيك مهما حاول ومهما اخلاصه لان الحب مايصنع الحب شي تلقائي مشاعر واحاسيس ) تجعل الصخر يتكسر قدامه
الزبده من الموضوع ارجعو
لمثل المحبين العاشقين مثل صالح النعيمة منصور الاحمد حسين الحبشي يوسف الثنيان سامي الجابر فيصل ابو اثنين نواف التمياط محمد الدعيع خالد التيماوي تركي العواد فهد المصيبيح
خالد الرشيد منصور الموينع عبدالله الشريدة والكثير الكثير
اشركوهم في الادارة في صناعة القرار في مساعدة النادي كل بجهده الاداري في تربية النشئ
على الاخلاص وعشق البطولات وووو
وابعدوا اصحاب الوظايف النادي حالة حب وعشق وليس وظيفة وراتب
الوظيقة والراتب ماتجيب بطوله هي تمشي النادي بدون نتائج او اهداف استراتيجية
صوره فقط لكن بطولات وكؤس مايمكن ابد ابدا لو جابت مره بطولة المرة الثانية خسارة
هي شي تكاااااملي
فلاينفع النادي الا عياله
كما انه ماينفع البلد الا اهله والاجنبي يستفيد منه وعساه يفكه شره
خلونا واقعيين ابحثو عن عيال النادي المميزين والهلال نادي منتج للنخب وللمواهب
الادارية والقيادية اللي جابو بطولات وهم لاعبين وقهروا المستحيل
سيكون اكثر انتاج في الادارة .
المهم نفتك من الاداري ابو راتب والله اعلم وش نيته او انتمائة
اول اهتمامه راتبه
والباقي. عاشرا
هذا شي معروف ومجرب والواقع يثبت ذلك كل مره
وبالتوفيق للهلال قادم الايام |