نادي الهلال السعودي - شبكة الزعيم - الموقع الرسمي

- منتدى المجلس العام (http://vb.alhilal.com/f1/)

- - لاعب هلالي مُغترب بكوريا!!.. (http://vb.alhilal.com/t112516.html)

لاعب هلالي مُغترب بكوريا!!..

نعم انا بكوريا عايش لظروف خاصه فيني..
على صغر قامتهم..يتميز الشعب الكوري بحبهم الجارف بلعبه كوره القدم..
وهناك برزت بينهم لان الطويل اللي بينهم..فحطوني حارس مرمي وكابتن الفريق لاسباب الآتيه:
حطوني حارس مرمي لاني طويل(زي ماتفضلت وقلت)..وغير كذا اسوي مسح جوي لفريق الخصم واكشف الخانات الفاضيه..

اما ليش حطوني الكابتن ..لقوه شخصيتي(منيب عاقل)
العب بفريق يقاله( سوينف تشنقبوهاي) ومعناه الضفدع الثائر..لان الضفدع عندهم مُقدس(يالله كمال العقل بس)..طيب وش ذنب الجربوع؟؟

طبعا بكون صريح معكم ثلاثه ارباع الفريق بنات..
بس يكون لمعلومياتكم عطيتهم محاضره طويله باني شخص متمسك بقيم ومباديء(وش رايكم فيني انفع سفير يوم من الايام)..وغير كذا طالبت الاداره ان الدفاع لازم يكون من جنس الاولاد حرصاً على مشاعري..

عندهم درايه كافيه بالكوره السعوديه وبمقابله اجريته مع رئيس النادي سالته عن فريق الهلال قالي وبالحرف الواحد(سامي ميه ميه)..

عندنا لاعب اسمه (سوكاي) <--تذكرو اسمه..
الاعب ذا ملجلج..سلمكم الله ذا رابطينه بحبل بالمرمي وطول الوقت يركض(بس مربوط)..اول ما تجيني اشاره من المُدرب قربت لمه وبحذر شديد وافلته..عاد هو يشق الملعب شق ..لين يوصل لشباك المرمي لفريق الخصم لاجاب قول تجمعنا كلنا ومسكناه وربطناه من جديد..

المهم اتمنى اني اجد بينكم مكان والقا حنان لاني بصراحه فاقد حنان باغترابي وشكراً

برايفت للمشرف:
واللي يرحم والديك لاتشيك الآي بي حقي..وتكفش شلختي!!

أول شي .. حياك الله اخوي .. :) <---- ثقل .

ثاني شي .. كل ذالجلجه وانت مالك الا يومين :bigeek:. اجل لو كملت شهر وش بتسوي .:dead:

ثالث شي الموضوع .

إقتباس:

وغير كذا طالبت الاداره ان الدفاع لازم يكون من جنس الاولاد حرصاً على مشاعري..

[ALIGN=CENTER] :Dالله يرجك :D[/ALIGN]

إقتباس:

سلمكم الله ذا رابطينه بحبل بالمرمي وطول الوقت يركض(بس مربوط)..

[ALIGN=CENTER] هذا سلقه ولا لاعب ....... ؟[/ALIGN]

إقتباس:

المهم اتمنى اني اجد بينكم مكان والقا حنان

المكان موجود ... بس حنان .والله مانعرف احد بهالأسم .:D

ودام انك بكوريا انتبه من السارس الله يكيفنا الشر ..
تحياتي لك .

إقتباس:

<center><normalfont><u>إقتباس من مشاركة لحّاق كور </u></center>
[ALIGN=CENTER]على فكره شوفولي واسطه وانقلولي ذا الموضوع نزلته بمنتدا غلط

http://vb.alhilal.com/t112516.html[/ALIGN]</normalfont>

نقلناه لك يالشين .. وبدون رسوم نقل هالمرة ..:rolleyes:

ترى المرة الجاية لازم يكون فيه رسوم :eek:

ماهوب ذنبنا إنك تكتب موضوع ماهوب بمكانه..:cool:

على فكرة تراني شيكت على الآي بي .. وطلع هونج كونج..:rolleyes::shy::embarrass

تحياتي لك ...

أخوك / البارق:)

[ALIGN=CENTER]هــلا والله بـ سـفـيـرنـا :D

أنـا أشـهـد أننــا كـسبـنـا رجـتـن مـنتــازه :D

بــأنــتــظــار جــديـدك لـحـاق <--- بشـد الحاء[/ALIGN]

إقتباس:

الخبر- خلف مرمى نادي القادسيه

هو انت اللي بغيت اصدمه مرة من المرارير :D
انتبه للشارع وانا اخوك ,, لا تندعس بسبة كوره ;)

ما شاء الله نادي طيب ,, وتصدق بديت احب اكون حارس مرمى :shy:
بس انت متأكد ان الرئيس كوري :confused:
شكله مصري متكوري :D

تحياتي لك عزيزي ,, وياليت تعلمنا بيتكم يفتح شرق والا غرب :blueroll: