رب ضارة نافعة ياهلال .. قراءة لوضع الزعيم في بطولة الدوري .. كلنا معك ياهلال في الحلوه والمره - نادي الهلال السعودي - شبكة الزعيم

Ĝeηtℓe Ḿαη · #1 06/10/2012, 10:25 PM

كل الجماهيرالهلاليه مصدومه من الخروج من البطولة الآسيويه وزياده الصدمه لانها امام فريق ماهو بذاك القوة والطريق مفروش بالورود لو تجاوزنا اولسان بعدها مع بنيدكور والنهائي بالرياض ..

بطولة سهله واختلف مع ابو فيصل لم قال البطولة صعبه
الهلال هو من صعبها على نفسه

ماعلينا ماهو هذا موضوعي
موضوعي

رب ضارة نافعه ياهلال

الزعيم مقبل على بطولة الدوري وكلنا نطمح للتحقيق البطولة الأقوى والاغلى محليا"

لو نظرنا للبطولة الزعيم ماشي بالسليم
صحيح فرطنا بنقاط سهله
لاكن
الفريق يحتل المركز الثاني بعد الفتح صحيح الاتحاد والأهلي لو فازوا بالمباريات المؤجله راح يتصدرون بس ماننسى عندهم بطولة آسيا وانا من وجهي نظري عندهم البطولة الآسيوية اهم من بطولة الدوري وعندهم مباريات مؤجلة صعبه بعكس الهلال مابقي من الدور الأول مباريات صعبه الا الأهلي والاتحاد ومثل ماقلت مشغولين بـ آسيا
والفتح كلنا نعلم انه مو فريق بطولات مع الدور الثاني راح يتراجع
الشباب هو الفريق الوحيد الي ماعندهم مشاركات وينافس على الدوري لاكن مستواه ماهو مثل الموسم الماضي والهلال يتفوق عليه بالنقاط .

خلاصه القول /

بطولة الدوري بأذن الله اقرب للزعيم بشرط عدم التفريط بالنقاط ولمسح الأحزان
الآسيوية لجمهور الزعيم ..

رسالة لجمهور الزعيم /

انا واحد من هذي الجماهير حزنت كثيرا" على ضياع هذي البطولة لانها اسهل بطولة القرعه جنبتنا فرق قويه والنهائي على ارضنا بس مثل ماقلت ( رب ضارة نافعه ) ماهي اخر او اول بطولة نخسرها مثلا ريال مدريد نفس الحال ينطبق على الهلال واكثر له 12 سنه ماحقق دوري ابطال اوروبا مع انه يظم افضل الاعبين والمدربين بالعالم ويضخ اموال طائله ولا حققها لاكن بعد خروجهم من دوري ابطال اوروبا المباراة الي تليها تشوفهم مالين المدرجات ..

صفحه الآسيوية انتهت وبأذن الله العوض قي مقبلات الأيام فقط تفاؤلوا وبأذن الله
الدوري لن يخرج عن الزعيم ..

كلمة اخيره /
اتمنى من كومباريه يتخلا عن بعض قناعته ويلعب 4 - 5 - 1
وقلتها قبل مباراة اولسان هذي افضل طريقه للزعيم
ناهيكم عن المهاجم الثاني الكوري
اشوف اذا لعب 4 - 4 - 2
بالكوري
كأن الزعيم مطرود منه لاعب ..

بالتوفيق لزعيمنآآ امام الوحده غدا "
احبك يازعيم وربي احبك

Ĝeηtℓe Ḿαη · #2 07/10/2012, 12:14 AM

وش سالفتكم صار لازم تقييم مواضيع وتجلسون ساعه على بال ماتنزلونه
( كله على شان الهلال خرج من الآسيوية )
مو اول فريق يطلع من بطولة ..

وقارطينه بالصفحه الثانيه .. الله يهيدكم

أنا كذا هلالي · #3 07/10/2012, 12:38 AM

نورت اخوي
فعلا طريقة 4-4-2 طريقه لاتجدي ثمارها مع الهلال ابدا
والكوري لاعب فاشل
والله مدري بنتحمل المباريات الثانيه بوجود هالمدرب وهاللعيبه الاجانب

fv14 · #4 07/10/2012, 11:46 PM

صحيح الهلال افضل طريقه له
4 - 5 - 1

والكارثه ينزل الكوري وربي هذا نقص وعاله على الفريق
مادري متى يتعلم كومباريه

الزعامة ماركة مسجلة · #5 07/10/2012, 11:56 PM

فعلآ آنجح طريقة للهلآل
4 - 5 -1
بآلهجوم يكون ويسلي آو سعد آلذي آتمنى آشرآكه
وآلكوري مآله دآعي يآخذ مكآن بآلتشكيله
آو يحطون بدآله لآعب يدعم آلوسط آفضل

Ĝeηtℓe Ḿαη · #6 08/10/2012, 01:00 AM

مادري متى يتعلم كومباريه
ويلعب
4 - 5 - 1

الكوري هذا يبي يضيعنا ونطلع من كل البطولات بسبته
مو كافي خسرنا امام اولسان ذهاب واياب
بوجوده

والمدرب مصر على اشراكه

الزعيم يلعب ناقص بوجوده ..

مافي احد يناقش المدرب ؟؟

اعطيه الصلاحيه بكل شيء بس احاسبه على اخطاءه
مايصير هذا الكلام