اقاله مدرب - استقاله اداره !! ماهو الحل الصحيح حتى يستحوذ الهلال على كل شيئ .. - نادي الهلال السعودي - شبكة الزعيم

The Architect · #1 04/10/2012, 10:47 PM

مساء الخير جميعاً ، ماني من محبي كتابه المواضيع لكن ما قدرت اقاوم رغبتي في اني ابدي رائي .. هاردلك الخساره المؤلمه ، رايت الكثير من الانفعالات والردود بعد الخروج من اسيا ، سواء بالمطالبه بـ رحيل المدرب ، بعض اللاعبين او الاداره وهو شيئ طبيعي من مشجعين غيورين على ناديهم ..

لكن الا نتعلم ؟ ..

هالسيناريو تكرر اكثر من مره على مدى السنوات الماضيه ، وكل الحلول اللي طرحت من المشجعين سواء اقاله مدرب ، استقاله الاداره الخ نفذت سابقا و راح تنفذ الان ما عندي شك في هالامر و نتائجها راح تكون نجاح في موسم ثم فشل في موسم اخر و راح نفقد اهم عامل للنجاح وهو الاستمراريه كما هو حاصل في السنوات الماضيه .. ليه ؟ .. لانها حلول على المدى القريب و غالبا المشجع هذا تفكيره و اهتمامه بـ باقي الموسم او الموسم القادم مثلا و لا يلام صراحه ..

.... لكن من الملام ؟

الاداره .. الاداره على عكس المشجع تفكيرها ينبغي ان يكون على المدى البعيد وايضا القريب و هو عكس اللي حاصل ، الحاصل ان تفكيرها نفس تفكير المشجع وهذا مأخذي الوحيد عليها ، لاني اراها اداره تريد النجاح و تدعم ماديا لكن وقعت في هالخطا ...

... ليه اللي حاصل الان خطأ و خطأ كبير ! ؟ ..

لان الاستمراريه تعني النجاح وليس نجاح مؤقت بل مستمر .. ان كنت كل فتره تاتي بمدرب اسلوبه بختلف عن المدرب السابق و كل فتره تاتي بمحترفين مختلفين تماما عن ادوار اللي سبقهم راح تعاني ، يمكن تنجح فتره بسيطه لكن في النهايه راح تبدأ من الصفر مره اخرى و خلال موسم او موسمين قد يتحول فريقك من فريق مرعب الى ضعيف .. وهاذي مشكله الهلال الرئيسيه .. ما حنا قاعدين نبني وكل موسم الفريق يتطور بل باللهجه العاميه ( نرقع ) كل موسم ...

الحل ؟ ..

حتى نكون واقعيين ، قليل المدربين المميزين اللي بياتون للسعوديه و حتى ان اتوا لن يستمروا طويلاً كذلك هو الحال بالنسبه للمحترفين .. لذا الاستمراريه تبدو صعبه و تطبيق خطه طويله المدى لهالسبب تبدو صعبه .. طيب مره ثانيه وش الحل ؟ ..

.. الحل , وان اراد الهلال الفوز بكل شيئ كل موسم !..

( مدير كره مميز )

مثل ما قلنا صعب الاستمراريه من ناحيه المدربين و من ناحيه المحترفين هنا لاسباب كثيره ، لكن مدير الكره المهمه اسهل ، ما يحتاج ان يكون متواجد في النادي دائما فقط عده زيارات تكفي و لا يحتاج ان يكون بشكل رسمي حتى ، يستطيع ان يكون مستشار مثلا .. و يجب ان يكون شخص قد حقق نجاحات كبيره في قياده انديه ...

تكون بالبدايه بان يجلس مع الاداره و يتفقون على اسلوب لعب معين ينتهجه النادي
سواءً اسلوب استحواذ او غيره ( هويه للفريق ) و كذلك الاهداف المراد تحقيقها ...

مهمته بعد ذلك ؟ ..

- وضع استراتيجيه للنادي بشكل عام على مدى ١٠ سنوات ..

- اختيار المدربين ، يختار المدرب اللي يناسب اسلوب لعب الفريق المتفق عليها و يخدم استراتيجيه النادي ، و بـ يصبح ما يهم تغيير المدربين بكثره مشكله كما هو حاصل الان لان اللي بختارهم بيمتلكون نفس الفكر .. مثال : سوانسي سيتي ، هيو جيكينز اختار كمدربين روبورتو مارتينيز ثم باولو سوسا ثم روجورز ثم اخيرا لاودرب .. كلهم نفس الفكر و نفس الاسلوب و اصبح سوانسي على صغر امكانياته يقدم كره قدم جميله على مستوى العالم و تطور لسبب بسيط اللي هو ان كل المدربين اللي مروا عليه يمتلكون نفس الفكر و الللاعبين اتقنوا اسلوب اللعب لانهم استمروا عليه ..

- اختيار المحترفين ، راح يقوم بتحليل الفريق و المراكز المطلوب جلب لاعبين فيها و اختيار محترفين يناسبون اسلوب اللعب و الصفات اللي حددها للفريق .. فلو قام بالتعاقد مع صانع لعب مثلا و بعد فتره قرر الرحيل راح ياتي بلاعب اخر بنفس صفاته .. وغالبا مدير الكره اللميز يكون عنده علاقات كبير مع كشافين ولاعبين و قاعده بيانات واسعه جدا وراح يساعد على جلب لاعبين مميزين ... كذلك راح يسعى لتشكيل شبكه كشافين محليه ..

- تقييم اللاعبين المحليين و ابقائهم من عدمه ..

- تطوير فئه الشباب و الناشئين ، راح يقوم يتحليل هالفئات والحرص على تطوير اللاعبين و خلق اسلوب لعب في هالفئات مطابق للـ الفريق الاول .. فيكون الانتقال للفريق الاول سهل و كذلك قد يكون هناك لاعب مميز صغير يغني عن التعاقد مع محترف ..

امثله على من ممكن يقوم بهالدور ، اخترت مدرب سابق و مدرب حالي و مدير رياضي سابق .. المشترك بينهم جميعهم انهم اثبتوا نجاحهم في وضع استراتيجيه لنادي و النجاح فيها ..

اسماء كبيره و البعض راح يقول مستحيل احد يوافق .. لكن لاحد ينسى انه من اي مكان يستطيع يقوم بهالعمل ولا يشترط تواجده .. دورهم بيكون في اتخذا القرارات وهالاشخاص يمتلكون فرق تحليل ممكن يرسلونهم هنا و يحللون حتى الاشياء البسيطه كسرعه تمريره لاعب مثلا كذلك يستطيعون تحليل المباريات بالفيديو وفي شركات حتى متخصصه بهالشيء ..

بإختصار مدير كره مميز هو الحل ..ان تكون القرارات الرياضيه لشخص معين اثبت نجاحه افضل من التخبط اللي صاير الان
ومهما تغير الرؤساء راح يبقى مدير كره يقود الفريق لنفس الهدف ..

بالنهايه الحياه قرارت .. خاطئه و صائبه ..
قرار صائب يتبعه قرار صائب وهكذا راح تؤدي الى نجاح مستمر ..