05/10/2012, 11:18 AM
|
| زعيــم مميــز | | تاريخ التسجيل: 03/12/2005
مشاركات: 1,617
| |
بسم الله الرحمن الرحيم في البداية اشكر صاحب الموضوع ع فتحه لهالموضوع واللي يعطي مجال للنقاش وطرح الافكار طبعا معلومة للجميع انا من مستخدمين لعبة PES لكن اعجبنيFIFAهالسنه وحولت له باسرد لكم قصتي مع الكارير مود المهنه/ مدرب الاسم/ O.Prof الجنسية/ فرنسي الفريق/ برشلونه المستوى/ كنت احترافي اول 3 جولات وحولت عالمي بعدها طبعا بالبدايه اول م اخذت البرشا ولانه فريقي اعرف ان مشكلته الكبرى في الدفاع فـ رحت ابحث عن مدافع صلب يغطي الحواري اللي مهاجمين العالم يسرحون بها اول بحث كان ع المانيا لانه يعجبني هاملس وبادشتوبر والافضليه للاول طبعا لكن م توفقت واخذت الطيب الاصيل بادشتوبر ,, انا م رحت لغيرهم لانهم صغار بالعمر ولهم مستقبل وكويسين جدا ,, اخذته بـ 14 مليون دولار وراتب 150 الف اسبوعيا بعدها قدحت عالجار مدريد واغريتهم ب 19 وردوا يبون 21 واعطيتهم لاني احتاجه تكتيكيا ,, واستمريت ولعبت السوبر الاسباني وانهزمت باخر لحظه قهر وقدحت لابيدال وادريانو وشوت برا النادي ,, وجلست ادور النكبات م لقيت غيرهم بعدها بدت الصحافه تحشني وش ذا الدفاع المهم اني سلكت المدافعين وانضبطوا وبعدها وانا اي فريق قوي العب معه بلاعب واحد اختاره انا وباقي الفريق الكمبيوتر واقوى دعس لين جيت للانتقالات الشتوية اللي صارت فيها مصايب كبرى طبعا رحت ادور ع راس حربه وبعد فر و كر جبت الفهد فالكاو وهذي احلا صفقه بعدها الا يجيني عرض لـ سانشيز وافكر واروح اقدح لـ نيمار وربعه واخذ وعطا لين وافقوا لي بـ 36 وعرض سانشيز بـ 37 حسيت اني داهيه وضبطت الصفقه في هالوقت الصحافه مستلميني شرشحه ليه م تجيب مدافع المهم اني شغلت طيارتي ورحت لابراهيموفيتش رئيس تشلسي واتقهوى عنده واعطيته علمي اني ابي واحد من الاثنين ي لويز او ايفانوفيتش ورسينا ع لويز بـ 14 مليون دولار ,, صفقه طيبه وانا راجع الا يكلمني بيريز حق مدريد يقول مورينهو يبي انييستا وبندفع لك 45 انا هنا سعبلت وقلت اكلمك لاوصلت الكامب نو ويوم وصلت وافكر قلت ي ولد خذها عباطه وقل ابي 85 مليون وشف وش بيقولون الا بيريز يقول اللي اقدر عليه 82 تم قلت هاه تم تم تم الله يتمك ,, تمت الصفقه مع اني بغيت اتصفق من الجمهور لكن مرت سهالات ورحت جبت اوسكار البرازيلي من تشلسي برضو بـ 19 مليون والباقي بالجيب ي حبيبي ,, في هالوقت جاتني عروض من منتخبات عده واولهم كولومبيا وقلت لهم الخلا وبعدها استراليا وقلت اللي بعدووه بعدها باراجواي وقلت الله مع البقر المهم الا ويجي عرض ايطالي وانا اللي انقز من الفرحه واقول موافق موافق موافق ودخلت تصفيات لقيتني الاول بـ 12 نقطه معي روسيا والشله تركيا واسكوتلندا وكم منتخب كلبي واول مباراه مع روسيا واهزمها 2-0 رجعت اركز عالبرشا بعد هالمباراه,طبعا كنت متاهل للنهائي الكاس ومركزي الاول بالدوري فرق بيني وبين الثاني والثالث 3 نقاط يعني خساره تروح علي وسهل الله واخذت الكاس من مدريد واخذ الدوري بالجوله قبل الاخيره وهذي هي اهداف الاداره وحققتها لهم وانا عالنيه قلت انهي الموسم ويجددون معي البرشا ويعطوني ميزانية 134 مليون حد اعلى راتب اسبوعي 410 الف دولار ,, اوه نسيت حاجه مهمه بالموسم الاول لي وبالفتره اللي قبل الانتقالات الشتوية ارسلت مراقبين لـ كل من البرازيل ,, اسبانيا ,, انجلترا ,, يبحثون عن مواهب باعمار 14 سنه ويتم تسجيلهم باكاديميه النادي وتختلف المراقبه من شهر لـ 3 لـ 6 وكل شهر يعطيك تقرير عن كل لاعب وش ممكن يسوي هاللاعب او يوصل له من مستوى وجاتني مجموعه ممتازة وأسست لي قاعده من اللاعبين ,, بعدها الخال سونق طنقر مدري من وشو وقال ابي الهجه فكني قلت الله ابوك انزلع وقلعته بـ 25 مليون وانا اجيب فيدال التشيلي لاعب اليوفي وهو لاعب اكتشفت انه مجنوون باللعبه حطيته بدل بوسكيتس ومبدع جدا وانا الان بـ العب باقي التصفيات مع الادزوري الايطالي وبعدها السوبر والله يسهل واسسف عالاطاله وترقبوا جديدي باذن الله تـ ح ـيـآتي الهـ سمسم ـلالي |