بسم الله الرحمن الرحيم
السلام عليكم ورحمه الله وبركاته وبعد
في البدايه هارد لكم ايها الزعماء على الهزيمه القاسيه والعبث بتاريخ الهلال من اداره ولاعبين ومدرب وجمهور
ومن هنا اقدم اعتذاري لنادي الهلال الكيان الشامخ الذي سيضل مثل ماهوا لايصله احد مهما كان فقد رأينا اليوم الجمهور الهلالي وسمعنا الهتافات التي اطلقوها ضد الكيان وتشجيعهم للفريق الكوري صحيح جميعنا انصدمنا بس لأول مره في حياتي ارى جمهور الهلال هكذا بترديدهم العالميه صعبه قويه وترديدهم كوريا كوريا الى اين وصل فيكم حب الكيان هل هذا رد الدين
نادي الهلال اكثر فريق في آسيا بأكملها محقق بطولات خارجيه ومحليه والفريق الوحيد الذي يكرهونه جميع جماهير الأنديه الأخرى تعلمون لماذا؟
لأنه فريق ناجح ولكل نجاح اعداء وللأسف فقد اثروا فيكم هؤلاء الجماهير ووقفتم ضد فريقكم والله اذا العالميه بتخلينا كذا لا مانبيها ولانبي نوصلها
ومن هذا المنتدى الشامخ الذي يجمعنا على شي واحد وهوا حب نادي الهلال ابيكم تقدمون اعتذاركم جميعا وانا اولكم على مابدر منكم وان نفتح صفحه جديده ونحضر للمدرجات ونقهر الأصفرين اللي ماصدقوا على الله وانتكسنا امام الفريق الكوري وجعلونا اضحوكه لهم نبي نحضر ونؤازر ونشجع وندعم واذا ماكنت هلالي وقت الأنكسار متى ستكون هل فقط عند الأنتصار
ثانيا اقدم رساله للأمير عبدالرحمن بن مساعد ان كنت تريد البقاء على كرسي الرئاسه فهذا شي يرجع لك انت وكل مااريده عده نقاط صحيح انها ستكلفك مبالغ طائله بس نرجع مثل اول واحسن
1-ابعاد المدرب كومبواريه واعاده سامي الجابر مدرب للهلال فهو اكثر شخص يعرف الهلال والشخص الوحيد القريب من الاعبين والدليل ماقاله سالم الدوسري عن سامي حتى بعد رحيله نزل مستوى سالم والجابر خبير بالأنديه السعوديه وكيف يتعامل معها وتكليف فيصل ابو اثنين مساعدا له
2-الأستغناء عن الثلاثي الأجنبي هرماش ومانجان والكوري في فتره الأنتقالات الشتويه وعوده اسامه هوساوي مهما كلف الثمن فمدربه لايريده مع الفريق وسيعود الينا والتعاقد مع مدافع صلب مكان المرشدي ومحور بمواصفات رادوي وصانع لعب كبير بمواصفات نيفيز
3-تنسيق المرشدي ونامي والزوري ومن هم عاله على الفريق
4-تجديد عقود الاعبين واولهم الفريدي مهما كلف الثمن فهوا افضل من هرماش والعربي والكوري ومانجان التي دفعت فيهم مبالغ كبيره ومن حقه ان تدفع له لتجديد عقده
5-التعاقد مع اخصائي نفسي يقوم بتحفيز الاعبين وحل مشاكلهم على طريقه الأنديه الأوربيه
وهذا كل مالدي وارجوا اني مااطلت عليكم وارجوا فتح صفحه جديده ونحضر للمدرجات وان لاتجعلونا اضحوكه لغيرنا فقد فعلنا اليوم مالم يفعله احد من قبلنا

خلهم يطلعون قهرهم

انت تتعب و تحضر و في الاخير ما تلاقي تقدير و ليتهم بعد الهتافات اللي كانت ضدهم يحسون

ابداً البرود مسيطر عليهم و إحنا نحترق

عبد الرحمن بن مساعد ما اظن باقي عندهـ شيء يقدمه <~ و صراحة انا اشوف انه كان معتمد ع سامي

/


سيبقى الهلال عشقنا الـآبدي

نعتذر عن ايش !!!!!

اللي جاهم قليل في حقهم


-----------------------
لكني اتفق معك في النقاط الاخيره فقط -- لكن نعتذر نووو

هلالنا راح يضيع وبسببنا وليه مانحضر وينهزم الهلال مافي فريق في العالم ماينهزم راجعوا نفوسكم ووقفوا مع فريقكم والمره هذي غير عن كل المرات الهلال في حاجتنا وانا اول واحد راح يحضر ويساند ويشجع اجل ليه اشجع الهلال من البدايه اللي يحب يتحمل ويصبر

إقتباس الرسالة الأصلية كتبت بواسطة راكان الغامدي هلالنا راح يضيع وبسببنا وليه مانحضر وينهزم الهلال مافي فريق في العالم ماينهزم راجعوا نفوسكم ووقفوا مع فريقكم والمره هذي غير عن كل المرات الهلال في حاجتنا وانا اول واحد راح يحضر ويساند ويشجع اجل ليه اشجع الهلال من البدايه اللي يحب يتحمل ويصبر

كلامك سليييييم
الاسيويه مالنا نصيب فييييها
خلينا في المحليه. ^-^

لكن يبقى عشقي للكيان الهلالي الين المووووووت

تقبل ودي واحترامي

اذا ربي مو كاتبها لنا المره هذي على ايش نعترض الشي اللي مو كاتبه ربي لنا والله لو نجيب اكبر قوه في العالم ماناخذه

هذا حال كوره القدم فوز وخسارة

يعني ماهي نهاية المطاف لنا كهلاليين

الهلال يحاول كم مره الى الوصول الى النهائي بس قدر الله وما شاء فعل

الامل بالله كبير

بالتوفيق للهلال في البطولات الجاية

قدر الله وماشاء فعل..
صاحب السمو "الشاعر" عبدالرحمن بن مساعد ... بعد التحية.... حل الرحيل فقل وداعاً...
نحن الجمهور العاشق للزعيم الكيان ... هلال صالح النعيمة... حسين البيشي....يوسف الثنيان... سامي الجابر... فيصل أبوأثنين.. العمدة.... فهد المصيبيح....التيماوي.... ياسر 2007م ... عبدالله ومحمد الدعيع... وباقي الزعماء الذين ضحوا بصحتهم وأموالهم وكل ما يملكون من أجل الزعيم.. نحن الذين كنا - قبل أن تتقلد أنت منصب الرئاسة- نحضر لملعب الملز مرفوعي الرأس وسنبقى كذلك بعد أن تتغير الظروف.
كن فارساً جواداً وترجل من صهوة جوادك فقد كنت نعم الشاعر والتاجروالمشجع ولكننا نصدقك القول فأنت لست المؤهل لقيادة الهلال الكيان والبراهين دامغة كعين الشمس لا يمكن تغطيتها بغربال.. الخيارات التي تمت إبان فترة رئاستك كانت بكل أسف خاطئة بل وكارثية وأنت خير من يدرك أن العمل الاداري هو عمل تراكمي مؤوسساتي لا يقوم على الأفراد فأعلنها بكل شجاعة واعتذر للشعب الهلالي وترجل مرفوع الرأس .....شبيه الريح إلى اللقاء - ليس في مكتب رئيس نادي الهلال - بل في أمسية شعرية رائعة أخرى. وداعاً .. ليبقى الهلال شامخاً رغم حقد الشامتين

الاداره والاعبين هم من يعتذروا للجمهور وليس الجمهور هو من يعتذر

ندري ان مافيه فريق ما ينهزم لكن الي يرفع الضغط هو تكرار نفس الاخطاء ونفس الاداء الباهت

ونفس البرود والاستهتار وعدم اللامبالاة من اللاعبين في البطولات السابقة .. والله العظيم الجمهور

ما ينلام أبد على هالمهزلة الي تتكرر كلما وصل الفريق الى الادوار النهائية للبطولة الاسيوية

ولا لاعب طلع بعد المباراة يعتذر للجمهور هذا وش يدل عليه ؟

لله درك جبتها على الجرح ياغالي

ما اقول الى حسبي الله ونعم الوكيل
في كل من عمل بالنادي بدون ((((((((((((((((((( اخلاص)))))))))))))))))))))))))

اتفق معك فيما ذكرت ولكن انا ممن يقولون لا بد من الأستقرار على الجهاز الفني ، والتغيير يحتاج مراحل ومن الخطأ البناء ثم الهدم ثم البداية من الصفر لذلك في هذه المرحلة الأستقرار مطلوب
واتفق اننا نحتاج تغيير في العناصر المحلية والأجنبية ولكن تحتاج عمل طويل من الان قبل ان تطير الطيور بأرزاقها .
خلال فترة الأنتقالات الشتوية نريد موسم مختلف في الأنتقالات وتسجيل الأسماء وان نهاجم لأستقطاب النجوم بعيدا عن مجاملة الأندية الأخرى .

نعتذر عن ايش !!!!!

اللي جاهم قليل في حقهم


-----------------------
لكني اتفق معك في النقاط الاخيره فقط -- لكن نعتذر نووو