|
هـلال اسيا : مهم للعاشقين الحقيقيين فقط بسم الله الرحمن الرحيم اللهم لك الحمد حتى ترضى ولك الحمد اذا رضيت ولك الحمد بعد الرضى هارد لكم ياجماهير الوفاء التي حظرة من وقت مبكره جداً الى ملعب الملز وهتفت وساندت وكانت خير معين لفريق يحتاج الى انضباط تكتيكي ونزعه هجوميه وصناعة لعب فعاله ولكن قدر الله وما شاء فعل الاعبين لم يكونو في يومهم واولهم ويسلي لوبيز هداف الفريق والفريق الكوري كان افضل منا لوكن هذا غير مبرر الى هزيمه هزيله قوامها اربع اهداف ولكن هل هذا الخروج والخساره يمحي حبنا وعشقنا للفريق !! العاشق الحقيقي وغير المطبل لن يترك الهلال مهما حصل له ولكن استفزني اكثر من حدث ليلة البارحه من غير الخساره الهجوم القوي على الاداره وكانت فرصه لمن في داخلهم حقد دفين وانكشف ومن يحاول ان يضع نجوم الهلال هم من كانو مهملين وغير مبالين فعلا هم يتحملون جزء من الخساره ولكن ليس هم من يتحمل كامل الخساره المدرب يتحمل الجزء الاكبر من الخساره مثل ما اشدنا فيه الان لابد علينا ان ننتقده لكن بعقلانيه والاداره تتحمل جزء مع المدرب والاعبين ولكن هذا لايعني ان يكون هجوم لاذع وقوي من الاعلام والجماهير شاهدنا تكسير سيارة ياسر الشهراني !! هل هو مشجع هلالي فعلاً من عمل هذا ؟؟ لا طبعاً .. ولكن استغلال للاحداث لابد عليهم ان يفعلوو هالاشياء حتى لايوقع توقيع نهائي الى زعيم اسيا وتشويه صورة الجمهور باعين الاعبين ولاحظنا في البرامج الرياضيه واكشن يادوري هجوم البكيري الي على الاداره ولكن هل تتوقعون من اعلام مضاد ان يوجه النقد الهادف البناء لفريق منافس شرس له ومبعد فريقه عن البطولات !! طبيعي انه يعمل هالشي لزعزعه الاستقرار الاداري واستقالة الاداره هي اهدافهم المنشوده والتي يعملون عليها منذ فتره ولكن ينتظرون الوقت المناسب لدس السم بين الجماهير لتهييجها على الاداره حتى تستقيل ويصبح ماهو موجود في فريقهم موجود في فريقنا من اهتزاز اداري وتراشق اعلامي وكل هذه المسببات لن تكون في مصلحة الفريق الاداره لديها اخطاء والمدرب لديه اخطاء وايضاً الاعبين لديهم اخطاء ولكن لايعني ان يكون كل ماعملوه يمحى بسبب مباراه واحده او خروج من بطوله الفريق فرحنا في بطولات كثيره وانجازات كثيره قوامها 53 بطـــوله ومازال للمجد بقيــــــه ولكن اتمنى من الجماهير الهلاليه الواعيه المحبه لفريقها عدم الانجراف خلف الاعلاميين والجماهير المندسه الذين يطالبون باسقاط الفريق من جهات عده ولاحظنا كيف وضعو ياسر انه ترك المباراه والملعب من بعد الهدف الثاني !! وهذه كلها كذب وافترائات ولكن كشفت الاعيبهم وكذبهم واهدافهم الذي يتمنون تحقيقها . بطوله لاتعني نهاية المطاف واغلاق النادي وخلااص باذن الله اسيا جايه جايه لو بعد حين ولكن رئينا كيف انتصار الاعلام المضاد حين ردد الجماهير العالميه صعبه قويه !! ماتركو اي برنامج او تقرير الا وتحدثو عنها .؟ هل نحن من يدع المجال لمن يشمت او يستهزء بنا ؟ تمنيت ان هذا لم يحدث ولكن قدر الله وما شاء فعل مع تمنياتي للفريق للعوده لوضعه الطبيعي باقي عندنا دوري وكاس الابطال واسيا مشاركين فيها وباذن الله تصحح الاخطاء الموجوده الان والعوده القويه للمنافسات المتبقيه اعتذر عن الاطـاله لكن هذا كلام كان في القلب وحبيت اكتبه لكم تحياتي |
عزيزي الله يعطيك العافية وجهة نظرك واحترمها ومعك في كثير مما ذكرت واللي حدث بعد المباراة ردت فعل لا أكثر ولا أقل الجماهير تحمست وحضرت فحصلت لهم خيبة أمل فكانت ردت فعلهم قاسية ومؤلمة بحجم الألم الذي تذوقوه جميعنا تأثرنا وتألمنا لكن كل منا يتعاطى مع الخسارة من منظور شخصي ويجب ان نسلم بأن جمهور اليوم ليس كجمهور الأمس لقد تغيرت الأجيال وتبدلت الأفكار والرؤى فصبراً جميلاً والله المستعان بإذن الله القااادم أجمل اتركوا الزعيم يبدأ من الآن ترتيب بعض أوراقه ولملمت أوجاعه لا تقسوا ع الهلال فإن عشقي له يزداد عند الإنكسار يااااارب وفق الزعيم الملكي في القادم من المباريات |
آآه يالقهر قلتلكم مآصدقتوني واقولك بننهزم اسياء مو لنآ .. وتقولن مندس وتقولن تفائل .. خذلان لاعبين اداء غبي " |
(مهم للعاشقين الحقيقيين ) مدري تبي انهزم واترقع بـ ٤ وتبيني ارفع معنويات يابطل شوف لاعبينك وتعال قول عاشقين ياحبيبي اذا اللي اعشقه بهذل امي تبيني افرح قسم بالله لاعبنا الكوري قسم بالله حرمه تبي تولد ماغير ركض على غير سنع قسم بالله قهر من جد |
كلام منطقي الله يجمل الحال |
يا اخي لا تقولي اي مشجع ما احترق قلبه على الهلال من الخسارة وما كان له ردة فعل هذا ما اسميه مشجع حقيقي لان اذا ما احترق قلبه ما همه خسارة ولا همه فوز يجي يطالع وبس فازوا فازوا خسروا خسروا عادي عنه لكن الي يشجع من قلب هو الي راح يحترق الجمهور محترقه قلوبهم وش تنتظر منهم يصفقون للادراة وللمدرب وللاعبين اي شيء يطلع من الجمهور عادي مقبول لان كل الحق معاهم حرقوا قلبونا وش تنتظر القهر الي انا فيه ما عمري حسيت فيه السنة ذي اسيا كانت في متناول اليد الفريق المتاهل لنصف النهائي من اوزبكستان والنهائي كان راح يكون بالرياض بس ضيعوها وش بغى ما تقولي وش بغى لنا والله قهر فوق قهر حسبي الله ونعم الوكيل حسبي الله ونعم الوكيل حسبي الله ونعم الوكيل |
الاداره اذا بقت على نفس الموال فاربعة اولسان هي بدايت الموسم الاستثنائي الفعلي للهلال الا اذا حصل تغير بمنهجية او اسلوب الاداره مع تدعيم بعض الخانات الادارية والفنية بناس متمرسه وقريبه من النادي تسريح بعض الاداريين واعضاء مجلس الاداره اعادة العنقري للمركز الاعلامي نبي أجانب من &&& أمريكا الجنوبية &&& |
انا ماقللت من حجم الالم الي تسبب لنا لكن هذا غير مبرر الهجوم الاعلامي والجماهيري ع الاعبين من تكسير السيارات والتحدث بان ياسر ترك الملعب من الهدف الثاني هذه كلها ردود تريد تدمير العلاقه بين الجماهير والاعبين الف شكر لكم ع الردود ارائكم احترمها واقدرها دمتم للوفاء موطن |
من دون الأمير بنــــــــــــــــــــــدر بن محــــــــمد قلتها وبسببها حرمت من طرح المواضيع ( ولعيون مصلحة الزعيم يهون ) اعيدها وبملئ فمي العالمية صعبة قوية بهالأسلوب المتبع والمسمى احتراف ياجماعة الخير الموضوع ومافيه الهلال لايعاني ابدا من البطولات المحلية وهي لذلك ليست مقياس لأي رئيس يستلم زمام الأمور والسبب ان الهلال لديه ركيزة من افضل اللاعبين محليا و جميع انتصارات الهلال لاترى فيها رجال يحترقون لإن لديهم المهارات اللازمة واقرب مثال عندما طلع الفريدي في مباراتنا مع الرائد وقال كان بودي اجيب كعب قمة الإستهتار جفنتوس عندما هزمتنا بال7 والمانيا قبلها بالثمانية كنا نشوف لاعبينهم يبحثون ويحرثون الأرض من اجل الزيادة وهنا مربط الفرس البطولات الخارجية مختلفة تريد الروح تريد عرق تريد الغيرة تريد الحماس وطبيعة الإنسان العربي هوا ابعد مما اتصور انا وانت من حكاية الإحتراف اعطيني رجل بهيبة الأمير بندر وقتها تجد رجال على ارض الملعب غير هالكلام راح نمشي على درب فريق الجار ولكن على المستوى الخارجي ونتغنى بأطلال الماضي |
في موضوع التغريدات صفحة83 الجمهور يردد طلع البدر علينا مالاحظت انتشر زي ما انتشر فديو الاتحاد والاهلي اتمنى احد ياخذه ويثبته الاعلام ماينظر لشي الحسن اللي يسويه الجمهور الهلالي يحب دايم يصيد صيدات لجمهور الهلال اتمنى اتمنى اتمنى تسوون الفديو موضوع وتثبتونه |
باذن الله تزيين الأمور لكن الي قاهرني رؤف خليف متحمس وفارس عوض جايين يعلقون على فوز الهلال ولكن ما الذي حدث؟؟؟!!!!! تارك عزيمتتين البارح على شان الهلال ياليتني حضرت العزومة |
يا جماعه الفريق مافيه صنااااااااااااااع لعب والفريق متهااالك ووهقنا فوزنا على الرائد......................................قولو كلمت حق الهلال يبي له غربله كاااااااامله اهم شىء الكيااااان شجعت من عام 1413وانا اشجع الهلال ماحسيت بكره وحرقه وسكر وضغط الا في هذه المباراه ...........بس لازال الكبير كبير يالله العوض بالجايات |
تكفووووووووووووووون آهم شي لآ عآآآآد نسمع آحد يمدح وينفخ اللعيبةة تكفووووون وحتى لو تميّزوا خلووونا نجررررب وانتبهوا والله والله في نآآآآآس مش هلاليين ويكتبوا في تويتر وفي المنتديات مطالبات بإستقالة الرئيس + وإقالة المدرب و و و و .. النتبهوا لاتكوووووونووووا إمعة وآدري الهلال امس ماقدم شي يشفع له |
الله يعطيك العاافية كلام سليم |
راحت بطوله بس باقي بطولات .. وماكل شيً لابغيته تنولـه مثل الجمل خلك وشيل الثقيلات .. واصبر على هم الزمان وحموله كان العصيه طولت مابعد جات .. لابد من يومً تجي ذا البطوله قامت علينا كلبو ذا القنوات .. معاد به شيً يقال وتقـوله فرصه وجتهم واقلبوها مسرات .. ماهي غريبه والكبود معلوله فصدورهم غل وعذاب السنوات.. ذوقهم العلقم وهم فالطفوله زعيمهم شامخ وخلفه رجالات .. وجمهوره الوافي ولا احدن يطوله |
| الوقت المعتمد في المنتدى بتوقيت جرينتش +3.
الوقت الان » 09:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd