|
تبا لآسيا كيف تفعل بجماهير الهلال السلام عليكم جميعا قد تكون بطولة مريرة لكن الحمد لله على كل حال نقطة مهمة قبل البداية شاهدت مباراة الذهاب بتعليق عامر عبدالله وحصل اللاعب الكوري الطويل رقم 9 على بطاقة صفراء ثانية وعليها لا يسمح له بالمشاركة في الاياب ومع ذلك شاهدناه فيها !!!!!! واللي تكسب به العب به عموما : انتهت البطولة الاسيوية ولكن الهلال يبقى اهم الفرق فيها وهو الفريق الذي لم يغب عنها بل حصل على نصف بطولاتها ورغم ان الفريق ابتعد عنها طويلا الا انها ستدخل الخزينة يوما ما بحول الله صحيح الفريق لم يقدم شيء هذه المباراة لكن لا يبرر ابدا للجمهور الهلالي ان يطالب الفريق باستقالة الرئيس او اي ردة فعل غير منطقية خاصة ان اميرنا الغالي قدم ما يستطيع واكثر من ذلك حتى بات الهلال نموذج اقتدى به الشباب ثم الاهلي واخيرا الاتحاد تدرون ما هو العيب ؟ العيب هو اننا رأينا الاتحاد والاتحاد فقط تاهل لبطولة العالم وحقق نسختين فقط واصبح تاريخ الهلال لا شيء بالنسبة لجماهيره واصبح يمارس هذا الضغط على الهلال وجماهيره من بقية الاندية على الرغم من ان الاتحاد غاب عن تحقيق اللقب منذ فترة ليست بالقصيرة ، وانا لا استنقص العميد الاتحادي ابدا ، فهو من اقوي الفرق في المملكة لكن دعونا نعرف لماذا نحن منضغطين من هذه البطولة . وحتى يعلم الجمهور الهلالي مدى صحة هذا الكلام دعونا نفرض هذه الفرضية البسيطة لو حدث في المباريات القادمة ان يخسر الاهلي او الاتحاد في المباراة النهائية ممن سيصل للنهائى ، اجزم وازعم ان الجمهور سيرضى بما حدث وسيزول كل هذا الشحن مع امنياتي لاحدهما بالتوفيق اذا نحن من جعلنا هذه البطولة من قصص الخيال لنا في نادي النصر الشقيق عبرة ، فريق منافس لنا غاب عن تحقيق البطولات سنوات عجاف ومع هذا لم يتحدث الجمهور عن وجوب اللعب وليس تحقيق اللقب بل اللعب فقط في بطولة آسيا بل ما زال يساند فريقه لتحقيق اي بطولة واتمنى عودة النصر يوما ما حتى الاهلي لم يحقق بطولة الدوري منذ سنوات ولم يكن ذلك سبب في جعلها عقدة ولم يتطرق لها اعلام ولا جمهور اهلاوي ولا حتى من المنافس التقليدي الاتحاد اذا يا سادة ... لانه الهلاااااااااال ، وذمب الهلال انه عودنا على تحقيق اي بطولة بل وكل البطولات هذه هي ضريبة يجب ان يدفعها هذي النادي - إما ان تحقق بطولة او انت لست بفريق يستحق التشجيع !! لنكن منطقيين ونجدد العهد مع هذا الكيان الذي اسعدنا مرات ومرات سترضخ هذه البطولة لزعيمها يوما ما استقالة الادارة بسبب هده المباراة هو هروووووووب وليست شجاعة الشجاعة ان نصحح ما نحن عليه وابن مساعد قادر باذن الله استودعكم واسعد بردودكم |
قصدك ان الاعب الكوري اللي لعب اليوم المفروض مايلعب طيب ليش مايرفعون شكوا تدري لو كلامك صحيح كان يعتبر النادي الكوري خاسر 0-3 وتسحب المباراة منه ليش ساكت انت من اليوم روح لتويتر وراسل عبدالرحمن بن مساعد او وصل كلامك هذا لهم انا قايل فيه شي غلط قاعد يصير من اول ماخسر الهلال حسبي الله عليك يامدرب |
بدخل بسرعة للموضوع اللاعب رقم 9 الطويل اسمه Kim حصل على بطاقة صفراء في دور 16 امام فريق كاشيوا اليابتني وهذا الرابط للتاكد دوري أبطال آسيا - كووورة وحصل ايضا على بطاقة صفراء في الذهاب امام الهلال في الدقيقة 80 وهذا الرابط للتاكد دوري أبطال آسيا - كووورة ومع ذلك شارك امام الهلال في الاياب هل للهلال احقية بالاعتراض ؟ |
مع احترامي لك انت جالس ترقع وتطبطب علينا وتدري ان الفريق ما قدم شي والبطوله عقده اصبحت لنا حنا مانبي مثل كلامك هالكلام يشجع على آلفشل مانبي ترقيع نبي حلول جذريه الهلال صار يطلع بنتايج تاريخيه واليوم اهانه صراحه بالتاريخ وانت تجي تقول يكفي ويكفي وش ينفعنا التاريخ نبي المستقبل الهلال يبيله غربله ومدرب واداره جديده نبي نحاسب كل متهاون لن ننظر للخلف بل سننظر للامام ويجب ان يتحاسب المتهاونين في ليلة الامس |
يكفي تطبيل للأدارة خلاص ياحبيبي تعبنا واتعبتنا الادارة كل سنة تصحيح ماتملون من التطبيل لاعبينك بلا روح هل تعلم لماذا !!!!!!! اسأل رئيس ناديك وينة عن اللاعبين ووينة عن النادي وتعرف... |
انا اعرف المباراة كيف حتكون من ضربة البداية ومن اول ٥ دقايق قلت للواد اللي جنبي شكلها طايرة |
ياعمي حصل ولا ماحصل مرقوعين اربعه بعدين يختلفون عندهم كيمات واجد |
معقولة نادي بحجم الهلال يغفل عن نقطة زي هذي .. ان الفريق الثاني يلعب بلاعب معاه كرتين ولا يسوي شي ؟؟؟؟؟؟ |
صحيح كلامك >> اللاعب كيم شين ووك حصل على انذار في دور الـ 16 وحصل على انذار في مباراة الذهاب امام الهلال لكن اتوقع ان البطاقه الصفراء تمسح في حال تآهل الفريق لربع النهائي البطاقه الحمراء هي اللي ماتمسح ويتوقف اللاعب في المباراة التي تليها بالتوفيق لزعيم اسيا وملكها في المواسم القادم |
الاعلام الاصفر والازرق زرعو في جمهور الهلال التفكير باسيا |
طيب ليييه ما لعب سلطان البيشي في الذهااااااب ولعب نامي مكانه ؟؟؟؟؟؟ |
نعم من حقنآ أن نعترض على كل صغيرة وكبيرة ، والأمر لمصلحتنآ إذا فعلآ اللاعب الكوري لا تسمح مشاركته بهذه المباراة ، نادي الهلآل يفتقد للروح للأسف وبعض الأجانب سيئين ، قلنآ نريد صانع لعب ، لكن الله ماكتب لنآ آسيا 2012 والحمدلله على كل حال |
إقتباس:
بالتوفيق للهلال في قادم الايام .. وان شاء الله يكون كلامي خطا وكلامك صحيح |
ماعليش اخوي ملينا من الاخطاء المكررة كل سنه لاعبين اجانب فاشلين ... الادارة لها اربع مواسم وهذا الخامس حاولت تجيب اسيا ماقدرت خلاص عطوا الفرصه لغيركم . بعدين من اسمك واضح انك راح تطبل للادارة اجل عاشق؟ بعدين( ذمب) تكتب ذنب بالنوووون مش بالميم . |
خساره ان كان تفكيرنا التأهل بالاحتجاج . والله وبالله اني من مباراة الذهاب راهنت على عدم تأهله ليالي العيد تبان من عصاريها الفريق بدون روح ميت منتهي الله يعوض علينا والله لو تجمع نجوم العالم بفريق بلاروح مايعمل شي مدرب مضروب محترفيين مشي حالك إداره لاتفقه بالكوره . ووعود كذابه كل سنه يعيد ويزيد بوعود كذابه هذا ماهو شبيه الريح هذا شبيه الطقاع وأنتو بكرامه . خذلنا ايما خذلان :cry: حسبي الله عليه . |
| الوقت المعتمد في المنتدى بتوقيت جرينتش +3.
الوقت الان » 10:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd