من اوصل الهلال لهذي المرحلة ؟؟
 

السلام عليكم ورحمة الله وبركاتة

هارد لكم الخسارة (

والله مادري كيف ابدا بلكلام والله اول مرة اتمنى الحكم يصفر قبل تنتهي المباراة

باكثر من 20 دقيقة ,,, عبدالرحمن بن مساعد والله اني احبك ولاكنك اوصلت الهلال

لمرحلة نصر خبيلان , اي فريق في العالم يخسر لاكن توصل تضيع هيبة النادي

وتضعف نادي بحجم الهلال هذي مانرضاها هل من المعقول نادي بحجم الهلال

وجماهيريتة ان يطلب نقل مباراة لملعب صغير بحجم الملز !!!

والله شي ينرفز ادري مالها داخل في المبارة لاكن حق من حقوق الجمهور الهلالي

ادارة بس مساعد تستصغر الهلال للاسف يعني لونقلت المباراة بتفوز ولاعلشان

الملعب بوسط الرياض ويصير الملعب فل , اذكر ان الهلال في مباراة بونيدكور

وذوبهان والكويت الكويتي ومبارايات كثيرة الملعب فلل الملعب للاخر

الموسم الماضي موسم سيى بكل المقاييس والكوري وهرماش اسوا الاجانب

واستمرو الى الان بحكم الاستثمار ثم مصلحة النادي .

انا مالوم المرشدي على خطاء دام جنبة منقان , ومالوم منقان لانة جاي بفريق مافية

محور دفاعي وكلة ثغرات ولاعب مالعب من 6 شهور , انا مالوم ويسلي يرجع لوسط

الملعب لان مافية في الفريق صانع لعب حقيقي حقيقي , الفريق يحتاج لمحور دفاعي

وصانع لعب اجنبي ومدافع زي تفاريس وعناصر محلية لتقوية بعض الخطوط


هارد لكم الخسسسارة والله العظيم اني اتالم وماظن فية احد مثلي مقهور :cry:

الخساره جت غير متوقعه فعلا
لكن وش دخل عبدالرحمن بن مساعد
المفروض نقول له خلاص ياسموك غير المدرب والاعبين الاجانب
مانبي اجانب
راضيين بالمحليين
نبي مدرب وطني بصراحه

صرآحة ماتوقعت الهزيمة القآسية هذي







خيرهآ بغيرهآ ان شآء الله

بسم الله الرحمن الرحيم

أولا ياعزيزي لا تنقهر على شي راح لآن ماله أي فايدة

بصراحة فريقك ماقدم مستوى عشان تبي النتيجة !

تشكيلة سقيمة جداً وأكمل عليها بالتبديلات المتأخره

ولا تنسى إصابات بأماكن حساسة بالفريق ولها أسماء ثقيلة ل الشلهوب وياسر والشهراني

المفروض شفت فريقك ماقدر يبني هجمة صحيحة بأغلب الشوط الأول ليه استمر ب محورين من المفترض إنه يخرج الفرج الي ماعرف يستلم كورة ولا عرف يناول زي بقية اللاعبين على الأقل ودخل مكانه الفريدي وعبدالعزيز الدوسري يخرج الشوط الثاني ويدخل مكانه نواف العابد

تبديلات ابو 20 دقيقة ماتقدم ولا تاخر يعني الي بتدخله ميسي ولا رونالدو تبيه يسوي الفرق بالوقت القصير ذا !!

والله ما أنقهر وما أرحم الا الجماهير المساكين من 4 العصر وهم يملون الملعب وبالأخير أكل 4 مع الرأفه والطقطقه

مدرب ماينفع بولا ريال والله كل مبارياته تمشي بالبركه ونقول فزنا على الشباب مهوب شطاره فيك والله ضعف وعدم انسجام لاعبين الشباب .

لاعب واحد يدخل بين 3 مدافعين ويشوتها بالزاوية الضيقه والله اصفق له لآنه شاف قدامه دلوخ مهوب مدافعين .

مانجان طالع لي بالوسط وكانت النتيجة تعادل , ألعب ب محورين وبدون صانع لعب حقيقي !!

والله أكبر قهر وأتمنى من الإدارة ترحيل الاجانب الثلاثة والابقاء على ويسلي وقدوم مهاجم صريح وفنان وقلب دفاع وصانع لعب