|
مشكلة الخساره نفسية نفسية وسببها المدرب لانه اصلا يبيله تهيئه هو بنفسه وخواف ولا يملك الجرأة وانتقلت العدوى منه للاعبين وجابوا العيد بالمبارتين لعدم تهيئتهم بالشكل الصحيح وزج بهم في فوهة بركان كوري مكبلين حتى دمروا واذا فات الفوت ما ينفع الصوت تنزل الفريدي والعابد والدوسري وش بيسوون والله لو هي عصا سحرية ما توصل اربعه وانت مطالب بسته اقوال ،،،،،،، |
تشكيله حلوا هااااااا ثلاث محاور وصانع لعب دايخ |
نعم شكرأ شبيه الريح على حضورك المباراة ودعم الفريق شكراً كوامبريه فخطتك للفوز باللعب بـ 3 محاور ارهقت اولسان شكراً لاعبينا على حماسكم وقتالكم من اجل الزعيم تباً للجمهور الذي حضر من جميع انحاء المملكة ودول الخليح تباً للجمهور الذي حضر من الساعة 2 ظهراً تباً للجمهور الذي كان يشجع ويهتف وفي مرمى فريقه هدفين |
يا شباب تكفون نبغى نسوي حملة دعم للإدارة لا يستقيل الأمير/عبدالرحمن بن مساعد صحيح يوجد على الإدارة أخطاء، لكن من منا لا يخطئ الأمير عبدالرحمن مكسب لنا جميعا وجوده رئيس لنادينا وإذا استقال الأمير عبدالرحمن أكثر من يفرح باستقالته جمهور الأصفرين يا أخوان تكفون نبغى نسوي حملة من الآن ونوقف مع الأمير وهو والله ماقصر وبيض الله وجهه ومن اجتهد وأخطأ له أجر وحرام نقلب عليه عشان معنويات نفسية لدى اللاعبين أدت للخروج من البطولة مع عدم وجود من الأجانب الجيدين سوى ويسلي لوبيز |
نعم لاستقالة بن مساعد ف على يديه اصبح الهلال ينصقع ثلاثه من الاتحاد في اسيا واربعه من اولسان ونخرج من امم صلال وهو من تعاقد مع هرماش والكوري ومانقان ... والله لو مايستقيل فهو مايستحي على وجهه !! |
الروح ثم الروح ثم الروح ثم الروووووووحح ياخي لاعبين مايحسون بقيمة الشعار، لاعبين عبثوا بتاريخ الكيان، مدرب متخبط طوال المباراة والدليل ان التبديل بدأ به في الشوط الثاني ما أدري مين اللي حالف عليه وقاله انتظر للشوط الثاني، ياأخي أكلت لك هدفين في أقل من نص ساعه المفروض يبدأ المدرب في التحرك مايجلس ينتظر لحد الشوط الثاني، لا ومنقوة عين المدرب نزل العابد في الدقيقه 80 وش تبيه يسوي، والادارة لاتعليق لان أعتقد بأن أي نقد موجه للأمير عبدالرحمن أو أحد الحاشيه اللي حوله يعتبر جريمة هنا في المنتدى لذا سأكتفي بقو لاحول ولاقوة اللا بالله وحسبي الله على من كسر هيبة الزعيم. |
إقتباس:
خلاااااااااااااص تطبيل للإدارة الوعود الكاذبه والإستخفاف بالجماهير ماضيعنا الا انتوا يالي شايلين هم جمهور الأصفرين الهلال بحريقه بس مايفرحون جمهور الأصفرين هذا نتاج ادارة شبيه الريح متى بتشجعون الكيان وتتركون تشجيع اللاعبين والمدربين |
حسبي الله ونعم الوكيل بس مانحرقت الا علشان هالجمهور مانقول الا على قولة عبدالمجيد كل يوم نقول اليوم تتحقق الاحلام ياهلال يامحروم من دوري الابطال |
إقتباس:
أخوي زيزو البركاتي... مع احترامي لرأيك لكن خسارة مباراة بسبب مباشر أو غير مباشر من الإدارة ليست نهاية المطاف اللعب فوز وخسارة وبقاء الإدارة الحالية حتى نهاية العام ضروري ليس لمصلحة شخصية أو تطبيل لها بل لمصلحة النادي وبلاش من الانفعالات اللي مالها داعي أكاد أجزم أن أكثر واحد كان متأثر من الخسارة هو رئيس النادي هو اللي قاعد يدفع ويخسر من وقته وجهده وصحته وماله أكثر من غيره |
ما ألوم اللاعبين فمثلا المرشدي و الزوري و البيشي و غيرهم من اشباه اللاعبين لا يمكن ان يحققوا بطولة آسيا . يا اخي هذا هو مستوى اللاعب منذ سنوات و لم يتطور . من يريد تحقيق بطولة آسيا يجب عليه ان يصنع فريق بطل . لو لاحظنا الفرق المشاركة فالبطولة جميعها يعتمد على مدربين و لاعبين اجانب على مستوى عالي مثلا فكتور و عماد في الاهلي و رافنيا في اولسان و الشربيني و امبامي في الاتحاد و لوكاس و كونكا في الفريق الصيني هذا غير اسماء المدربين العالميين و اولهم مارشليو ليبي منذ بداية الموسم و نحن نقول الهلال سيء . فياسر القحطاني افضل من الكوري بمراحل و القرني مثل الهرماش و افضل .. اما بخصوص مانجان فحدث و لا حرج. وجميع الاندية السعودية في العشر سنوات الاخيرة تعتمد على العنصر الاجنبي اعتماد كلي .. فعرفنا الاتحاد مع تشيكو .. و الهلال مع رادوي و نيفز .. و الاهلي مع فيكتور و عماد . بصراحة الخروج تتحمل الادارة فيه النسبة الاكبر و من ثم المدرب و من ثم اللاعبين . فالمدرب اخطا بأبقاء الفريدي و العابد خارج التشكيلة الاساسية وهم مفاتيح اللعب بالنسبة للهلال. |
رأس المشكلة الادارة والاعبين المدرب حط التشكيلة المناسبة والي يقول 3 محاور تكفوووون انتم تشوفون الفرج محور ولا وسط انا الي اشوفة ان المحاور هرماش و القرني فقط ناس والله تسمع كلام وتجي تكتبة بالموقع |
صاحب السمو الأمير عبدالرحمن بن مساعد دقدر الله وما شاء فعل... ألست رجلا حكيما كما عهدناك؟ ألست الشاعر المبدع الذي يتلمس جراح الآخرين؟ ألست الرجل المثالي الذي ينبغي أن يتسع صدره للنقد البناء الصادق؟ إذاُ الادارة الحالية بقيادتك وبكل أعضائها يجب أن ترحل فهي معزولة عن الجمهور ومصابة بانفصام حاد أقولها والله العظيم وأنا هلالي أبا عن جد ولا أعشق الا الكيان ولكن هذه الادارة فشلت فشلا ذريعا ويجب أن يتحلى رئيسها بالشجاعة ويحفظ ما بقي له من احترام ويتحمل هذا الفشل المركب ويرحل.. صاحب السموسبق أن انتقدناه بصورة موضوعية قبل أن تقع الفأس في الرأس ولكن مواضيعنا للأسف لم ترى النور ونحن نحترم إدارة الموقع ولكن لتعلم أن الموقع هو انعكاس مباشر لصوت الجماهير المحبة. وفقك الله في حياتك المستقبلية ولكن ليس كرئيس لادارة نادي الهلال .. تحياتي |
ماقصر انه ابقى على المرشدي ونامي والعتيبي والزوري ولم يوفر قلوب دفاع صح وشكرا انه جاب منقان والحارثب المصابين |
لاحول ولا قوة الا بالله والله ما ذبحنا هالسنه الا شبيح الريح ومطلبينه هذا استعداد لاسيا انتقدنا وانتقدنا وتقولون اصبروا وتشوفون النتايج ليه مستعجلين ؟؟ قلنا ليه تاخر في المدرب ؟ وقلنا ليه ماغير الاجانب ولا زالت شلة المطلبلة تقول اصبروا والحين بعد الاربعه تقول شكرا لا يبطي اقوله شكررررا السبب الاول في هالتخبط الاداره لان هي من جابت هالمدرب واللاعبين الاجانب |
المدرب فاشل والاعبين افشل والاجانب افش وافشل وشكرا شبيه الريح ومانبي غير تغيير الطاقم بالاكمل إلا الاعبين المحليين |
| الوقت المعتمد في المنتدى بتوقيت جرينتش +3.
الوقت الان » 07:09 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd