السلام عليكم ورحمة الله وبركاته




الحمدلله والصلاة والسلام على اشرف الانبياء والمرسلين



اللهم وفق الهلال في المبارة القادمة

للي جاي من الشرقيه على الملعب اول شي توصلون بالسلامة



اول ماتوصل مدخل الرياض بجيك مخرج وسط الرياض او الرماح اتركه امش طوالي لاتوقف الين تدخل الرياض


بتدخل طريق الدائري الشمالي


امش طوالي بجيك مخرج 9 , 8, 7 , 6 اتركهم

الين يجيك مخرج طريق الملك عبدالعزيز مخرج( 5)



ادخل مع المخرج بجيك اجباري يمين اطلع يمين ثم بعد 200 متر تقريبا بجيك مديرو ديور معاه وارجع على نفس الطريق واطلع طوالي بجيك كبري اطلع معاه مثل ماهو موضح بالصوره





اطلع طوالي طوالي بيجك كذا تقاطع تقريبا 5 او 4 مادري بتحديد تعدها اليين يجيك دوار القاعده الجوي يصير القاعد الجوي او المطار القديم على يسارك

اطلع مع الدوار اول لفه خله روح مع الثانيه الي هو طريق صلاح الدين الايوبي



اطلع طواالي اليين يجيك كبري طريق مكة او خرييص الي هو صلاح الدين تقاطع خريص




اطلع طوالي خلك على نفس الطريق صلاح الدين الايوبي بصير فيفا حق الحيوانات اعزاكم الله على يمينك
اطلع طوالي بجيك 4 او 5 اشارت بصير الملعب على يسارك


توصلون بالسلامه

وعلى فكره في عدت طرق يطلعك على الملعب انت الطريق الي تعرفه او ينسبك رح معاه لاكن هذا مختصر
بالتوفيق