توصيف لملعب الملز للي جاي من الشرقية
 

السلام عليكم ورحمة الله وبركاته




الحمدلله والصلاة والسلام على اشرف الانبياء والمرسلين



اللهم وفق الهلال في المبارة القادمة

للي جاي من الشرقيه على الملعب اول شي توصلون بالسلامة



اول ماتوصل مدخل الرياض بجيك مخرج وسط الرياض او الرماح اتركه امش طوالي لاتوقف الين تدخل الرياض


بتدخل طريق الدائري الشمالي


امش طوالي بجيك مخرج 9 , 8, 7 , 6 اتركهم

الين يجيك مخرج طريق الملك عبدالعزيز مخرج( 5)
http://im19./5Y9V1.png


ادخل مع المخرج بجيك اجباري يمين اطلع يمين ثم بعد 200 متر تقريبا بجيك مديرو ديور معاه وارجع على نفس الطريق واطلع طوالي بجيك كبري اطلع معاه مثل ماهو موضح بالصوره

http://im19./aGzC2.png



اطلع طوالي طوالي بيجك كذا تقاطع تقريبا 5 او 4 مادري بتحديد تعدها اليين يجيك دوار القاعده الجوي يصير القاعد الجوي او المطار القديم على يسارك

اطلع مع الدوار اول لفه خله روح مع الثانيه الي هو طريق صلاح الدين الايوبي

http://im19./HsVs3.png

اطلع طواالي اليين يجيك كبري طريق مكة او خرييص الي هو صلاح الدين تقاطع خريص

http://im19./CerJ5.png


اطلع طوالي خلك على نفس الطريق صلاح الدين الايوبي بصير فيفا حق الحيوانات اعزاكم الله على يمينك
اطلع طوالي بجيك 4 او 5 اشارت بصير الملعب على يسارك
http://im19./iU3i4.png

توصلون بالسلامه

وعلى فكره في عدت طرق يطلعك على الملعب انت الطريق الي تعرفه او ينسبك رح معاه لاكن هذا مختصر
بالتوفيق

ماقصرت وربي يعافيك

وان شاء الله الوصف سهل للقادمين من الشرقية



ملاحظة:// الصور مو طالعة عندي

هذا مركز حلو ارفع عليه الصور

مركز ملك التحميل

الأسهل أنهم يمسكون الدائري الشرقي كأنهم متجهين لمكة ومع مخرج 14 يأخذون يمين وبعدين على طول لين يجيهم الملعب على اليمين

مشكوووووور على الموضوع ...

افضل له مخرج 14 لانه مع مخرج 6 بيضيع اذا هو مايدل الملعب زين

بالتوووفيق وحيااكم

:s2::s2::s2::s2::s2::s2::s2::s2::s2:

مآقصرت شرح وافي

وان شاء الله مآ راح اضيع على وصفك

انا بمشي الثلاثاء وبريح وامسي ليلة الاربعاء

بآخذ شقة قريب من الملز

الله يبيض وجهك ولاهنت على الوصف



تحيـآتي لك ....

وصفك صعب صراحه

مخرج 14 اقرب ا

اقرب توصيف للي جاي من الشرقية اتبعوا لوحة الخرج الين توديكم على الدائري الشرقي ثم خذ يمين مع مخرج ١٥ وليس ١٤ اللي عند اسواق المجد بعد كم اشارة بتحصل الملعب ع اليمين

مخرج 15 ياشباب موب 14

ههههه بعض الزعماء مع الخيل ياشقراء

اذا جاك مخرج 15 تروح يمين وسيدا لين مايجي الملعب على اليمين

الله ينور عليك
 

+1
صحيح مخرج 15 اللي هو مخرج صلاح الدين الأيوبي
وتنبيه بسيط يمين للي جاي من مخرج 12 ثم 13 ثم 14 ثم مع 15 يمين
اما اللي جاي من مخرج 17 ثم 16 ثم مع 15 يسار