عاجل واحد بيقدم خدمه شراء تذاكر - نادي الهلال السعودي - شبكة الزعيم

دام عزك يالهلال · #1 30/09/2012, 09:46 PM

السلام عليكم

الحين من المسؤول بنادي الهلال عن التذاكر ..
اعرف واحد يبغى يشتري عدد من التذاكر لـ مباراة اولسان يعني بيشتري ويعطيها الجماهير زي دعم للفريق

فيكلم مين ؟

(فديتني هلاليه ) · #2 30/09/2012, 09:48 PM

يشتريها ويوزعها عند البوابات

أنا كذا هلالي · #3 30/09/2012, 09:54 PM

مافيه احد مسؤل
فيه موزعين ..

زعيم القنص · #4 30/09/2012, 10:07 PM

يأخي الوقت ضيق جدا جدا جدا مايمدي تكلم فلان أو فلان ويمكن تحصله ويمكن تتعب ولا تحصله ... وتدوق عليه من مكتب إلى مكتب !!! ..... لاتكون مثل الي يقول وين اذنك يقول ذيك !!

لو الرجال ملزم يدعم الفريق سهلة يشتري تذاكر مثلا 10 أو 20 تذكرة .... وأول 20 مشجع يقابلهم في وجهه يعطيهم التذاكر وبس وكان الله غفورا رحيما

كثر الله من أمثالك يازعيم ...

شطحة : بالنسبة لي مشجع حماسي وحركي يحمس الفريق احسن من 20 مشجع يدخلون يشاهدون سينما ونايمين

هذا ملعب هذا آسيا هذا حماس هذا حلم ..... مو سينما بارك الله في الجمهور النايم !

الشعيفاني · #5 30/09/2012, 10:46 PM

اهم شي الحمااااااااااااااااااااااااااااااس في المدرجج اتمنى من اللي يستحي وكانه حاضر سينما وساكت انه يرتاح في بيته نبي حماس
وان شاء الله الفوز حليف زعيمنا

a lonle wolf · #6 30/09/2012, 11:00 PM

اخاف صاحبنا يبيعها في السوق السودا

دباج · #7 30/09/2012, 11:05 PM

ممنوع تشتري عدد كبير من التذاكر للحد من سطوة السوق السوداء.

اتوقع اللي بيفيدك كثير ذهابك للنادي والاستفسار بشكل ادق.

.Mohammed# · #8 30/09/2012, 11:07 PM

صح يشتريهآ ويوزع عند آلبوآبه , آلله يجززآه خير

عبدالمجيدالخالدي · #9 30/09/2012, 11:16 PM

يعطيكم العافية انت وصاحبك على دعمكم للزعيم ثاني شي اذا التذاكر فوق ١٠٠٠ تذكره رح للزعيم افضل واذا ١٠ او ٢٠ ما اشوف انها محرزه وبعدين انشاء الله جمهور الهلال بيبيض الوجه وبيصك الملعب ا

Ba7r · #10 30/09/2012, 11:32 PM

زي ماقالولك الاخوان فوق يشتري ويوزعها عند البوبات
او ينزل موضوع بالمنتدى ويتواصلون معاه عالخاص اللي يبغى تذاكر

رضيان · #11 01/10/2012, 06:46 AM

يعني يبغى يشتري تذاكر بميئات الا لاف ومايعرف يتصرف؟

ياخي يروح لموبايلي اللي عندها التذاكر ويشتريها وخلاص
وكثر خيرك وخيره