نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   لماذا لا يكون بالهلال وهو زعيم آسيا (جديد) (http://vb.alhilal.com/t1123079.html)

My life alhilal 29/09/2012 06:25 PM

لماذا لا يكون بالهلال وهو زعيم آسيا (جديد)
 
الحمد لله رب العالمين والصلاة والسلام على من لانبيا بعده محمد صلى الله عليه وسلم
طبعا انا ببدأ ببداية بسيطة عن الرسول عليه الصلاة والسلام وبعدين بدخل بموضوع اللي بكتب عنه الرسول عليه الصلاة فكيف لا نذكر خليل الله ومن بكى على امته كل واحد يراجع نفسه لماذا انا وانت مقصرين نعم التقصير هو اللي نتج عنه اشياء كثيرة ومنها الفلم المسيء وسبحان الله عسى ان تكرهو شيء وهو خيرا لكم وهذا الفلم ايقظ بعضنا من الغفلة والتقصير اللي كنا فيه اللهم لك الحمد شباب كفاية تقصير لحبيبنا محمد على الصلاة والسلام وآسف على الاطاله

الموضوع اللي راح تكلمت عن الكشافة واعطيت امثلة على الكشافة بأندية كبيرة اليوم راح اتكلم عن موضوع مهم وغفل عنه الجميع انا كطالب بخارج المملكة لاحظت اغلب الجماهير ليست عاشقة كعشق جمهور الزعيم لفريقها الهلال لكن لا يوجد له مسوقين للمبارايات والشركة الراعية موبايلي لا تقوم بتسويق على اكمل وجه فقد بالمباريات الحساسة تقوم بفتح الملعب وهذه الطريقة ليست لتسويق لكن الطرق المستخدمة على سبيل المثال بكندا المدارس او المعاهد يتم توزيع جدول اسبوعي على الطلاب بمعهد كامل وبهذا الجدول مباريات كالدوري السعودي او اي بطولة اخرى بنفس المدينه طبعا انت تقول الحين وش الفايدة اغلب الجمهور يعرف ان للهلال مباراة مايحتاج الجدول نعم انا معك بهذي النقطة لكن في مميزات اذا تبي تشتري التكت او التذكرة تشتريها من المدرسة او المعهد ويكون في خصم خاص لطلاب اشوف انها طريقة محفزه وراح تلفت نظر بعض الجماهير وغير كذا نادرا مايروح الواحد بنفسه دائما مايكون معاه احد من اخويائه يعني مجموعات على سبيل المثال انا شباب اذا جينا بنروح لمباراة سلة لان ماعندهم كورة بكندا نروح على مايقل عن 10 ونشجع بعض بروحه ويكون في باصات خاصه اشوف هذي اشياء محفزه شوف كم مدرسة برياض هذا راح يزيد من عدد الحظور حتى اغلب الآباء او الامهات يرفضون ذهاب ابنائهم للملاعب وخاصة اللي بمرحلة المتوسطة والثانوية طبعا هذا حق من حقوقه الخوف على ابنائهم لكن هذي الطريقة راح تقلل الخوف لانها من ناحية المدرسة راح يكون في ثقة اكثر

هذا موضوع بسيط طبعا ليس عذر عدم حظور المباريات لكن اكتب للفائدة حتى لو أخطأت كل هذا للهلال نبي جمهور يهز الملعب يوم الاربعاء القادم من كندا قلبي معك يالهلال ودائما اتذكر هذه المباراة وانا بين الجماهير ضد بوندكيور مباراة لاتنسى للجمهور قدم لوحة للجمهور المخلص جمهور الزعيم دائما مايكون مخلص فلا تخربون الصورة فأنتم اهلا لها ‫الهلال وبونيدكور + ابداع جمهور الهلال‬‎ - YouTube الهلال بوندكيور

اخيرا انهي موضوعي كما بدأت اللهم صلى على محمد وعلى آله وصحبه اجمعين

sl7 29/09/2012 07:25 PM

والله مادري وش اقول لك بالضبط لأن مالي في الشغلات الاداريه

My life alhilal 19/12/2012 03:59 PM

هذي مايبيلها تعب كم مؤسهه توقع معها الاداره تقوم بتسويق التذاكر واذا نجحت المؤسسات يكون له جزء من الربح وصدقني راح يكون عدد الحضور بتزايد كل فتره......

.Mohammed# 19/12/2012 07:35 PM

يعطيك العآفيه على الموضوع , بآلتوفيق للزعيم

!هلالي 19/12/2012 10:12 PM

:smilie47::smilie47::smilie47::smilie47::smilie47:

My life alhilal 20/12/2012 12:02 AM

الله يعافيك...
وهذا اقل شي اقدمه لزعيم....

ثائرالهميجان 20/12/2012 02:36 AM

الاداره موب فاضيه تطالع في فكر أي شخص سعودي اذا استثنينا سامي(لحسابات خاصه) ومقلب الجاسر عيونه زرقا يحسبونه اجنبي انت غير اسمك الى جورج وارسل لهم من كندا اتوقع راح يقبلون اقتراحك لانه تم طرح افكار رائعه من بعض الاعضاء وتفاعل معها وعدل فيها اعضاء اخرون وبقية في المنتدى الاداره تدور الي يقول الرئيس احسن واحد في العالم وهو كذاب اما من يقول للغلط هذا غلط سيكون في البلاك لست
شكرا لحبك للهلال واقتراحك الجميل والله يعينك على الغربه ويوفقك

My life alhilal 20/12/2012 08:34 AM

العفو اخوي على الرد وشكرا لاهتمامك برأيي ولك جل احترامي.....
والله يعينا وياك على طاعت الرحمن....

إقتباس:

الرسالة الأصلية كتبت بواسطة ثائرالهميجان (مشاركة 20968966)
الاداره موب فاضيه تطالع في فكر أي شخص سعودي اذا استثنينا سامي(لحسابات خاصه) ومقلب الجاسر عيونه زرقا يحسبونه اجنبي انت غير اسمك الى جورج وارسل لهم من كندا اتوقع راح يقبلون اقتراحك لانه تم طرح افكار رائعه من بعض الاعضاء وتفاعل معها وعدل فيها اعضاء اخرون وبقية في المنتدى الاداره تدور الي يقول الرئيس احسن واحد في العالم وهو كذاب اما من يقول للغلط هذا غلط سيكون في البلاك لست
شكرا لحبك للهلال واقتراحك الجميل والله يعينك على الغربه ويوفقك



الوقت المعتمد في المنتدى بتوقيت جرينتش +3.
الوقت الان » 09:29 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd