يامندس :)

بغض النظر عن الموضوع اللي اتفق معه لكن اشوف هالكلمة زادت شعبيتها بالمنتدى وصرنا نشكك بانفسنا بالطالعه والنازله

ماعتقد فيه احد ينجرف وراء كلام المعلقين
باستثناء المراهقين
وهذولي بكرا يكبرون ويفهمون بس اصبر عليهم:yes:

انا شفت مباراة الرائد والله المعلق رفع بالفريدي وماخلى شي كان الفريدي بس لحاله يلعب وحتى ياسر القحطاني ومسجل هاتريك مامدحه نص مدحه للفريدي

الله يوفق هلالناااااااااااااااااااااااااااااااااااااااااااااااااااااااااااااااااااااااا

بالنسبه لي من زمان اقصر الصوت واتفرج ع المباراة وشاي وفصفص وتصفح نت مافيه شيء يجبرني على التعليق اساسا ماعاد فيه اسمه تعليق صياح ونباح وازعاج وقلق حتى التحليل بين الشوطين اشوف ماله داعي دام باخشوين يحلل وين خلصوا الرياضيين اجيبب باخشوين مع احترامي لمعلقين السعوديه كلهم زيروا لا تعليق ولا تحليل حتى ناصر الاحمد اصبح نشاز وصياح عكس بداياته كان افضل بكثير والله يذكرك بالخير يا البكر عموما الان يعجبني عصام الشوالي وحماده امام واي معلق مصري تحسهم فاهمين مو مثل ربعنا يختبرونهم الصوت حلو والا لا ومافيه اي خلفيه رياضيه ولا تحليل ولا حتى وصف للمباراة تلقاه يسولف في وادي والمباراة في وادي واثنين احسهم جايين للتعلق بواسطه ولد صدقه والحمادي الاماراتي والله ظلم تتعاقد مع القناة الخشبيه كلهم معفنين بس هذا معفن بقوه مافيه اسلوب ولا ميزه

يا رجال الدجاج ارتفع سعره وكل شيء صار غالي خل نامي يسترزق في الهلال بعرف اللي تعاقد معه في الهلال وش شاف فيه ميزه ؟ لا دفاع ولا هجوم ولا اوفرات صح ولا حتى يعرف يركض لو انهم مستمرين على العنقري كان اصرف الهلال ومن بعد الدوخي له تقريبا سبع سنوات مو قادر يجيب ظهير ايمن صاحي مو معقوله سكروا النادي اصرف من بعد التخيفي والدوخي يجي نامي والا الزوري الله يذكررك بالخير يا خالد الرشيد اوفررات واخترقات وسرعه مو جايك اللي يمشي وهو نايم واذا تقدم نسى خانته مافيه حيل يركض والا المرشدي المستهلك كل فلوس عقده مع الهلال تروح للحلاق اللبناني كل يوم لوك جديد والمستوى من جنبها اااخ بس على بدايات المرشدي اقول للعيال هذا بنسيكم النعيمه ومن بعد دورة الخليج وهو خاقها مع اني اشوفه متحسن آخر مباراتين مابي اظلمه

عارف انك تقصد الفريدي لان المعلق ذكر هالجمله بعد هدف الفريدي

لماذا لا تكون اكثر جراءه وتكون صريح

الفريدي قدم مباراه خورافيه ويستاهل الثناء

لكن لو هالمديح للاعب اللي تحبه كان ما علقت ولا قلت اي شي وانا اعرف من اللاعب المفضل لك من خلال ردود لك وصفته بوصف فوق امكانياته

لكن لان هذا المديح ليس للاعبك المفضل تم التقليل منه

احمد الفريدي يحتاج الدعم الان بعد مستواه الكبير على ان يقدم مباراه كبيره ايضا امام اولسان
وكل هذا في مصلحه الهلال

لان الفريدي افضل لاعب بالمباراه وقدم متعه ما يتجاهلها الا جاهل او حاقد للفريدي

ويستاهل المديح هو لانه افضل لاعب بالمباراه وراجع بعد غيبه

والمعلقين يحبون اللاعب الممتع

فارس عوض كان يبالغ في طارق التايب لانه ممتع

بس لانه هذا معلق سعودي واللاعب سعودي وخصوصا احمد الفريدي

اكثركم يقلل منه

يمكن ماتصدقوني
في اغلب الاحيان اذا كان هناك معلق عربي وآخر انجليزي
استمع للمعلق الانجليزي
ولو اني ما ادري وش يقول لكنه يعطيك فرصة تركز في المباراة واللعب
المعلق العربي من قبل ان تبدأ المباراة الى ان تنتهي وهو صياح وزعيق
ولا يسكت ابدا
وقليل جدا جدا من يشرح لك خطة اللعب وتكتيك المدربين
اما الكورة مع فلان عطاها علان
هذي نشوفها وما يحتاج لها معلق
==============
معلق الامس عندما قال اقتلني يافريدي
قلت لمن معي هذا معلق يتمنى الفريدي في فريقه
وعلى فكرة ما جعل الفريدي يبدع امس
هو الدكه وطريقة لعب الرائد بفتح الملعب

معلقين قناة الرياضية ينطبق عليهم المثل اللي يقول
من حفرة لدحديرررررررررررة

... باختصار ياعزيزي المشرف وكلامك جميل


-- هناك ثلاث حقائق :


... الاولى : المعلق غبي .. في ردود فعله المبالغة !

... الثانية : الفريدي ابدع وابدع كثيرا ... العمى او في اللي نفسه شي .. هو اللي ينكر ذلك !

... الثالثة : فيه فئة حاسده الفريدي ... على غباء المعلق ! تخيل ؟؟؟ ههههه


اما نامي اللي في العنوان : الاسم اسمه ... والغبوق لمريم ...


ودمتم

كلامك على متمه كل الي نسمعه بالتعليق وبذات قناة (؟) المعروفه الخشبية طبعاً يجيبون الهم والمرض باسلوبهم غير المتوقع

آلمعلق لآزم يعلي من صوته ويجيب آلقآب
علشآن يجذب آلنآس له ويطربهم ..,

لكن بعضهم ينفخ بآللآعبين وهم ولآ شيء
لكن خل آلنآس تستآنس ..,

والله العظيم اني كنت عارررف ان في هلاليين للاسف

مااراح ينامون والسبب الفريدي ..

تلميح واشطح في الموضوع واخرتها المقصد الفريدي ..

والثاني يجيب مقطع من شأن يبعد الشبهه عن الاول ..




وقفه ..

اتمنى من المشرفين وهم القدوووه في المنتدى ان يكونوا على قد المسوؤليه
التي وضعوا من أجلها..

والابتعاد عن التعصب والتحيزز للاعب بعينه ..


اذا الفريدي اخطاء مو لازم نسبه او نلمح من بعيد على فنه وابداعه ونقول كلام غيرر
اللي نسمعه ..

(( الله سبحانه ما شفناهـ لكن بالعقل عرفناهـ ))

اكثررر واحد اخطاء هو خال عزيز وكل الجمهور وقف معه الين الجمهوور مل من الوقوف
ليش في مثل هالوقت ما نقف مع الفريدي؟؟؟؟


((((( فرق بين الشخص المستثمر في النادي ،، والشخص الغيوررررر على النادي والاعبين )))))



لك ودي 

ازمة معلقين .. صدقت والله
سبب تدني مستوى الكرة السعودية هو التعليق ... والله انك اصبت الحقيقة فيما قلت
موضوع مميز ويستحق التثبيت
لله درك..