نادي الهلال السعودي - شبكة الزعيم - الموقع الرسمي - ياجمهور الهلال الهدوء لو سمحتو

السلام عليكم ورحمة الله وبركاته

صباح الخير والمسرات على الجميع ..

اولا ابارك لكم الفوز الكبير على الرائد والرجوع القوي لزعيمنا < ما شاء الله :smilie47:

ياجمهورنا العزيز اتمنى الهدوء منكم ترى مب وقت الفريدي ولا وقت العابد ولا وقت اي لاعب هلالي حاليا الي صار اللاعيبه بمستواهم وبينهم عقود فمالها داعي هذا يستاهل يتجدد وهذا لا والثاني ماقدم والثالث سيي حاليا امامنا فوق 4 ايام ان شاء الله ومباراتنا قدام اولسان ياجمهور الهلال نحتاج دعم مب تشتيت بين الجماهير ..

الفريدي او العابد لاعبين كبار لكن الي يستهين بالتمارين او في لعبه ترى الدكه تعيد نجوميته من جديد وهذا الي صار معهم .. جمهورنا العزيز كل هلالي عارف مستويات لاعبينه من الحارس الى المهاجم .. لكن موضيعنا الي شفتوا فلان لعب وشفتوا فلان مقصرين معه وشفتوا انه يستاهل صدقوني ماراح تفيدنا بشئ ..

حنا كجمهور مقصرين في الحضور فإذا انت بتتكلم ياليت يكون لك كلمه بالملعب وبحضورك ودعمك لفريق ...

شئ يقهر لما تحضر الملعب والهلال يلعب ولا تلقى جمهور والفريق حاليا في مستوى تصاعدي ويعطيك اهداف بالجمله .

المفروض نشكر اللاعيبه على هالمستوى الطيب ونبارك لانفسنا 3 نقاط وان شاء الله نختمها بالتاهل لنصف النهائي ..

كلامي موجه لاصحاب المواضيع عن اللاعبين ..

حاليا انا ما ادري من راح يشرك او من راح يكون بدكة الاحتياط اللاعبين خلال مبارتين كلهم في الفورما وهذي تحسب لكومباريه بس الخوف وقت المباراه ان لا قدر الله يكون في لاعب مب في يومه او بنفس العطاء في هالمبارتين...

كلمة شكرا اوجهها دايم للمنتقدين دايما : محمد نامي وماجد المرشدي خلال هالمبارتين اشكركم جدا على هالمستوى
واتمنى تكونون دايم كذا وتقللون من اخطائكم ..

نقاط متفرقه :

الاستاذ حسن الناقور عبر التويتر اهدانا 2000 تذكره واهي بادره غير مستغربه منه ونشكره وان شاء الله نشوف 30 الف متفرج بالاستاذ الامير فيصل بن فهد

اتمنى من جمهورنا الي بالرياض يحضرون ولا يفشلونا .. والاهم الي راح يحضر مبكرا للملعب ياشباب الصلاة المغرب والعشاء اكثر الناس ساحبين عليها وجالسين في اماكنهم ..

الحل عندي ياشباب :

لو رايح انت وربعك حول 3 او 2 او 5 او6 ترى عادي جلسوا واحد ينتبه لاماكنكم وانزلوا صلوا وخويكم ينزل ويلقى جماعه يصلون :yes:

هالنقطه مهمه جدا كيف تدعون بالتوفيق لزعيمنا واكثر جمهورنا مقصر بصلاة المغرب والعشاء في اغلب المباريات ..

واخيرا

إن ربي يوفق الهلال ان شاء الله الاربعاء ونفرح جميعا بالانتصار

اتمنى للجميع التوفيق

سلام عليكم .