بسم الله الرحمن الرحيم


قبل كل مباراة في هذا الموسم نكتب الوعد الملعب وكونوا على الموعد وصور وتصاميم في منتدانا
وتكثر مواضيع الحملات تحس كأنك في موسم حج ويتصعد كلامنا في الاعلام على ان الحضور سيكون كثيف
واستدل بتصريح رئيس الشعله عندما قال انه توقع الحضور سيكون كثيف وطلب نقل المباراة للرياض
وكان الحضور جدا متواضع

لا اقصد انني ضد تحفيز الجماهير للحضور ولكن من هم الجماهير الذين يحتاجون تحفيز من اجل الحضور؟؟
اتوقع انهم يحتاجون "كروكي" للملعب وليس تحفيز واقترح ان اصحاب الحملات يرفقون خريطه لموقع الملعب
في شعاراتهم وعنوان الشارع ...

الحل لمشكلة الحضور الجماهيري صعب جدا جدا ولا يستطيع اي مشجع فعلها الا اذا بيت نية الحضور
الحل الصعب هو 1-شراء تذكرة 2-الذهاب للملعب

لو تجتمع كل الشعارات والحملات لن تغني عن هذا الحل مع احترامي لاصحاب الحملات وتقديري
الجمهور الهلالي العظيم لايحتاجها لانهم لو رغبوا بالحظور سيغرق اي ملعب يحتضنهم
ولا ينتظرون حملات ولا تذاكر مجانية وسيحضرون رغم ان خدمات الملاعب " 5 نجوم "

والســـلام في الختـــام

بارك الله فيك

كلامك صحيح ، كرهت ام المنتدى من هالحملات المتكرره

طيب وش حملاتنا اننا نبي المباراه مع اولسان في الدرهه عشانن نححضر...
لانن المملز مايككفي
بس في بعضض الحمملات مادري وش تبي...
واححد يقول جيبو ماردونا والثاني يبي رنالدو,,,

ازيدك من الشعر بيت انا استغرب ان تسير الحافلات من الشرقيه دايما الى ملعب الملز..................قويه بحق الهلال ياجمهور الرياض

فعلا كلام منطقي
وارفع لك القبعه يا اخوي
ابدعت في وجهة نظرك لحملات الحضور

طيب هل الحملات ضرتك شخصيا ..!!

كلاً حر بما يكتب ..!!

أنا صراحه من بعد سالفة ذوب الايراني صار مايفرق معاي الجمهور

والله لو حضر 70 ألف

ولو حضر شخص واحد عندي كلها سوا

وش سووا الجمهور قدام ذوب

خساره 1-0

صح ولا انا غلطان

يعني صار الجمهور بالنسبه لي عادي جدا وليس له تأثير

ولكني متفائل جدا جدا في ملعب الملز لصغر حججمه

يأخي لاكراسي عدلة في الملعب لانظافة دورات مياه " وانتو بكرامة " لا تنظيم لا عزل اماكن المدخنين

وسالفة ممنوع وممنوع وممنوع تدخل بــ ماي صورة لاعب رقمه اسمه كلمات الخ الخ وغيرها سبب عزوف الجماهير

إقتباس الرسالة الأصلية كتبت بواسطة ابو كلبشه1 طيب وش حملاتنا اننا نبي المباراه مع اولسان في الدرهه عشانن نححضر... لانن المملز مايككفي بس في بعضض الحمملات مادري وش تبي... واححد يقول جيبو ماردونا والثاني يبي رنالدو,,,

1- والله الحضور الجماهيري ياخوك مايشير الى ان الجمهور بيكون 70 الف
2- مساحة ملعب الدره نفس مساحة ملعب الملز الفرق فقط في الاستيعاب الجماهيري
3- ميزة ملعب الملز ان المدرجات قريبة من الملعب واللاعبين سيكون التأثير أكبر

4- سواء كان في الدرة او الملز هدفنا الوحيد مساندة الفريق في المباراة مهمه
واتركونا من هالموضوع لاننا لو انهزمنا ماراح يطلع احد يقول الملعب هو السبب ان شاء الله

إقتباس الرسالة الأصلية كتبت بواسطة دخوشي طيب هل الحملات ضرتك شخصيا ..!! كلاً حر بما يكتب ..!!

انت جاوبت على نفسك " كلاً حر"

إقتباس الرسالة الأصلية كتبت بواسطة عيسى المحياني 16 أنا صراحه من بعد سالفة ذوب الايراني صار مايفرق معاي الجمهور والله لو حضر 70 ألف ولو حضر شخص واحد عندي كلها سوا وش سووا الجمهور قدام ذوب خساره 1-0 صح ولا انا غلطان يعني صار الجمهور بالنسبه لي عادي جدا وليس له تأثير ولكني متفائل جدا جدا في ملعب الملز لصغر حججمه

انا معاك في ان حضور الجمهور ليس له فائده لو انهزمنا او اذا لم يتفاعل بالأهازيج

لكن انا ضدك في ان الجمهور ماله فايده في دعم الفريق وهم من يصنعون النجوم

إقتباس الرسالة الأصلية كتبت بواسطة زعيم القنص يأخي لاكراسي عدلة في الملعب لانظافة دورات مياه " وانتو بكرامة " لا تنظيم لا عزل اماكن المدخنين وسالفة ممنوع وممنوع وممنوع تدخل بــ ماي صورة لاعب رقمه اسمه كلمات الخ الخ وغيرها سبب عزوف الجماهير

ملاعبنا من يومها 5 نجوم في الخدمات لكن العشق يجبرنا على شرب شاهي الوزه وبيبسي مخلوط بماء
وفصفص باجا في الملاعب

اخوي عدم حضور الجماهير بسبب الملاعب الـ(5) نجوم الرآئعة
وبسبب الكراسي الانيقة وبسبب الاماكن للمدخنين وبسبب الجماهير حضارية وبسبب المشروبات والاكل في الملعب الرآئع التي لا تحفز اي شخص للحضور


افهمها

كلامك صحيح و ما يغبنك الا اللي مسوي حملة يبي يشرك لاعبه المفضل < طيب حط موضوع و بين فيه اقتراحك وش فايده الحملة ؟! :p
شطحة :: للأخوان اللي يبون ملعب الملك فهد .. ملعب الملك فهد نلعب فيه من 2003 إلى يومك ولا تأهلنا ولا صار شيء ,,
جربو ملعب الملز خصوصا ان مدرجاتة قريبة من ارضية الملعب يعني تشجيع الجماهير بيصير أقوى و اشد

إقتباس الرسالة الأصلية كتبت بواسطة الهآووي اخوي عدم حضور الجماهير بسبب الملاعب الـ(5) نجوم الرآئعة وبسبب الكراسي الانيقة وبسبب الاماكن للمدخنين وبسبب الجماهير حضارية وبسبب المشروبات والاكل في الملعب الرآئع التي لا تحفز اي شخص للحضور افهمها

بس اخوي هاوي انا ماتكلمت عن اسباب عزوف الجماهير .. موضوعي كان الحملات المخجلة
اللي عنوانها تحفيز الجماهير

واذا ودك تنوه عن الخدمات انا معاك انها 5 نجوم ومافي احلا من كذا وفاهمها انا