..... ياعرب .. ياشباب .. يارجال .. يازعماء ...

اول شي ... سلام عليكم .... اركدوو ووسعوو صدوركم .. واللي يبي قهوة يعطيني فنجاله




ايها الشعب ..


والله ندري ان اللي ينتقد يحب الزعيم ...بس ياناس ذبحتونا .. قبل تذبحون اللعيبه ... جبتو لنا الهم ... من كثر الفلسفة ..

بس ياناس .. انتهو تستهينون بكتابة كم كلمة في المنتدى .. وتقولون ننتقد حبا في الهلال ... ! وهي تهد جبال مو اوادم !

ان كان في يدك شي ينفع الهلال ..روح وسوه .. !

اما الكتابات اللي بس تهد المعنوية .. وتجيب الهم .. مامن وراها مصلحة

... استفدنا شي من نقدك ؟؟؟ ما استفدنا ولاحاجة ابشرك... كل يوم نخسر لاعب.. وعقبال مايصفي لنا اللعيبة المفلسين فنياً .. (( والمثل يقول اللي يخدمك بدون مقابل ... حرامي ))


.. وان كانك بس تنتقد عشان اذا انهزم الفريق .. تجي تقول قايلكم كنت حاس... تراهاا ماتنفع الفريق في شي وياليت تخلي احساسك لنفسك ...

خلو لعيبتنا لنا .. وخلو فريقنا لنا لاتهدمونه ... ندري خسارة الزعيم ماتضركم بشي ... بعكس لما تقولون قايلكم كنت حاس .. تحسون انكم ابطال ومنتصرين ..



الاستمرار بهالطريقة ... بيوصلنا ل بقاء اسوأ اللاعبين .. وذهاب افضلهم ...

وترى كلنا نقدر نقول ... لو لعب بمهاجمين كان فزنا ... ول نزل اللاعب الفلاني كان فزنا ... لو لعب بالتشكيله الفلانيه كان صار وصار ... .. بسيطة ترى ماهي شي معقد .. وكلها كورة..
--------


انا ما اقوولكم .. طبلو للفاشل ... عشان مايجيني واحد فرحان انه يعرف كلمة تطبيل ...

انا اقولكم الفريق فيه لعيبه قادرين يغطون النقص اللي يحصل من غلطات لعيبه اخرين ..

اللاعب الكويس .. لو لقى دعم قبل المباراة ولقى ناس تحسسه انها تنتظر منه الشي الكثير وتثق فيه .. والله ان يبدع وان يشيل الفريق كله ...
اما بعد المباراة .. طبيعي اللاعب اللي لعب كويس بتصفق له .. واللي مالعب كويس بتنتقده ...ماهو تشجيع هذا ..

... الفرح بعد الفوز ...والا بعد الهدف.. مايعتبر تشجيع ... = هذي فرحه وشي طبيعي ومتوقع يصير مافيها منّه ..


((( عطو اللعيبه رروووح ثم اطلبوها منهم ))
----------------
** التشجيع قبل الفوز والفرح بعده ... / هذي صفة الجمهور الحقيقي ... وحتى الفوز يكون له طعم لانك تحس انك شاركت فيه ... ولو حصلت الهزيمه تلقى اللاعب محرووق ووده يعوض على الجمهور ..

** البرطمه قبل المباراة والفرح بعد الفوز / هذي صفة الجمهور الطفيلي .. ابي فوز والا بزعل
---------------



... التشجيع .. والاستمرار الى اخر دقيقة ... ويازينها اليا جات بصعوبه

الجمهوور هو القائد .. هو اللي يقلب النتايج .. ويرعب الخصووم ...

ركزوو علي عوامل القوة وادعموها ... والله لو لاعب واحد من اصل 11 تعطونه رووح والله يشيل الفريق لحاله ويسوي الهوايل ... كيف عاد .. لو تعطونها لاعبين والا ثلاثه .. والا اكثر ...



الهدف يجي في ظرف دقيقة ... والنتايج تنقلب في غمضة عين ... خلووكم حيين جعلني افداكم ...

الحي يحييك ...

... اللي عنه كلمه تفيد ... يكتبها .. اللي بس يبي يسوي فيها وينتظر لين ننهزم عشان يقول قايلكم كنت حاس ... يفكنا يرحم والديه .. وكثر الله خيره ..


واللي يبي له فريق ماينهزم ابد ولا يتغير مستواه .. ولعيبته ماتخطي .. ينام ويتحلم والا يسوي طريقة اخواننا في النصر ... والمسيار .. يشجع اللي يفوزن بس ..



... دمتوو بخير ولا حد يزعل ... ترى الزعل يفقع المرارة



و الله اكبر وليخسأ الخاسؤون ..

رووووووووووووووووووووووووووووووووعه
ايه عليك بهم
روعه روعه موضوعك ومعك حق في كل كلمه

إقتباس الرسالة الأصلية كتبت بواسطة هلال انتر كلامك ذووق وابداع نتمنى صوتك يوصل للجماهير والاعبين

... صدقوني من هنااا نصنع الرووح ومن هناا نهدمهاااا ...

... وانتو بكيفكم عاد ..


ان شالله الفووز قريب يارجال ... شدوو حيلكم وشيلوو الفريق .. والله توصلونه .. للكاس بالراحه ...

انا مع اي نقد منطقي للفريق وللاعبين وللادارة والمدرب فهم ليسوا فوق مستوى النقد وهم يستحقون ذلك
لكن مع هذا لابد من ٧٠٠٠٠ متفرج في الملعب فالوقت وقت حسم ولامجال للتعديل الا بعد تجاوز اولسان كماان الحضور هو للهلال وتاريخه وليس لاي شخص فعدم الحضور هو عقاب للهلال وليس للاعبين فمرتباتهم ماشيه والشهرة باقية

موضوووووع رااائع وجميل....

يسلمووووا الاناااامل.....


ون شاء الله نرى مشجعين يهزون الملعب هز....

إقتباس الرسالة الأصلية كتبت بواسطة بن جبله موضوووووع رااائع وجميل.... يسلمووووا الاناااامل..... ون شاء الله نرى مشجعين يهزون الملعب هز....

جمهوور الزعيم ... عمره مايتركه ... وهم اللي بيشيلون الفريق غصب عنه للنهائي ..


ماراح يتركه غير اللي جايتهم عدوى من العجوز الفقريه راعية المسيار .. وجماعة قايلكم كنت حاس ..

لاهنتم يارجال ..


وفالكم الانتصااررر

طيب يَ اخوي هذا منتدى الجمهور الهلالي

وين تبيهم يتكلمون ... و اظن الجمهور سكت كثيرو دعم الفريق .. صبرنا كثير ..

بس هالفترة الهلال غير مرضي و للاسف ان هالموسم امتداد للموسم الماضي

ع العموم ما زلنا ننتظر منهم الافضل و نتأمل عودة هلالنا من جديد