سكولاري
 

بالميراس البرازيلي يعين كلينا خلفاً لـ سكولاري
نعم كما اشارت الصحف صباح هذا اليوم بان نادي بالميراس بطل الدوري البرازيلي اقال المدرب العالمي الداهيه سكولاري الخبير بالمنطقه وسبق له ان درب بالخليج فياليت ادارتنا العزيزه تجلبه لنا قبل فوات الاوان وقبل ان يذهب مابقي من كبرياء الزعيم فكما هو معلوم الاعب والمدرب البرازيلي ينجح بالسعوديه لتقارب الاجواء وكذالك لتشابه التكتيك كما نطالب باقاله السباك العالمي كوم بريه باسرع وقت فبقاءه ليس ليس من صالحنا انه يخبط فالتشكيله وفي مراكز الاعبين ولا احد يدري على ماذا يخطط هذا المعتوه كوم بريه فالكل شاهده خلال توليه قياده التدريب في الهلال فهو لايجيد الدفاع ولا الهجوم ولايجيد النتضيم داخل الملعب مثله كمثل هرماش لاتوجد لهم حسنه واحده تبقيه للموسم الثاني ع التوالي لكن حيل الله اقوى ماباليد حيله .....
فلا احد يجي الحين ويقول مو وقته والا يقول فقراوي فانا يشهد علي الله اني اتقطع الم وحسره على ما ارى من تخبط داخل البيت الهلالي فارى ان هذا افضل وقت للتغيير وخاصه من الناحيه النفسيه للاعبين
اسف ع الاطاله
والله يوفق زعيمنا بالاسيويه ويرفع روؤسنا كما رفع نور ورفاقه روؤس الاتحاديين

60 مشاركة !!!!
كما رفع نور رؤوس الإتحاديين !!!

الي يشوفك يقول كأننا خسرنا 5 صفر في الذهاب !!!

ترى المسألة لم تنتهي كلها هدف واحد .... خسرنا جولة ولم نخسر المعركة

أحس أن هدف موضوعك لتشتيت الفريق لا اكثر

إن شاء الله في الاياب الهلال يتأهل الهلال ويرفع راس الجماهير كما رفع نور رأس الإتحاديين :d


تكفى لاتشتت الجماهير بمواضيع تافهه صراحة قال سكولاري قال وين حنا فيه ذكرتني بالنصر والله

اعصابك يا صديقي

اقالة ومدرب جديد وكل شي بيصير بكلمة لو بغيت

اهم شي روق انت

حبيبي انثبر ولا تكتب مواضيع زي كذا ثانيه وشكرا

كل شى في وقته اتوقع الاداره لن تغير شى حتى نكون كعادتنا برى الاسيويةة

أمحق مدرب, أفشل مدرب في العالم, نجح مع البرازيل لأن جيل البرازيل جيل عمالقه رونالدو و ريفالدو و رونالدينهو في عزه, حتى لو دربهم دول بيبدع, مدرب فاشل أعدم منتخب البرتغال, و أعدم تشيلسي, مدرب لا يملك الحلول ولا يستطيع صناعة الفرق.

لاصار المنتدى ملك لك وتحول اسمه الى منتدى النقطه :naughty: اطلب مني عدم كتابه مواضيع جديده اما اذا كان منتدى خاص بالجمهور الهلالي فيحق لاي عضو كتابه اي موضوع يرى فيه فايده للفريق
انتهى

صدق ضرسك دايما الاداره لاتتحرك الا بعد خراب مالطه وضياع كل شي

اللي يسمعك يقول مدربنا مرينهو الان ياشيخ والله ان ناصر الجوهر ابرك من كومبريه اللي تمدحون ليه فيه ذا

.,

بغض النظر عن الموضوع ومدى اختلافي آو اتفاقي معك يَ [ كاتب الموضوع ] ..!!
آلآ آنني آرى [ آخلاق ] بعض النصراوية بدأت تطغى على بعض الجمآهير الهلالية..!!
الموضوع طُرح للنقآش..وبإمكان كل شخص أن يبدي رأيه بطريقة محترمة بعيدآ عن الإساءة للكآتب..!!
احترم وجهة نظر الكاتب ..وقل رأيك كما تريد..!!
تحياتي للجميع,,,

.,

ليت كل الجماهير الهلاليه واعيه وفاهمه مثلك
ياخي حنا ابلشونا المطبلين للمدرب والاداره مايبون احد ينتقد ابد وكان فريقنا برشلونه ولايهونون طلاب المدارس عطوهم اجازه وصجونا بالمنتدى مايبون احد يكتب حرف متعودين على تكميم الافواه يحسبون انفسهم بالطابور الصباحي

الله يعينا ضعنا بين المطبلين والمندسين
اللهم وفق الزعيم في كل مكان

مشكلتكم ماخذين الفريق مقدس

ممنوع ينزل مستواه وممنوع يتعثر ولو تعثر اقالة كل من بالنادي وهدم النادي واعادة بناءه

عزيزي مو بالسرعه هذي اقالة مدرب ومدري ايش

كومبواريه افضل مية مرة من المفهي سكولاري لو فيه خير مارماه الطير

بعدين انتظر حتى ينتهي الموسم وذيك الساع غير وطالب بالتغيير

يعني بذمتك لو جاء سكولاري وش بيسوي .. بيقعد ثلاثة اشهر يتعرف ع الفريق ويخبص ويلبص

وبعدها مدري يعرفهم والا يبقا ع فهاوته

قلتو اقالة دول العام الماضي وضغطتوا الين طاعتلكم الادارة في اكبر غلط لها منذ ان تولت

لأنه خلال الموسم من بيجيك ان شاء الله الا المتردية والنطيحه

جاء هاسيك وقعد يخبص ويلبص وسامي يساعده ويرقع له لين خرجنا باقل الاضرار وهو فقدان الدوري

اتمنى انكم تحطون ببالكم ان هذا فريق كرة قدم يوم بيكون في العالي ويوم بينخفض مستواه

والا ع كلامكم فالمفروض اول من يقال من منصبه هو مورينهو من مدريد فأسوأ بداية لمدريد من اعوام حصلت هذا العام
ولا يهون رئيس النادي برضو يقال وكريس كمان لانه حزين

مايصير ي جماعه والله مايصير

يعني بطريقتكم هذي بتخلون هلالنا مثل النصر او الاتحاد ضياااع في ضياااع

الله يصلح الحال .. وقفوا مع فريقكم احضرو المباريات وركزوا ع القادم

وسيتحسن الحال باذن الله

هههههههههههههههههههههاي اي والله ضعنا
بالنسبة للمدرب سكولاري فهم يسمونه صائد البطولات ولكني افضل التعاقد مع كندينو فهو سبق ان درب الهلال ويعرف الهلال جيدا

مدري والله وش اقول ...
صرنا ضايعين بين مندسين ومطبلين...
مَ عندي الا كلمتي اللي اقولها دايم:
(((( بالتوفيق للزعيم وتحقيق البطولة الآسيوية...))
تحياتي لكـ...