|
نواف خشمه فيه مخش !!!!! بسم الله الرحمن الرحيم .. حبيت اقول من خلال هذا الموضوع لمن يهمه الامر تراكم اقلقتوا راحتنا بنواف .. نواف راح نواف جاء نواف عطوه درع نواف نجم عالمي نواف نفسيته تعبانه نواف خشمه يوجعه .. دبلتوا كبودنا .. لاعب مستواه في الحظيظ من سجل هدفه في الكويت ايام تصفيات اسيا .. ويجيه مباريات يسجل فيها هدف ثم تطيرون به في العجه .. وتنسون مستوياته المخزيه .. ياناس قيموا اللاعبين على اساس المستويات لا على الاسماء .. ممكن نتغاظى عن مباراة او مباراتين ينزل فيها المستوى ,, لكن ان يلعب دائما بمستوى منخفض وبنفس شينه تقول ميت له احد .. ومن تصويبه واحده سبقها عشر في الاعلانات او من تمريره واحده سبقها عشر مهيب يم جاده تبغونا نتغنى فيه !!!! ارجوا رجاء خاص قبل ما تدافعون وتنافحون شوفوا كم مباراه من المباريات السابقه له .. شوفوا كم كوره سدد صح وكم كوره غلط ( وياكثر مايسدد ومن زين الطبايع برجليه الثنتين مع التركيز على اليسار مع انه معروف بانه يلعب باليمين ,, وياليت احد يوصلله معلومه وهي ان فيه لاعبين (عالميين) يلعبون بقدم وحده فقط ) .. ومن الواضح انه ما يعجبه التدريب على الشوت الا في المباريات .. وكن مافيه شي اسمه تمرين ... وبعدين شوفوا كم تمريره غلط قبل ماتصجونا في تمريره وحده ممتازه ( لو انزل انا الملعب ويعطوني الحريه مثله كان من كثر ماامرر راح تصيب وحده منهن ) .. وبعدين اللاعب المخلص اذا قطعت منه الكوره نلقاه يقاتل عشان يستعيدها ويصلح خطاه .. لكن خوينا انتم احكموا بانفسكم عليه بخصوص هالنقطه !!!! ما اقول الا الله يهدي اللي ماخلاه يروح لنادي (رودا ) المغمور .. لو كان راح كان استفدنا من الجهتين الماديه والفنيه وهو بسلامته وربي يوفقه .. وهناك راح يعرف ان الناس تقيم على اساس العطاء وعدد التمريرات الصح من الخطأ ومن التصويبات الصح من المجموع الكلي للتصويب .. وماراح يلقى ناس تمدحه على الفاضي والمليان .. وتدور له اعذار كل مازاد انكشاف مستواه المتردي .. مستوى الهلال تحسن بعد تغيير المدرب وعودة الروح .. ولم تنفعنا مجموعه لاعبينا عندما كانت الروح غائبه .. لذلك لاتتوقعوا النتايج مالم يكن هناك روح وحماس .. وبأنفسكم احكموا من من اللاعبين ظلت روحه كما هي حتى مع ارتفاع حماس اللاعبين الاخرين !!!؟؟ وكأن الجماهير التي تحترق اخر اهتماماته وهو يسحب رجليه في الملعب !! ويضيع الكرات ويخرج الفريق مهزوم وهو يوزع مثالياته مع انه لا اعتراض على المثاليه لكن لكل شي وقت والشي اللي مهوب في وقته مهوب زين ابد ,, والشي اذا زاد عن حده انقلب ضده .. تحياتي للي يفكرون قبل مايردون ! اوين ,, |
تذكر قول الله عز وجل { ما يلفظ من قول إلا لديه رقيب عتيد } حسبنا الله ونعم الوكيل شهادتنا في نواف مجروحه تذكر بطولة السوبر الاسيوي امام شيميزو.... تذكر البطوله العربيه في الرياض خصوصا الدور النصف نهائي تذكر وتذكر وتذكر بماذا اخطأعليك نواف لتخطئ عليه نواف راح نواف جاء نواف عطوه درع نواف نجم عالمي نواف نفسيته تعبانه نواف خشمه يوجعه .. مادخل هذا في الرياضة بالله عليك يا اخي تكلم بمنطق ليصدقك العقل وخاف الله في يوم تشهد فيه جوارحك على ما نطقت وما كتبت لا حول ولا قوة الا بالله |
مساء الورررررررررررررررررررررررررررررررررررررررررررررررررررررررررررررررررد نواف .. أحد عمالقة الزعيم الراسخة . نواف .. أحد هامات الزعيم الشاهقة . نواف .. قصيدة أمجاد ساحرة . @@ عتبي عليك كبير ياأوين .. |
اختي ام مشاري .. عسى ماشر !!!! هالحين وش موجب هالخطبه العصماء .. وش انا قايل يوم تقولين _ خاف الله في يوم تشهد فيه جوارحك على ما نطقت وما كتبت _ اخاف اني مكفره وانا مدري !؟ اوين ,, |
الغالي سراب الدمع .. انت تشوفه كذا وانا لي وجهة نظر ثانيه كتبتها من خلال الموضوع .. اتمنى ياغالي تدقق في ماذكرت وتحياتي لك .. اوين ,, |
انا مارضي اي احد يتكلم عن ولد عمي وبعدين ورنا لعبك يابرنس حنا فيها الميدان يحميدان بعدين خلي لك عزة بالاسلام والمسلمين ولا تعجب بالكفار بلا اوين بلا بيكهام حط يوسف ولا نواف وانا اقول هذا الكلام للمعلوميه لا اكثر ولا اقل |
رد: نواف خشمه فيه مخش !!!!! هلا و الله بأوين :) مع الأسف ما وجدت في الموضوع أي نوع من النقد البناء. نعم نواف مستواه نازل، لكن هل الحل إننا نقول: إقتباس:
إقتباس:
|
رد: نواف خشمه فيه مخش !!!!! أوين : موضوع له توقيت غريب ونقد في غير محله .... وكنت تستطيع ان ترد على من أثار الموضوع في موضوعه ولكنك على ما يبدو أخترت ان تفتح جبهه هناك بعيدا .. لتكتب سطورا بأسلوب يتضح منه أنك في حالت (( هيجان كامل )) ولا أدري لماذا ؟؟؟؟ ماذا فعل نواف .. ؟؟ ومن اللي أشغلك فيه ؟؟؟ أعتقد انه من المفروض ان نقف جميعا مع لاعبينا بذات في هذا الوقت الصعب .. وخاصه نواف الذي يعاني ويضحي كثيرا مع الفريق .. فيكفي انه أصيب برباط مرتين وهو بشعار الهلال الغالي .. هل تعلم ماذا يعني أن تجلس حبيس العلاج ست أشهر .. تمشي بنظام وتأكل بنظام .. ولا تحيد عنه ولا حتى شبر واحد .. لماذا عندما نقف مع نجومنا الذين أعطونا الكثير تأتي بعض الأقلام .. أن صح تسميتها ذلك .. لتأخذ جانب آخر وتأبى الا ان تمسك الطرف الآخر ... وياليتك أنتقدت بأسلوب بل حاولت التقليل من النجم الذهبي بكل ما طارى لك من كلمات .. لا اقول الا هدانا الله وأياك .. |
ليه القسوة ........ |
أوين انا معك في شغلة انهم ازعجونا فعلا لكن بإيش ازعجونا : بحياته الشخصيه سواء نواف أو اي لاعب آخر سواء الان او فيما قبل او ماسوف يأتي وهالشيء ملاحظ بصراحه ومللنا هالكلام وهالمواضيع اللي تكتب وش الفايده منها مثلا : اللاعب الفلاني سافر واللاعب الفلاني يعاني من كذا وشاغل باله كذا يعني بصراحه مادري متى نترك هالشغلات اللي مالها داعي ابد . واذا عن مستوى نواف الان فهو فعلا لاعب غير مفيد في الفترة الحاليه ومستواه في هبوط تااااام واللاعب يمر بمرحلة هبوط حاد في المستوى هذي تحصل لافضل اللاعبين في العالم نتمنى انه يستعيد مستواه المعهود والمعروف فهو لاعب وسط ممتاز ولا تنسى اخوي / اوين انه لاعب مميز بلعبه وفنه ولازم نصبر :) |
أخ اوين,,, يكفي شهادة المدربين ورؤساء الاندية في حق النجم الكبير نواف التمياط. نواف لاعب كبير بأخلاقه قبل كل شيئ, لاعب فرض نفسه باداءه, لاعب يحترمه الجميع ((رغم انوفهم)). نواف يا عزيزي كان له مساهمة واضحه في نهائي كأس اسيا في العام الماضي, وكان له مساهمه واضحه كذلك في نهائي كأس خادم الحرمين الشريفين في العام الماضي , وبعد كل ذلك تأتي بكل بساطه وتصف مستواه بانه في الحضيض!!!! نواف ابن من ابناء الهلال الاوفياء رضي من رضي وابى من ابى وهو يمر خلال هذه الفتره بظروف طارئه اتمنى زوالها وهو بحاجة الى وقفة صادقه منا نحن جماهير الهلال ومحاولة الشد من ازره بدلاً من ذلك الكلام القاسي وغير المنصف لنجم بمكانة نواف التمياط. عموماً موضوعك ليس في وقته ابداً خصوصاً وان الفريق سيخوض خلال الفترة المقبله لقائين مصيريين يحددان مدى تأهل الفريق الى المربع ام لا واللاعبون بحاجة الى دعمهم ومساندتهم وليس النقد (( الهدام)) مع الاسف الشديد! تحياتي:) |
اوييييييييين..... كلامك كله صح ...... والدليل ان مافيه احد يقدر يحارشك بالارقام...... واللي يقول كاس اسيا 2000 انا مادري حنا خدينا الكاس؟؟؟؟؟؟ والمباريات كالتالي: مع اليابان -انلقمنا بالاربعه وهدفنا هم اللي جابوه في بابهم..... مع اوزبكستان -واللي ادهر الشلهوب وجاب هاتريك وهو نجم المباراة.... والثالثه تعادل.... الى الحين وين نواف....شكل كانت المباريات مهيب في مستواه.....( العالمي) دور الثمانيه مع الكويت.....صحيح من افضل اللاعبين في المباراة..... بس الواحد يعد كم كورة شاتها ....وكم كورة في لوحة ابسون....ويحكم؟؟؟؟ دور الاربعة مع كوريا....2-1 لنجم الاول طلال المشعل والشلهوب..... والمباراة النهائية انهزمنا ..... فإدا كانت هدي افضل بطولة لعبها نوااااف.....فهدي مصيبة؟؟؟؟؟؟؟ والا الدعوة تنجيح بدون اي دليل.... وشيموزو في اليابان كان نجمها الكاتو ....والا انتم تنسون بسرعه.... وفي الرياض عمر اللي انهاها بتضحية مانجوت...... وجابيلو ايواتا سيرجو احرز 3 اهداف -فاول - رفعة الدوخي - وتمريرة سامي......وينه... بس الصراحة ابدع في مباراة السوبر الاخيرة يوم الحارس يلعب معهم...كان نجم المباراة؟؟؟؟ بس انجازاته على الصعيد الاعلامي.....كثيييييرة جدا...... طيب الفاهم يقول وش هو مركز نوااااف؟؟؟؟؟؟ صانع لعب.....ماقد شفت ولا تمريرة زي الناس...الله يرحم ابو يعقوب..... والا يكفي انكم تشوفونه في الملعب؟؟؟؟؟؟؟ اما نت يابندر التمياط هو ولد عمك في البيت طال عمرك..... اما انك تتكلم عن لعبه والا تتوكل على الله.....هو لاعب هلالي زيه زي اي لاعب..... |
صحيح كلامك يااوين .. نواف حاليا ماله أي دور (وجوده كعدمه) لازم يراجع حسباته وألا يتوكل على الله. |
أخ h_61 .. إلى الحين أنا ماني مستوعب ليش نواف رافع ضغطك لدرجة إن ( أغلب ) مواضيعك و ردودك السابقة كلها فيها حش و تسفيل بنواف !! صحيح نواف ليس فوق النقد، لكن تركيزك على نواف يخليني أشك إنك تنتقد نواف ما هو حب فيه أو حرص على مصلحته ، بل لغاية في نفسك الله أعلم بها !! |
حبيبي أوين هاذي وجة نضرك أنت بس أما نواف يبقى نجم فوق العادة رضيت ولآمارضيت ويجب معرفة شئ مهم وهو أن الزعيم مرت علية ضروف صعبة جدا أثرت علية منها غياب الرئيس والأدارة في بداية الموسم يعني بالعربي((ضعف الأستعداد للمو سم)) يعني الفريق بالعربي مهو جاهز للمنافسة ولآتنسى زي ماتفضل أبو لما الأصابات الي لحقة بابوبندر الله يحفضة من كل سوء أن شاءالله وكذالك العودة من المنديال بنفسية ونتائج سيئة لها دور كبير لو تلاحض أغلب لعيبة المنتخب الواحدمنهم يظهر مستواة في مباراة ويغيب بس أنت وغيرك حاطين المجهر على أبو بندر بس !!! وصدقني بكل ثقة أقول شف أبو بندر هو آلي بيرد عليك في مباراة النصر أن شاء الله تم تعديل لفظ الجلالة .. |
| الوقت المعتمد في المنتدى بتوقيت جرينتش +3.
الوقت الان » 09:20 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd