19/09/2012, 10:29 PM
|
| موقوف | | تاريخ التسجيل: 01/03/2007 المكان: حـــــائــــل
مشاركات: 1,556
| |
شاهد تحليل المدرب جاسم الحربي وماذا قال عن مستوى الزعيم والمدرب .. اول شيء هاردلكم النتيجه السلبيه في مباراة الذهاب اليوم تابعت تحليل المدرب جاسم الحربي عن مباراة الزعيم في المجلس وانا والله زاد حبي لهذا الشخص لسبب واحد ؟؟ شاهدته في تحليل مباراة الهلال ومباراة الأهلي تحس همه الوحيد يفوز كلا الفريقين ماعنده تعصب اهم شيء من يمثل الوطن .. نرجع للتحليل الشوط الأول قال المدرب كومباريه يتحمل هذا المستوى وانا اتفق معه الهلال يلعب بأسماء الاعبين مافي اي لمسه للمدرب لا تكتيك ولا اي شيء سواء مجهودات فرديه حتى الخلل في الدفاع عجز لحد الآن ماسوا شيء اول مباراة امام هجر انا اشدت بالمدرب وتغييراته وقراءته للمباراة لاكن من بعد مباراة هجر مافي اي مباراة شاهدنا تكتيك كلها ( عك كروي ) حتى مباراة النصر اخر نص ساعه ظهر الزعيم بمجهودات الاعبين وقلت وقتها النصر فريق متهالك .. وين قبل كل مباراة يقفل الملعب ويطبق تكتيك ومسوي زحمه يمكن بتقولون ( الاعبين مايطبقون الي يطلبه منهم ) ليه هذا الكلام ماصار مع غريتس الشوط الثاني اتفق مع الحربي الهلال ظهر بربع مستواه لسبب ؟؟ الفريق الكوري ضعيف وللياقته نزله وتراجعوا واعطوا الهلال فرصه ومثل ماقال الحربي اخر المباراة الاعبين كلهم طاحوا بعد ما اطلق الحكم الصافره وهذا دليل ماعندهم للياقه .. من وجهي نظري / النتيجه سلبيه سلبيه ولا هي بمصلحه الهلال لو سجلنا اقل شيء هدف يمكن نتفائل لاكن مباراة الأياب لازم نسجل هدفين وقلتها في موضوعي السابق الكرة السعودية ضعيفه اذا قفل فريق الخصم ماعندهم حلول واخاف نرجع لنفس سيناريو مباراة ذوب آهن الله لا يعيدها من الموسم الماضي اطالب ابعاد هرماش والكوري هرماش اسوا لاعب لا يدافع ولا يهاجم واخطا بالهدف ومحمد القرني لاعب صغير وماعنده خبره قدم افضل منه بكثير ( لحد يقول على شان زوجته ) من عرفته ما قدم اي شيء الكوري نفس الحال كل مباراة عطوه فرصه الي يقول ( انتظروه بالآسيوية ) والي يقول اصبروا عليه ماشفنا منه الا وجع الراس على قوله الحربي مباراة كامله مالمس الكورة الا مرتين ،، ابي افهم الي يقولون يضغط على الدفاع ماشفناه الا طول المباراة يدودل راسه وربي قهر الفريق الكوري ضعيف مايستاهل يفوز علينا لاكن كلها بسبب ؟؟ مدرب مالقى تكتيك ولا توضيف للاعبين وأجانب مالهم داعي بأستثناء ويسلي مع انه ماقدم اي شيء بس يبقى لاعب كبير صانع لاعب قلنا نبي صانع لعب بدال هرماش او الكوري لاكن لا حياة لمن تنادي شاهدنا ويسلي طوال المباراة كأن صانع لعب يرجع للخلف والله ما الومه ( من الضيم ) أمنيه / اتمنى حرارة الجو بالرياض تكون عامل مساعد للزعيم وياليت ينقلون المباراة للشرقية جمهور هلالي مشرف ورطوبه تصلخ جلد الكوريين بالأخير/ اتمنى يتعدل الوضع ويرجع لنا العابد والغنام مكانهم خالي ويكون ياسر اساسي مع ويسلي كافي مجامله للكوري . بس انا متشائم مع اني بحظر المباراة بأذن الله من حايل سوا بالرياض او بالشرقية او بالخرخير دعم لزعيمنا |