هذا مادعاني للاسف لكتابة موضوع - نادي الهلال السعودي - شبكة الزعيم

بعبع آسيا ياهلال · #1 19/09/2012, 05:09 PM

بسم الله الرحمن الرحيم
السلام عليكم ورحمة الله وبركاته
حبايبي الزعمآاء والزعيمآات

بدايه هارد لكم النتيجه والمستوى الاقل من عادي للفريقين صراحه

قدر الله وماشاء فعل الحمد لله انتهت بواحد صفر راح يعوضونها بالاياب ان شاء الله
وهذا بوقفتكم اخواني الزعماء فارجوكم كل الرجا تكملو الحمله لبعد مباراة الاياب
لاني بصراحه جالس اشوف مواضيع شرسه بحق اللعيبه ويمكن تأثر على اللعيبه
قبل الموقعه فالله يخليكم امنعونا من المواضيع المحبطه ورانا مباراه مهمه وحاسمه
وانا اشوف نتيجة واحد صفر نتيجه مقبوله تتعوض اذا تكاتف اللعيبه مع الجهاز الفني
والجمهور الغالي وبإذن المولى بنزف هلالنا للسبي فاينل

والله انا محترق مثلي
مثلكم لكن ماراح ينفع كل ماانحرقت اعصابنا فتحنا موضوع وجلدنا اللعيبه والمدرب

بنيغير شي لو جلدناهم بالعكس راح تزيد الطين بله وتضغط اللعيبه والمدرب اكثر واكثر والتأثير هذا من صالح الفريق الكوري بلا شك
فاللي ابي اوصله زعيمنا محتاج وقفة جمهوره بالملز وصدقوني بعد توفيق الله راح يسعدونكم وراح تشوفون هلال مغاير عن هلال كوريا

الفريق الكوري اول ثلاثين دقيقه ضغط وبعدها طفى وذا يؤكد ان مخزون اللياقه عندهم مش ولابد
وراح يستغله كمباوري بالاياب اليوم الفريق ككل ماكان بالفورمه الا واحد او اثنين
هم السديري ومحمد القرني وانظم معهم سلمان الفرج
بأمانه بعد خروج هرماش تحسن اداء الهلال وبدا ينتشر صح وشفنا الفريق الكوري
تراجع وحافظ ع الواحد صفر والفريق الكوري مو ذاك الفريق اللي يخوف
لكن رهبة اسيا هي من حالت بين الهلال وتحقيق نتيجه من بداية المباراه بالاضافه للاخطاء اللي حصلت بالدفاع وكان السبب الرئيسي هرماش اغلب كوراته يرجعها للخلف ولمى نزل الفرج شفنا الدفاع تحسن والاظهره بدت تتقدم
فياليت المدرب يخش موقعة الاياب بالتشكيله التاليه
عبدالله السديري

ياسر الشهراني - يحيى المسلم - عبد القادرمانجان - سلطان البيشي

سلمان الفرج - محمد القرني
عبدالعزيز الدوسري سالم الدوسري

ياسر القحطاني

ويسلي

لحد يقولي وش رايك تصير مدرب بدال كومباوي

بس شفنا اخر دقايق المباراه الهلال صحصح وكان بيعدل النتيجه واعتقد هالتشكيله مناسبه للكوريين راح ترهقهم من البدايه وتفتح لك خيارات بالتوغل عن طريق سالم الدوسري وعزووز وخلق مساحات لوسلي وياسر وتضربهم من العمق سلام سلام

والله متفائل واحساسي يقولي راح ترددون شاشا شاشا شوف الشاشا
وعلى الشاشه 5-0 للزعيم

مايقصد احد

واختم كلامي بجمله ياليت نشوفها في مواضيعنا القادمه لبعد مباراة الاياب
الجمله
لن تسير وحدك ياهلال

ارفعوا معنويات اللعيبه هذا وقتكم الله يسعدكم المباراه لسى لها شوط ثاني
وانتم اسياده زفو الفريق للسبي فاينل يازعماء فانتم قدها

سبحان الله وبحمده سبحان الله العظيم

بعبع آسيا ياهلال · #2 19/09/2012, 05:10 PM

اتمنى الرفع للموضوع لو سمحتولي

الهلالي 0720 · #3 19/09/2012, 05:18 PM

نقول يآرب

وكلنا متفائلين

واهم شيء الحضور ياجمهور الزعيم ، الحضور مجآني مافيه عذر والوقت وقت أجازة الأربعاء اللي بعد الأربعاء القادم

نودي الهلاليه · #4 19/09/2012, 05:20 PM

عواااااااافي
ب التوفيق للزعيييممممممممممم

فراج آل ماضي · #5 19/09/2012, 05:28 PM

بأذن الله يتأهل الزعيم وهو قادر على ذلك

الوعد ياجمهور الملكي يوم الاربعاء بعد القادم نبيها فل

يحق لي أني هلالي · #6 19/09/2012, 05:31 PM

الحمدالله على كل حال
قدر الله وماشا فعل
لاعبين ماقصرو ادو اللي عليهم
والحين الموقف يتطلب نقف معاهم وندعمهم

Lambton · #7 19/09/2012, 05:31 PM

يا شباب
خلونا نستفيد من اخطا الماضي
ما نبي حملات للحضور الجماهيري
كلما كان الحضور الجماهيري كبير كلما زاد الضغط على اللاعبين و بالتالي ننهزم
و كلنا نتذكر المباريات الاسيويه ذات الحضور الجماهيري الكبير كانت نتائجها سلبية للهلال : الكويت و الوحده الاماراتي و ذوب اهان.

حضور جماهيري كبير يولد ضغط نفسي كبير و بالتالي فقد التركيز والنتيجه هزيمه لا قدر الله.

اسأل الله سبحانه ان يفرحنا يتأهل الهلال يوم الاربعاء 3 اكتوبر

الزعامة ماركة مسجلة · #8 19/09/2012, 05:38 PM

بآذن الله آلهلآل يحقق آلفوز ..
ويآآرب آلتآهل هلآلي ..
مشكور ع آلطرح ..

أميرة الزعيمـ · #9 19/09/2012, 05:44 PM

يعطيك الف عافيييه .. بإذن الفوز هلالي بالرياض يااااارب ...

الكرة الهجومية · #10 19/09/2012, 05:52 PM

يا شباب الف مبروك البطولة الآسيوية من الآن !!! البطولة راح تكون صعبة ويمكن تنشف ريقنا لكن بالأخير راح تكون للهلال بأذن الله وانا راح ابارك لكم بنفسي ان شاء الله وتذكرو كلامي زين

فتى الهجره · #11 19/09/2012, 05:52 PM

اتمنى من المدرب اللعب بتشكيله مناسبه وعدم ابتداع طرق مختلفه كما في مباراة اليوم ملعب ياسر الشهراني محور ثالث وعدم استغلال سالم الدوسري في سرعته عن طريق الأطراف كان بودنا تعادل إيجابي على الاقل لكن قدر الله وماشاء فعل