|
انتهت المباره ,, اخطاء الفريق في كل مباره تتكرر بسم الله اول شي هارد لكم النتيجه و ان شاء الله تتعوض في الرياض خسر الفريق بنفس اخطاء المباريات الي يخسرها نلاحظ الفريق يترك مساحات كبيره للخصم الفريق لا يضغط على الخصم اطلاقا التغيير في التشكيل امر غير منطقي صراحه في كل مباره تشكيل غريب يعني معليش اذا كنا نقول هذا قرار مدرب و انه يتعرف على الاعبين نحن كا مشاهدين اصبحنا ندرك من هو الشخص النافع للفريق و من هو الضار في التشكيله الامر المفاجئ اليوم اشراك محمد نامي وهو مصاب من مبارة الحماده مباره مهمه تلعب بشخص ما لعب من ذيك المباره امر غريب صراحه الشي الثاني اشراك يوو طبعا الخصم يعرف هذا الاعب و امكانياته لم يفد باي شي في المباره ما عدا الراسيه اي شي غيره كان فقط يعطل الهجمه ولا كان قريب من ويسلي برود بشكل غير طبيعي الاكثر غرابه ان الاعبين الي يصنعون الفارق كانو على الدكه !! الشلهوب الفريدي ياسر الفرج سالم ايضا ابعاد نواف العابد !! معليش القرارت الفنيه الصارمه احيانا لا تكون من صالح الفريق هذا الكلام بالنسبه لنواف انت بحاجه لكل لاعب في الفريق ايضا غير مبرر جلوس احمد الفريدي في الدكه يعني هو الى الان لاعب هلالي الى اخر يوم من عقده طبعا لما لاحظ السيد كومباريه ان المباره بدت تطير من يده دخل سالم و الفرج صحيح الفريق الكوري ما كان ذا الفريق المخيف الصعب كان اقل من عادي و مع كذا الفريق يصر على اضاعت الفرص السهله كل الشكر صراحه للكابتن الكبير عبدالله السدير رجل المباره بلا منازع و الكابتن ويسلي الي تحركاته كانت مزعجه للخصم |
الفريق بشكل كامل سئ سئ بمعنى الكلمه الا ويسلي لوبيز مادري المدرب يشوف اللخبطه في التشكيله ولالا !!! مادري المدرب يشوف التباعد في الخطوط ولالا !!!! مادري المدرب يشوف بهذا التشكيله في صناع لعب ولالالا !!!! والله العظيم لو امسك تشكيلة الهلال في مبااراة الاياب وتواضع مستوى الفريق الكوري لاضمن لكم المباراه مرشدي + مانجان + زوري + بيونج سو = هل هذا هو مستواهم الي ياهلهم يلعبون في الهلال !! الله ستر على فريقنا ولا طلعنا بـ4 من المبااره لاكن حمدلله على كل وطلعنا باقل الخسائر وقادرين بحول الله على التعويض في الاياب بمشئية الله عزوجل |
اتمنى الاياب يخش الفرنساوي دا بدي الخطة ٤-٥-١ وفي حالة دخلو هدف لاسمح الله ٣-٥-٢ |
لا حول ولا قوة الا بالله والله العظيم اقلقتونا مواضيع فاشلة وكل واحد قاعد يفتي على كيفه ومسوي هو فاهم ولو تحطه مدرب على فريق حواري ماعرف كيف يحط تشكيلة الحين انتوا بتعلمون المدرب شغله ياخي اللي صار صار في مباراة ثانية والمدرب في وجهة نظري ممتاز جدا بس السؤال اللي بطرحة وابي الكل يجاوبني عليه بصراحة لو فرصة سلمان الفرج اللي باخر المباراة جات هدف هل كلامك بيظل كما هو ولا بتمجدون الفريق والمدرب ..؟ واسف مرة اخرى اذا كان ردي غير مرتب او اخطات في حق احد تحياتي |
بآذن الله آلتعويض في آلآيآب .. بآلتوفيق للملكي .. |
ياااااجماااعه عيب وربي الي تكتبونه من تحطيم واساءة يااخوان ادعموا الفريق وقتها لاسمح الله خرجنا من الاياب سووا الي تبوون الحين قداامنا مباراة الشباب علينا دعم الفريق ورفع المعنويات اي نعم اتفق معك ان اليوم الهلال كان سيئ والفريق الكوري كان متواضع لكن هذا مايخلينا نشل حرب على الفريق وهذا تكيتك المدرب كل شخص يصيب ويخطى والحمدلله عدت على خير خليكم متفاءلين وبالتووفيق ان شاء الله بقادم المباريات |
إقتباس:
طيب عطني مبرر في عدم اشراك الاسماء التاليه من بداية المباره او على الاقل لما شاف الخطاء صلح على طول كلنا نذكر السيد جيرتس لما يحس بان فيه لاعب عنده مشكله من الشوط الاول غير على طول و صلح الخطاء من البدايه كلنا شفنا محمد نامي كيف كان مرتبك و غير جاهز طيب لمن اتاخر في التغير لما الدقيقه 70 ؟؟ وش الفايده طيب طيب على الاقل تغيير بين الشوطين *** اخوي وليد مبارك انا في موضوعي اتكلم عن اخطاء و ما فتحت الموضوع عشان احطم او اسيئ لاحد هذا وضع فريقنا من بداية الدوري الى الان لا يوجد ثبات على تشكيل عقوبات اداريه في غير وقتها صراحه ولا تصب في مصلحة الفريق اطلاقا عناصر تصنع الفارق شفناها تجلس على الدكه اليوم الهلال يملك عناصر متميزين ولكن من هو صاحب اللمسه الاخيره ليعود الهلال كما كان انا لا اطالب بابعاد المدرب او ما شابه ولكن القريبين من البيت الهلالي يحاولون تصحيح اخطاء كومباويه الي وقع فيها الى مبارة الامس |
موضوعك غير مرغوم فيه وحذرنا قبل المباراة وقلنا إذا خسر الهلال مانبي مواضيع مثل وجيهكم تسبقون الاحداث ليش؟؟؟؟ علشان لما يطلع كلامكم صح ويطلع الهلال من البطوله تدخلون هنا وتبربرون حنا قلنا وحنا قلنا ونسيتو انو.....مابين طرفة عين وانتباهتها يغير الله من حال إلى حال |
إقتباس:
وبعدين خلاص...مانبي نسمع سيرة جريتس الله لايسمعنا له صيت واحد جاحد...نحطه مقياس للي عندنا ليش ؟؟؟؟؟؟؟؟؟؟؟ |
حصل خير والإياب ستكون فى معركة الحسم |
المباراه القادمه افضل نام ي ماراح يشارك وهرماش يمكن يصاب بس المشكله مباراة الشباب ارجوا ان تتحسن الامور وشكرا |
نبي مواضيع تحفيزيه شباب ارفعوا المعنويات |
اتوقع اني قلت اخطاء الفريق ,, اخطاء الفريق اكيد كلنا مع الفريق و من واجبنا نوقف معاه لكن بوجود هذي الاخطاء الي تتكرر كل مره من الي راح يوقفها ؟؟ |
| الوقت المعتمد في المنتدى بتوقيت جرينتش +3.
الوقت الان » 04:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd