|
|| هيئة الامر بالمعروف والنهي عن المنكر الى متى ونحن نعاملهم بسوء || يوجد مقاطع وللنقاش بسم لله الرحمن الرحيم السلام عليكم ورحمه الله وبركاته ,’ ’, اهلا وسهلا بكم احبابي اعضاء شبكه الزعيم وعشاق نادي الهلال . ,’ ’, في داخلي بعض الحديث اود ان اوجهه لــ اغلبيه الشعب السعودي وبما اخذته من تعليقات فان 60% من الشعب يكرهون تصرفات هؤلاء .. ’, ,’ وانا اتصفح الانترنت صباح اليوم توجهت لــ اليوتيوب الموقع المشهور للمقاطع وطبعا معروف تخرج من مقطع وتدخل الي بعده . بداية دخلت على الكورة وعن الهلال وبعض الاهداف السابقه واتجهت لمقاطع اخرى منها الاحداث بسوريا ومنها المقاطع المضحكه وبعد لاحظات وصل لي مقاطع عن الدين الاسلامي ولكن الاهم هو بمملكتنا الحبيبه وهو : [ الكره لــ هيئة الامر بالمعروف والنهي عن المنكر ] وذهب لــ ارى بعض المقاطع للهيئة فرأيت العجب العجاب من ضرب الهيئة والاعتداد عليهم وشتمهم بل هناك ناس لايريدونهم . قال الله تعالى : " وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنْ الْمُنْكَرِ وَأُوْلَئِكَ هُمْ الْمُفْلِحُونَ " وللاسف بعض الناس ولا اعمم يكرهون هالشيء وفي حكومتنا الرشيدة وهي الدولة الوحيدة بالعالم ككل التي طبقت نظام هيئة الامر بالمعروف والنهي عن المنكر وللاسف لم تطبق بباقي الدول الى الان واخص دول الخليج الشقيقه . ,’ ’, فما شهدت عيني لم اكن مصدقا ابدا ولكن للاسف الشديد خرجت المقاطع حقيقه . ,’ ’, لولا الله ثم هيئة الامر بالمعروف والنهي عن المنكر كان انتشر الفساد في بلادنا واخص المولات والاسواق التجاريه ومن اختلاط ولولا الله ثم هم كان انتشر الخطف والزنى ولولا الله ثم هم كان لايوجد لا امن ولاامان بعد الله ثم مجهوداتهم الخاصه التي يشكرون عليها . ,’ ’, صحيح ان هناك من بعض رجال الهيئة هداهم الله يكبرون الشيء وهو صغير ولكن لابد احترامهم حتى لو انت لم تفعل شيء فهذا يدل على الحرص للاسلام ويدل على التربيه فمستحيل يأتي اليك رجل الهيئة ويطردك من المول او اشياء اخرى بدون اي سبب . ,’ ’, سوف اعرض اليكم بعض المقاطع لكره الشعب للهيئة وطردهم من الاسواق التجاريه من دون اي سبب يذكر وان كانت الاسباب فسوف تكون اسباب تافهه جدا : ‫هيئة الأمر بالمعروف تُطرد من برج الفيصلية‬‎ - YouTube ‫هوشه شباب مع الهيئه بمجمع الرياض جاليري 2010‬‎ - YouTube ‫مشاجرت الهيئه مع رجال الامن في معرض الكتاب 2011‬‎ - YouTube ‫هيئة الأمر بالمعروف توقف رقص وغناء في حلبة الريم..‬‎ - YouTube وللاسف في حال عدم تواجد الهيئة للامر بالمعروف والنهي عن المنكر يحدث هذا : ‫جنادرية العهر السعودية كل شيء فيها مُباح‬‎ - YouTube ‫اليوم الوطني في الراشد مول | تصوير خاص‬‎ - YouTube نأسف لو كانت المقطعين الاخرين مخله كثيرة ولكن اتمنى مشاهدة جزء من الثانيه واللغاء الصوت وضعتها لترون الفرق في تواجد الهيئة وعدم تواجدها ماذا سيحدث . السسؤال هنا : كيف لو الغيت هيئة الامر بالمعروف والنهي عن المنكر ماذا سوف يحدث .!؟ اتمنى الجميع المشاركه وتبادل وجهات النظر في هذي القضيه المخجله . شكرا لكم .. كاتب الموضوع : احبك يالهلال . في حال النقل يرجى ذكر اسم العضو . :rose: :smilie47: |
عليكم السلام و رحمة الله و بركاته اول شي اتمنى انك تشيل الروابط الاخيره ، لان اللي ما قد شافها بيشوفها بسببك :) لـي عوده في وقت لاحق ان شاء الله يعطيك العافيه بـــــــــــاك الهيئة دورها جداً جميل و فعال ، و جزاهم الله خير الجزاء ، لكن فيه أخطاء تصدر من بعض رجال الهيئه تشوه صورتها امام الملاء و الكل يقول الهيئه عملت كذا و كذا !! و هو فالأصل خطاء فردي و كل ابن ادم خطاء مستحيل تجد عمل سليم ميه فـ الميه !! و الهيئه كذلك مستحيل يكون عملها سليم ميه فـ الميه :) ما كامل الا وجه الله ، لكن نبي هـ الأخطاء تقل شوي و تدريب رجال الهيئه و أعطاءهم دورات عن فن التعامل ؛ لان عملهم فيه احتكاك مباشر مع الشارع العام :) و شكرًا :rose: |
وعليككم السلام والله وانا اخووك فيه بعض الناس وانا اقول البععض يككره المطوعين كيف عااد رجال الهيئه وهم الملتزيممين .. الله يديمهمم وانا شاء الله نشوووفهم ينتشرون في المولات ترى هاذي نعمه من الله اللتي انعم علينا فيه وهي الامن والامان الله يديمه وفيه بعض الدوول تتمنى تصيررر عندهم هيئه الامر بالمعروف والنهي عن المنكر يعطيك الف عافيه اخووي جزااك الله خير |
ما أقول غير الله يعيننا على يوم الاحد الجاي وعلى عقليات بعض الشباب والفتيات وفهمهم السئ للاحتفال باليوم الوطني ... وعسى ربي يقوي رجال الهيئة ويكون في عونهم وينصرهم على كل من يكيد لهم .. يا رجل والله لما أتكلم مع مسؤولي الهيئة ورجالها وأتحدث معهم عن عملهم وما يحدث تصيبني قشعريرة واتمنى في تلك اللحظة أن أقبل رأس كل رجل منهم .. والله يا هم يعملوا عمل كبييييييير ويحفظوا أعراض المسلمين بشكل مفرح والله .. انت تخيل لو انك أب وعندك ولد مراهق أو فاجر وعاصي .. كيف حتتعب معه ؟!! ..... هم كذلك يتعاملون مع مراهقي وعصاة شعب كامل !!!!!!!!!!!!!!! .. فكان الله في عونهم الحين ستنقسم الردود في الموضوع الى قسمين معروفين : 1- مؤيد للهيئة على أخطائها الفردية 2- مستنكر لبعض المواقف الفردية للهيئة ومطالب لمحوها من الكون على الله بس |
الهيئة تقوم بـ جهود جبارة ولا احد يستطيع انكارها و بالاخص في مجال السحر و الابتزاز ولايوجد شخص مسلم عاقل يطالب بـ الغائها بدون سبب البعض يطالب بـ الغاء الهيئة بسبب انها وضعت لـ تراقب الناس كما يقول و هناك مؤيد لـ الهيئة ولكن يتمنى من الهيئة ان تعالج بعض الاخطاء انا من الاشخاص الي مع استمرار الهيئة و بقوه ولكن اطالب بـ تدريب رجال الهيئة هناك اخطاء جدآ بدائية تقع من بعض رجال الهيئة وهي تشوه صورت هذا الجهاز و سرعان ما نجد اعداء الهيئة يستغلونها و يقومون بـ نشرها في مواقع التواصل الاجتماعي و يقولون شوفو الهيئة وش تسوي بالناس هذي وجهة نظري حيال موضوعك اتمنى انها كانت واقعية :wub: |
إقتباس:
طلعت بس الروابط واحذر من جديد ياليت الي يفتح اخر مقطعين يشوف اجزاء من الثانيه ويلغي الصوت او الي ملتزم مرة مايشوفها افضل له ... يعافيك ربي انتظر عودتك ان شاء الله إقتباس:
جزيت الجنه .. يعافيك الرحمن إقتباس:
بسبب المخربين ككل سنة بتكون اسواء سنه وللاسف ماحد وقفهم كل هالسنوات إقتباس:
نعم انا معاك فيه اخطاء بالهيئة لكن بسيطه جدا وبعض الشباب يكبرونها ويطلعون سالفه هم مسوينها وكل الموضوع خطا + غير الفبركه في الصور |
وعليكَم السلام ورحمة الله وبركاته والله موضوعك على الوتر وخصوصا بان اليوم الوطني على الابواب وراح يصير سوالف كثيرة مابين الشباب والهيئة وانا معاك حقيقة فيه فئة من الناس " الله يهديهم " تحتقر دور الهيئة وتحاول تشوه سمعتهم الا من رحم طبعا لكَن اللي اشوفه ان الهيئة تقوم بدور كبير وتحاول قد ماتقدر تسوي اللي عليها ويمكن يكون هناك اخطاء لكن بسيطة مثل ماذكرت بس البعض يكبرها لكن اتمنى اتمنى من كل قلبي ان الفئة اللي من الناس اللي تحاول تشوه سمعة الهيئة تكبر عقلها وتفهم وش دور الهيئة وبتحمد الله " عزوجل " ان عندنا رجال مثل هولاء يفتخر فيهم يعطيك العافيه |
إقتباس:
بالنسبه للهيئه اعتقد ان اغلب الناس معاهم لكن ضد تصرفات (البعض منهم ) ولاحظ اقول البعض منهم تكون تصرفات طائشه وبدون احترام لسمعه الناس وبدون التفكير في عواقب فعلته لانه عارف ان اغلبيه الناس تقوم مع الهئيه بدون ماتسمع القصه من الطرفين وممكن تظلم ناس مالهم دخل فالناس من اول كانت تسمع من طرف الهيئه ولا تقدر تسمع من الطرف الثاني ونصدق الهئيه بمما انهم رجال دين لكن للاسف بعد انتشار وسائل الاتصال وصار التفاصيل تطلع من الطرفين صرنا نتكشف ان الهئيه في اغلب الاحيان تكون ظالمه للناس بسؤ الظن يعني كل واحد معه مراه لازم يكون بينهم علاقه غير شرعيه ماادري ليش سؤ الظن هذا دام انهم يمشون محترمين ولا فعلوا اي فعل يخالف الشرع والذوق العام ليش تشك فيهم وتظن فيهم ظن السؤ وممكن تكون ظالمهم صار الناس وتحديدا المتزوجين حديثا يخاف يمشي بجوار زوجته ويخاف يمسك ايدها او يكلمها عشان الهيئه ويخاف يروحون مطلعم يتعشون بحجه ان الهئيه ممكن تشك فيهم وتدخلهم في مشاكل والقصص ككثيره وانا شخصيا سمعت قصص مختلفه من اشخاص اعرفهم واثق فيهم متزوجين حديثا في مطاعم وفي اسواق بحجه ان الهئيه تشك فيهم يبغون العالم تتزوج اليوم تخلف بكره عشان يقنع الهئيه انها زوجته الناس كرهوا رجال الهيئه بسبب ظن السؤ والشك اللي فيهم فاللي اطالب فيه واععتقد غيري الكثير اعطائهم دورات في التعامل واحترام خصوصيات الناس وعدم التدخل في كل شخص مع امراه لوحدهم بدون مرافقين وعدم التدخل الا بشئ واثقين منه 100% ويكونون فعلوا فعل مخالف للشرع او للذوق العام لكن شخص جالس مع امراه في مكان عام مطعم مقهى سوق او غيره تطب فيه بدون اي سبب تقول من اللي معك واثبت لي انها قريبتك رجاء احترام الخصوصيه واجبه وبعدها ابصم بالعشره الناس ببتطالب بالهئيه ووممكن تكون تعاونهم بدرجه كبيره بالنسبه للمقاطع لو كل مقطع انتشر قلنا ان شوفوا عدم وجود الهئيه او ان المجتمع فاسد فالتعميم غلط وهذولا ناس مااستحوا على انفسهم ولا خافوا الله في فعلتهم ولااحترموا ثقه اهلم فيهم وتركوهم يخرجون وكلامي في الجزئيه الاولى ينطبق عليهم من ان في كل مجتمع الصالح والطالح اسف للاطاله ويعطيك العافيه على الموضوع |
إقتباس:
طويل جدا فاخذت الهيئة بالامر بالمعروف والنهي عن المنكر علشان يقصر الحديث والكل يستمتع في الموضوع + شكرا إقتباس:
مايقراء الموضوع كاملا اولا يظلم الناس ثانيا يستفز صاحب الموضوع فلو تبي نكتب بعد كل كلمة من الموضوع [ لا اعمم ] وش رايك .!؟ شكرا لك منور واسف على اسلوبي لكن نرفزتني كثير . |
وعليكم السلام ورحمة الله وبركاتة أهلين - احبك بالهلال :rose: الهيئة يعتبر جهاز حكومي فأمر طبيعي راح يكون له أيجايبات وسلبيات وخصوصاً أنه جهاز ميداني ويحتك بشكل مباشر مع المواطنين ولكن المشكلة أن البعض يعتقد أنهم جهاز ملائكي وما يخطئون وما يصدر منهم أي تصرف سيئ وبمجرد انك تذكر الأخطاء يعني أنت ضدهم وتحاربهم وتحاول تشوة سمعتهم لأمر في نفسـك نحن لابد نكون منصفين الهيئة لها أيجابيات كبيرة في المجتمع مثل حل قضايا الإبتزاز والسحـر ومداهمة بعض محال بيع كروت القنوات الإباحية وأيضاً مصانع الخمـور وما ينكر هذه الأيجايبات الا سفيـة ولكن بالجهة المقابله لهم سلبيات ورغم كثرة الحديث عنها الا أنها لم تتغير وذكرها الأخ الفاضل " أسير المحبـة " ومع ذلك نجد البعض يطبل ويدافع عن أخطاء وسلبيات الهيئة ويقول عادي لا تكبرونها .. شخص يتطفل على خصوصياتك بمجرد سؤء ظن ويتعامل معك بكل جلافة وقلة احترام وقد تصل الى حد الأهانة وتجد ناس يقولون عادي لا تكبرونها .. بعض رجال الهيئة لم أجد أدق وأفضل وصف لهم مثل ما قال محمد آل زلفة " أنهم في تصرفاتهم لا يختلفون عن مرتزقة القذافي وشبيحة بشـار " .. إقتباس:
أجل نرفزك .. ؟ كان من المفترض أن ترد على الأمور السلبية التي ذكرها عن رجال الهيئة وما تتجاهلها بهذي الطريقة أو عليك التحلي بالأخلاق السعودية ولا تتنرفـز :d:ba1: .. أمر أخير شفت مقطع اليوتيوب المعنون بــ جنادرية العهر السعودية كل شيء فيها مُباح تراه من قناة سعود السبعاني :d وأذا ما تعرفه أقرا وصف الفيديو وتعرفـه ! ومع أني متأكد لو قريت وصف الفيديو ما نزلته بالمنتـدى .. بالرغم انه ما قال الا الحقيقة :rose: |
إقتباس:
نعم انا اقول لهم سلبيات كثيرة لكن ماتصل لدرجة نطالب بالغاء الهيئة نهائيا .! والحمد لله متحلي بالاخلاق الاسلاميه قبل ماتحلى بالاخلاق السعودية الي اول مرة اسمع عنها .! انا ماعلي من الي كتب المقطع وماعلي من صاحبه الاهم ان الهيئة ماسمحوا لها بالدخول في هالمكان وانظر ماذا حدث ! شكرا لمرورك مع ان كان بعض كلامك ماله داعي احسستني انني يهودي وليس مسلم |
إقتباس:
صدقني مافيه احد يتمنى الهئيه تلغى لكن نطالب بتدريتهم على التعامل مع الناس ومعروف خصوصا للي اشتغل في مكان يتعامل مع ناس لازم يكون عندك طريقه كيف تتعامل معاهم وكيف تحاول تنهي المشكله بطرق بسيطه وبدون ماتسؤ ظنك فيه او يسؤ ظنه فيك ولا تكبر المشكله او تدخل في متاهات صعب تنحل والشئ الثاني المفروض يكون فيه عقوبات لرجال الهئيه المخطئين وتنشر العقوبه حتى لو بدون ماتشهر بالشخص بس لو طبق النظام هذا بيكونون كل رجال الهئيه حريصين على كل عمل يسوونه ويفكرون في العقوبه اللي بتجيهم لو ارتكبوا عمل خاطئ ممكن يسئ لسمعتهم اسف لردي الثاني لكن حبيت اووضح ونقطه وشطحت معها اشوي :d تحياتي لك ومهما اختلفنا نظل اخوه في الاسلام واخوه في المجلس :smilie47: |
إقتباس:
يكفي يا عزيزي بأي تصويت يحطونـه عن الهيئة من إلغائها أو بقائها تلقى نتائج التصويت تصب حول بقاء الهيئة وبنسبة عالية .. يعني من طالب بالإلغاء نسبة بسيطة من المجتمع ولكن الأغلبية معها وكانوا يطالبون بمعالجة السلبيات فقط ! إقتباس:
لا تأخذها على محمل الجد كانت مجرد دعابة :rose::ba1: إقتباس:
لا حول ولا قوة الا بالله أي كلام تقصـد .. ؟ :s5s: |
إقتباس:
لا بالعكس الموضوع للنقاش كما هو بين يعني تقدر ترد الف رد خذ راحتك وبعد لو عندك نقاط على بعض ردود الاعضاء تقدر ترد لان كل هالامر في مصلحتنا اولا وللفائدة شكرا هذا نقاش لو انتهت نكون اخوة كما كنا إقتباس:
اتوقع لو حطوا تصويت بتشوف بعينك كل شيء .. شكرا لك اخي هذا نقاش حتى لو صارت مشاكل من بعدها تنتهي لان لازم اغلب النقاشات تصير فيها مشاكل خفيفه جدا شكرا لتواجدك انرت الموضوع |
http://sabq.org/AZnfde هذه احد القصص اللي قلتها في ردي صدم اخ واخته عشانهم شكوا فيهم بس بسبب انها ركبت معه من عند السوق بدون اي تاكيد واخرتها هربوا الهيئه مع انهم غلطانين |
| الوقت المعتمد في المنتدى بتوقيت جرينتش +3.
الوقت الان » 05:21 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd