الهلال يشكو صحيفة الرياضي بسبب نواف العابد
 

اذا كان كلام الصحيفه صحيح بسافر العابد الي البحرين فاهاذي مصيبه
نريد لااعب محترف ولا لاعب يريد اللهو والفله وابحث عن مايريده شخصيا
فيه جمهور وراءه ينتظر منه المزيد وليس الي صار حاليا مع الاعب
انا اشوف اذا كلام صحيح مو لازم تشكو صحيفه وجهة نظري

الحين ما يروح للبحرين الا الدشير ؟

طيب العريفي يروح للبحرين يلقي محاضرات هناك

كثير يروح يتاجر

كثير يروح سياحة محترمه

كثير يروح زيارة لأقاربه

هل كل هؤلاء دشير ؟

لكن كل إناء بما فيه ينضح

الله يعين نواف هو جابها ع نفسه بس انا اقوله ما عليك من احد امش وراسك قوق لا تناظر تحت
بتوفيق للاعب مع الهلال

ياكثر مانشتكي لكن مانسمع بأي حكم ضد من يسيء للهلال ولاعبيه

واما صحيفة الرياضي فهي تعتبر ان من يذهب للبحرين داشر

فهي زعيمة الدشير لانها تصدر من البحرين

واتمنى ان لاتهمل الشكوى ضد صحيفة الجاليات الرياضي

وتتم متابعتها من قبل المسؤول القانوني بالنادي

يعطيك العافية

حاااااارقهم نواف العابد ويريدون النيل منه
فرررق بين جيريتس وهو يحتضن نواف العابد ... وبين كمبواريه الارعن

جريدة لا تحترم دولتها تتوقع بتحترم احد أبناء شعبها



صحيح حركة نواف يرفع الضغط ونا متباطيها منه مؤ مستغرب من سواته

ولكن سالفة فضحه ب الاعلام ما تجوز ما ترضي الرب قبل كل شي

الله يفضحهم زي ما افضحوه

يعني تبي كومباريه يحضن نواف ويقوله المره الجاية لا رحت علمني عشان يمكن اروح معك

غريب أمرك




النظام فوق كل شي وفوق كل من يتوقع انه كبير على الكيان


لولا جمهور الهلال ما شفت شهرته هذي

عموما الله يصلحه وان شاءالله ينصلح حاله بعد العقاب

اللي كتب الكلام في الجريده ينطبق عليه اللي يقول

< اللي فيه ريح ما يستريح >

_____

اما بعض الردود فيها لوم الغير محب لنواف وفي نفس الوقت


بيسوي انه يدافع عنه .. ليت البعض يطبق القول


< قل خيرا او اصمت >

على كذا حتى العوايل المحترمه اللي تروح للبحرين


فيهم بلااااااا

لا حول ولا قوة الا بالله

قديكون العابد اخطأ لكن تعليق الصحيفة بهذه الطريقة قلة ادب ووقاحة

لاعبين السعوديه كلهم داشرين مالهم ومال الكوره خليهم نايمين احسن لهم مادام مافي تطبيق للاحتراف

حسبي الله عليهم الله لايوفقهم صحيفه داشره ماعنده لا الدجه

انا معك .. لكن يجب ان يحتضنه قبل ما يفكر انه يروح
لو وجد العابد انه من اهم اهتمامات كمبواريه ماراح اصلا ولا فكر يروح
وبعدين ياقلبي واذا راح البحرين والا اليمن وش فيها يعني حرام يروح ميسي لفرنسا والا اي دولة قريبه !!
نواف بلعبه ومهاراته يدرب عشره من امثال كمبواريه لو ان المدرب اعطاه حقه كان احتضنه ومافضل انه يطلع اصلا .. واقصد ان يحترم المدرب موهبته ويقدرها