|
الـتـعـلـيـم الـخـنـفـشـاري !! بسم الله الرحمن الرحيم .. أنا هنا أقدم لكم بعض أفكاري تجاه التعليم .. التعليم التقليدي هو النظام المُستخدم عندنا بالمملكة .. يعني صف .. فيه عدة فصول .. أو غرف خاصة فيهم .. فيها عدة حصص دراسية .. مختلفة .. ندرس 3 حصص .. ثم تجي الفسحة الخنفسارية .. اللي نطلع للساحة بالغصب .. :s3s: اللي هي نص ساعة ويمنون علينا فيها :to:.. فيها ناكل ونشرب ونلعب ونسولف ونروح حمام -الله يكرمكم- حتى لو قلت للاستاذ أبي أروح دورة مياه .. وبالحصة السابعة أو الثامنة , قال : طيب وينك من الفسحة؟ لا ياشيخ؟ :razz: الفسحة الساعة 9 .. والحصة السابعة الساعة 1 أو 12 !! ولا يجيك ذاك المدرس اللي ماعمره ابتسم .. ولا حتى سلّم! :yes: يجي يدرّس ونفسه بخشمه .. وإذا تكلم واحد مسح فيه البلاط! وإذا جاء المشرف أو الوكيل الفصل عشان يشوف انضباط الطلاب ولا شرح المدرس .. مسوي المدرس أني أنا المدرس الحنون على الطلاب .. !! :ranting: ولا نجي للمدير اللي بعضهم مانشوفه إلا مرة وحده بالسنة بس! والله حصلي بكذا مدير .. ماشفته إلا 3 مرات يمكن في 3 سنوات!! :yes: ولا الطاولات , لا تعليق!:s2: بخصوص المدرسة الأهلية .. بعضهم بلع فلوس عالفاضي! مدرستي كانت تعطينا كراسات ودفاتر وأقلام ومساطر في كل ترم .. الحين زادوا الرسوم ألفين .. وشالوا الدفاتر! وين الوزارة .. ؟ :yes: الوزارة نفسها متهالكة .. ياخي من الغباء أنك تسقي نبتة من فوق بس! واللي تحت وهو الأساس ماتسقيه ! يعني يغيرون المناهج ,, والمسؤولين نفسهم! لا ياشيخ؟ s121s المواد الدينية صفحاتها بدأت تنقص .. وعدد حصصها بدأ يتقلص! والإنجليزي ماشاء الله!! أنا ما أطالب بحذف الانجليزي , لا والله .. أنا أطالب أنهم يوازنون مابينهم .. الواحد إذا كبر ما يدري وش هواياتي .. مايدري وش هو .. مايدري وش يتخصص .. ومايدري وش يحب, و وشو الشي اللي ماهر فيه! :yes: هذا أكبر ديل على فشل الوزارة ..البعض يقول من الطلاب .. صح عليك .. لكن لو كانت الوزارة تجتهد وتعمل بإخلاص تام .. صار اللي مايحب المدرسة يحبها .. وبعدين الدراسة ترغيب ماهي ترهيب! قسم بالله! :d:mad: تعلموا منهم .. ترى عادي قسم بالله :d:d : ‫خواطر 7 - الحلقة 18 - مدرسة غير‬‎ - YouTube *بداية المقطع موسيقى .. :) |
’, ,’ هالكلام بقوله وبكرره عدة مرات انا تحدث كثيرا في مواضيع في منتديات اخرى عن التعليم والمقارنة بتعليمنا وليش طلابنا يكرهون الدراسه والتعليم الخارجي وضربت المثل في برنامج خواطر لكن اتوقع لافائدة ابدا اي طالب او طالبة سعودية يكرهون الدراسه السبب كما هو معروف اني اروح لسجن واضرب فيه وارجع وبالعكس مااكون استفدت اي شيء اول مادخل المدرسة اشوف السور احس داخل سجن وغير ضرب المدرسين احس اني مسوي جريمه يعاقبوني عليها خلاص ياخي بسوي اي جريمه كذا ولاكذا بنضرب وبدخل في سور وسجن للاسف كلما زاد التطور العالم من حولنا كلما زاد كرهنا للدراسة يعني بالله 12 سنة دراسة غير الجامعه انا اشوف مبالغه في الخارج اتحدى لو تعدت 6 او 7 سنوات وكلهم يتخرجون وباعلى النتائج وبعد يعرفون لغات كثيرة بعد هناء ندرس الانجليزي في بداية الصف السادس يعني بالله عقلي خلاص تيبس على اللغة العربيه المفروض من الاول ابتدائي ندرس انجليزي وعربي ويعتمد رسمي طبعا فيه بالمدارس الاهليه لكن نبي شيء من التربيه والتعليم للاسف النقاش بيطول ولافائدة والكل بيتخرج والتعليم باقي في اسواء مكانه له بالعالم ولاتنسى 21 كتاب ادرسه ياخي تراني انسان وش 21 كتاب ادرس .. للاسف شيء يقهر ويرفع الضغط ماقول الا الصصبر مفتاح الفرج وان شاء الله نشوف تحسن مانبي نوصل مثل الي في برنامج خواطر لان هالشيء في الاحلام لو وصلنا نفس الي بمدارس خواطر اجزم اني احب الدراسه وماابي اي اجازة ياخي مدارس مفتوحه مافيه سور فصل مفتوح انام مخدة كل شيء ياخي انا كذا ابي ادرس حتى ايام الدراسة .. ’, ,’ شككرآإ لك موضوع هادف لكن لافائدة في تطبيق الافضل :ba1: |
معك حق بس بعض المدارس تهتم بطلابها لدرجة كبيرة شوف الموضوع اللي بتوقيعي فللله |
مساء الخير اولا اشكرك على الموضوع اوكيه انا لحين اول سنه لي في الثانوي طبعا المدرسه حكوميه لكن مسـتأجره ممرات ضيقه وفصلي مطبخ تعرفون ايش معنى مطبخ فيه مروحة شفط وكمان صنبور المويه فوق راسي ولا الطاولات والكراسي الكرسي طويل والطاوله قصيره حدث ولا حرج او الاسلوب الممل والروتين المعناد 7حصص نفس الوضعيه والفسحه يا ليتها نص ساعه 5 دقائق والمقصف ما فيه الا مويه وعصير وبسكوت غير معروف او نظافة المدرسه الغبار في كل مكان مشكووووووووووووووووووووووووووووووووور |
أشكر كل من مر هنا ... على طاري المناهج .. الوزارة حطّت كتاب خاص لـ "الفنية" !! ههههه يستهبلون !! :D |
| الوقت المعتمد في المنتدى بتوقيت جرينتش +3.
الوقت الان » 09:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd