|
برنامج هلاليين يفتقر لعدة اشياء + تلخيص البرنامج + اقتراحات السلام عليكم و رحمة الله و بركاته اخواني عُشاق الملكي :ba::ba1: الأغلب شاهد امس الحلقه الأولى من برنامج الهلال عبر اليوتيوب ( Hilalyeen Show ) برنامج ( هلاليين ) كـ مُسمى ممتاز و لكن طريقة الانتقاد و الاسلوب غير احترافيه ابداً بتكلم بـ صفه شخصيه عن الاشياء السلبيه بالبرنامج و لكم حق التأييد او المعارضه - جودة العمل متواضعه و ليست على مستوى الطموح - كثرة التقطيع بالمونتاج - طريقة سرد المقاطع تُصيب المشاهد بالملل لعدم وجود وصله فكاهيه بين فقرات البرنامج - لا يوجد تنسيق بين الفقرات ابداً .. على سبيل مثال لو كانت لقطة الدعيع بالختام بتكون نهايه جميله - يفتقر للحلول - تناقض واضح بين الفقرات ! الهلال خط احمر لا نسمح بتجاوزه و هو اول من يتجاوزه ! - شتم اللاعبين ( لا اعتبره انتقاد ) فيه نوع ما من الوقاحه .. " يتفلسف مسويلي فيها زيدان ! " للأمانه النقطه الاخيره استفزتني كثيراً ..عذراً انت لا تُمثلنا كـ هلاليين .. انت تمثل شخصيتك المتعصبه الغير مفيده للهلال ولاعبينه .. اقدر عملكم و جهدكم و لكن تفتقدون للتنويع و الفكاهة و الاحترافيه ! حلول قد تُفيد - وضع مُقدمة في بدايات البرنامج قبل الحديث - مقابلة بعض الجماهير و اخذ اجابتهم و تكون بطريقه احترافيه - توعية الجماهير الهلاليه بطريقة التشجيع و التنسيق مع مجلس الجمهور الهلالي - عرض شعار الهلال بالخلفية مع ارتداء المُقدم لـ تي شيرت الهلال او شال الهلال - تنويع اماكن التصوير .. كـ لقطة العابد - مُحاورت بعض الشخصيات الهلاليه - الاستفاده من المقاطع السباقه باليوتيوب .. و محاولات الاحتكاك مع من عملوا في السابق بالاخير لا نبخس اجتهادات العاملين ولم انتقد الا من عشقي للزعيم و بطبيعة الحال البداية تكون صعبه و لكن لم اتوقع هذي الاخطاء الفادحه وللاسف السلبيات طغت كثيراً على الاجابيات شكراً على ما قدمتم و سنظل بجانبكم حتى يكون صوت هلالي قوي ! تمنياتي لكل العاملين بالنجاح و التوفيق |
برنامج رائع كـ بداية بس اتمنى يحطون ف بالهم انه احتمال ان لاعبين الهلال جالسين بتابعونهم هو99% ولما تنقد لاعب بهذا الشكل قد تجرحة وتهبط معنوياتة اللي نتمناة ف القادم هو انه يجيب مواقف طريفة ع كل لاعب تخلية نفسة هو يظحك وترتفع معنوياتة ومايروح من باله الموقف او المقطـع وخاصة الاعبين المنخفض مستواهم طبعآ بدون لاتشعرهم بذلك وبدون ذكر اسماء وهذا خطأ فادح *امنية اخيرة لو يجعل في اخر كل حلقة كليب لاحد الاعبين مدتة دقيقتين او3 سواء من تجميعه او كليبات موجودة ف اليو تيوب يكون سوا شي كبيررر يراة الاعب و الله يوفقهم ويبهجون لعيبتنا وجماهيرهم ف البرنامج |
المقدم سامج لابعد حد والله ماقدرت اكمل الحلقه بسبته قد شفت سماجه بس مو لهدرجه والمشكله كان يتكلم باراءه الشخصيه باسم جمهور الهلال اتمنى يكون فيه برنامج محترم ويقدمه ناس تفهم بالكوره وتعي مصلحه الكيان ويكون منافس ومتفوق بالتصاميم والجرافيكس ترى يوم شفت برنامج جمهور الاتحاد انقهًرت اكثًر : ) |
البرنامج فيه بعض الأخطاء ومقترحاتك مميزه وفي محلها تستطيع مراسلة معرف البرنامج الموجود بالمواضيع المثبته موفق :-) .... |
هو كـ فكرة حلوة و رائعة جدا بس انا استغربت نقده اشوفه مبالغ فيه ضد اللاعبين و لو كان وده ينتقد بدون ذكر اسم اللاعب او وضع صورته مجهود يشكرون |
فكره حلوه الله يوفقهم ياااارب |
كلامك سليم مافيه شك و اتفق معاك ١٠٠٪ اتمنى يستفيدون و يطورون نفسهم الي مو جاهز لا يشوه شكل الهلاليين شكرا |
عموما فكرة البرنامج جدا رائعه ولاكن فيه يعيب عليه اشياء كثيره وهي اسلوب الساخر في البرنامح وعدم النقد الهادف فيه . واتمنى تصحيح بعض الاخطاء والاهتمام اكثر بالجمهور والشأن الهلال. لك ودي.... |
وليش مارديت على هالموضوع في نفس الموضوع الى نشرت فيه القناة حلقتها الأولى .. تراها نفس الشيء هناك تعتبر مشاركة وهنا مشاركة الفرق هناك المتابعين اكثر الأراء متعددة . وبس ونا علقت بنفس الموضوع هناك تقريباً بنفس كلامك .. يعني اتفق معك ولكــ تحياتي |
للأسف اتصالي كونكت وماقدر ادخل على اليوتيوب ولكن أي عمل في بدايته قد يواجه صعوبات وصدقني بعد فتره راح يغطي على مسامير ولايكثر وصاحي يطبعون وغيرها :) تقبل مروري |
الله يعطيك العافيه كنت راح اكتب موضوع بـ هالخصوص .. سلامات وش يحس فيه يستخف دمه على اللاعبين (( حسن - المرشدي )) اذا تبي تنتقد انتقد بطريقه (( مهذبه )) موب بـ هالطريقه (( الاستهزاء )) .. + موب وقت الانتقاد كنت أتمنى يستغل هالبرنامج واللجه اللي صارت حوله بـ تقديم الدعم المعنوي للاعبين أكيد راح يشاهدون البرنامج خاصة وورانا مباراه هامه ومصيريه بعد 13 يوم من الان ..!! لكنك قلتها هالشخص مايمثلنا كــ هلاليين .. شكراا لك .. |
رائع جداً كلام سليم وتقييم مفيد وبعيد عن الاسفاف والتشنج طبعاً مؤيد تماماً لكل ما كتبت ولكن أود أن أضيف نقطة بسيطة: (اتمنى عدم التحدث في البرنامج عن أي فريق آخر غير الزعيم) أخي العاشق الأزرق لك مني محبة بحجم روعتك ....بالتوفيق للزعيم الملكي.... |
كلامك كله جوااااااااااااااااااااهر يعطيك العافيه |
البرناإمح كفكره ممتإازه لكن فعلا اغلب النقاإط اللي ذكرتها اتفق معك فيهإا··`~ اتمنى يشوفون هالموضوع والاقتراحات عشاإن يتطوور اكثر ودي لك··`~ © |
في الصميم يالغالي ،، لا عدمناك و اتمنى يتكلم عن الجمهور اكثر من اللاعبين |
| الوقت المعتمد في المنتدى بتوقيت جرينتش +3.
الوقت الان » 07:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd