بسم الله الرحمن الرحيم
السلام عليكم ورحمة الله وبركاته

موضوعي يتكلم عن الاطقم الخاصة بنادي الهلال واللي تعتبر الاطقم الحالية الاسوء خلال ال10 سنوات الماضية

واللي قاهرني ان هالاندية اللي اصغر بكثير من نادي الهلال لها اطقم خاصة واعلانات مثل اوروبا

واكيد الحين بيدخل واحد وحاط سرعته على تسعين وبيقول ان الموضوع مو في وقته واطالب المشرفين بالحذف والى قبيل هذا الكلام

واقوله من الحين ترى هالمواضيع مهمة جدا ولو مو مهمة كان ما شفنا الاهتمام الكبير من الاوروبيين و مادام ان الموضوع يخص الهلال فمن حقى ان اعاتب وانتقد ولكن بحدود ( الادب )

واتمنى من سمو الامير عبدالرحمن بن مساعد انه يفسخ عقد اديداس اللي شغلها كله ترقيع ومو مهتمة بالفرق العربية

وبصراحة فكرة النصر والاتحاد باطقمهم روعه واكثر من روعه والشي الابداع انهم سوو شركة على اسم ناديهم وبتصاميم المشجعين انفسهم وما كلفت من خزينتهم ولا نص ريال حتى يسوون الاطقم بعكس الهلال اللي دفع ملايين حتى يتم تصميم طقمين فقط لنادي الهلال وبالاخير لم ينال على رضانا والملايين كلها ذهبت هباء منثورا

وهذي امثلة اتمنى انها توصصل للادارة الهلالية











والله اني لما اشوف الصور اتحسر
اتمنى عمل هذه الافكار بالموسم المقبل لانها تفيد النادي استثمارياآآآ وتزيد من شعبية الاندية

واتمنى اشوف أرأئكم حول الموضوع وبليز ابي تعليقات عقلانية لا استهزائية

تحياتي لكم ,,

اكثر ما يهمني من الطقم الشعار الموجود
دامه شعار الزعيم فـ انا احب هالطقم مهما كان

لكل منا وجهة نظر و الاختلاف لا يفسد للود قضية

هذه فكرة حلوة
وأنا اعجبتني
اتمنى تنفيذها من قبل إدارة الزعيم

لاعبا الهلال البيشي والزوري عملوا هذا العرض بس يمكن انت ما شفت الصور

مشكووور اخوووي

إقتباس الرسالة الأصلية كتبت بواسطة 3MMAR - HFC اكثر ما يهمني من الطقم الشعار الموجود دامه شعار الزعيم فـ انا احب هالطقم مهما كان لكل منا وجهة نظر و الاختلاف لا يفسد للود قضية

يالغالي اكيد اللي يهمك شعار النادي , بس آنآ آتكلم عن التصميم اللي مو داخل في اي مزاج مشجع هلالي وفوق كل كذا ما بيستفيد النادي استثماريا وهذي مشكلة

إقتباس الرسالة الأصلية كتبت بواسطة alkaserr20 لاعبا الهلال البيشي والزوري عملوا هذا العرض بس يمكن انت ما شفت الصور مشكووور اخوووي

اكيد شفت الصور بس بذمتك تسمي هالشي عرض ( احترافي ومن نادي كبير ) ؟؟

هالطريقة طريقة قديمة راحت ايامها واقدر اسويها في بيتي , حنا نبي اعلانات على مستوى عالي وتليق بسمعة ( اكبر فريق باسيا )

يعني وش ينقصنا حتى نسوي مثلهم ؟

يا عزيزي انت فاهم الدنيا غلط :


1- لا تطير بالعجه ترا أكبرها وأسمنها (الريال والبرشا ومانشستر وتشلسي و و و و و ) ما سووا هالشئ عشان تقولي تطور واحتراف

2-ترا الاصفرين الكبير والصغير من زمان وهم يتعاملون مع ابو هنود وابو بنقال والدليل ان بدلهم كانت (لوتو) وبعدها صاروا وبقدرة قادر (نايك) في نفس السنه, وبعدها صار لكل واحد منهم بقدرة قادر شركه ويحط علامتها. يعني مبين انهم يتعاملون مع نفس الشركه من زمان وهي اللي تسوي بدلهم (الباهته) من ايام لوتو.

3-من قص عليك وقال ان الانديه تدفع لأديداس ونايك وغيرهم؟ وتقول ان الهلال دافع ملايين ؟ يا حبكم للتأليف.

يا عزيزي كل الأنديه في العالم تجيها (عروض) من الشركات ويوقعون معاهم, وأتذكر من فتره جا العرض من أديداس وتم التوقيع عليه وهذا الشئ مطبق أيضا في الشباب والأهلي, ولو تروح لأي نادي في العالم تشوف نفس النظام لأن الشركات مثل أديداس وغيرها همهم يكون شعارهم على هذه الأنديه.

عموما ما راح أطول كثير لأن الفكره أساسا غير واضحه بالنسبه لك

مومهم الطقم
المهم دوري +اسيا
بتوفيق الي هلال

إقتباس الرسالة الأصلية كتبت بواسطة هلالي *** هلالي يالغالي اكيد اللي يهمك شعار النادي , بس آنآ آتكلم عن التصميم اللي مو داخل في اي مزاج مشجع هلالي وفوق كل كذا ما بيستفيد النادي استثماريا وهذي مشكلة

يا عزيزي الأرباح كلها راح تكون من المبيعات سواءا بدلتك عليها أديداس والا عليها صورة سواقكم.

وزي ما قلت لك اذا كنت تبي تتكلم عن الاحترافيه ما أشوف أي نادي في العالم سواها من قبل, لأن مصدر الدخل يكون من المبلغ اللي يجي من أديداس عند الاتفاق + مبيعات القمصان (وهذا شئ بين الاداره وموبايلي وما نبي ندخل فيه الحين عشان ما نغير مسار الموضوع), وأديداس طبعا راح يكون لها نسبه (غير معلنه) من المبيعات كما يحدث في أي نادي في العالم.


وزي ما قلت لك الاتحاد والنصر من زمان وهم مع بعض (لوتو) ثم (نايك) والآن علامه خاصه ووكيلهم واحد وهو المتجر الوطني حتى لو حطوا أي علامه, يعني الناديين عقودهم ليست خارجيه مثل الهلال والشباب والأهلي, وانما عقود من هنا وهي شركه محليه تسوي لهم اي علامه لو تبي لاكوست والا بولو حطوها لهم (مب للهدرجه)



أما شكل الأطقم فما له أي علاقه بموضوعك, الموسم الماضي طقم الهلال الأساسي كان نفس طقم تشلسي الاساسي مع اختلاف درجات الألون ولون الكم.

طقم هالسنة سيئ لكن ان شاء الله بيزين بعيوننا وحنا نشوف لاعبيننا يرفعون الاسيوية

صصراحةة طقمم السنةة ذي انآ عآججبني كككثير ,,
.. بخصوص آلآعلانات , آلآدارةة لازم تهتم بهذا الشيء ّ!
.. لآ هنت على طرحكك

والله الطفم هذا الموسم خااااااااااااايس

إقتباس الرسالة الأصلية كتبت بواسطة فيليبوانزاجي يا عزيزي الأرباح كلها راح تكون من المبيعات سواءا بدلتك عليها أديداس والا عليها صورة سواقكم. وزي ما قلت لك اذا كنت تبي تتكلم عن الاحترافيه ما أشوف أي نادي في العالم سواها من قبل, لأن مصدر الدخل يكون من المبلغ اللي يجي من أديداس عند الاتفاق + مبيعات القمصان (وهذا شئ بين الاداره وموبايلي وما نبي ندخل فيه الحين عشان ما نغير مسار الموضوع), وأديداس طبعا راح يكون لها نسبه (غير معلنه) من المبيعات كما يحدث في أي نادي في العالم. وزي ما قلت لك الاتحاد والنصر من زمان وهم مع بعض (لوتو) ثم (نايك) والآن علامه خاصه ووكيلهم واحد وهو المتجر الوطني حتى لو حطوا أي علامه, يعني الناديين عقودهم ليست خارجيه مثل الهلال والشباب والأهلي, وانما عقود من هنا وهي شركه محليه تسوي لهم اي علامه لو تبي لاكوست والا بولو حطوها لهم (مب للهدرجه) أما شكل الأطقم فما له أي علاقه بموضوعك, الموسم الماضي طقم الهلال الأساسي كان نفس طقم تشلسي الاساسي مع اختلاف درجات الألون ولون الكم.

+1


..........................

إقتباس الرسالة الأصلية كتبت بواسطة فيليبوانزاجي يا عزيزي انت فاهم الدنيا غلط : 1- لا تطير بالعجه ترا أكبرها وأسمنها (الريال والبرشا ومانشستر وتشلسي و و و و و ) ما سووا هالشئ عشان تقولي تطور واحتراف 2-ترا الاصفرين الكبير والصغير من زمان وهم يتعاملون مع ابو هنود وابو بنقال والدليل ان بدلهم كانت (لوتو) وبعدها صاروا وبقدرة قادر (نايك) في نفس السنه, وبعدها صار لكل واحد منهم بقدرة قادر شركه ويحط علامتها. يعني مبين انهم يتعاملون مع نفس الشركه من زمان وهي اللي تسوي بدلهم (الباهته) من ايام لوتو. 3-من قص عليك وقال ان الانديه تدفع لأديداس ونايك وغيرهم؟ وتقول ان الهلال دافع ملايين ؟ يا حبكم للتأليف. يا عزيزي كل الأنديه في العالم تجيها (عروض) من الشركات ويوقعون معاهم, وأتذكر من فتره جا العرض من أديداس وتم التوقيع عليه وهذا الشئ مطبق أيضا في الشباب والأهلي, ولو تروح لأي نادي في العالم تشوف نفس النظام لأن الشركات مثل أديداس وغيرها همهم يكون شعارهم على هذه الأنديه. عموما ما راح أطول كثير لأن الفكره أساسا غير واضحه بالنسبه لك

شوف يا حبيبي انت لا تطير بالعجه بالنسبة للنقطه الاولة ما بكثر كلام فيهآ مجرد ( صور ) وهذي مشكلتك يالغالي اذا ما كنت تتابع الكرة العالمية











اقتنعت الحين بالنسبة للنقطه الالوله

وبالنسبة للنقطه الثانية باختصار شديد الصور اللي حاطها كانت مثال يا عزيزي !
والغرض من الصور ( ما الذي ينقص الهلال حتى يتم عمل هذا الشئ ) والاندية اللي حاطها اصغر بكثير من نادي الهلال هذا هو المعنى اللي ابغى اوصله بالموضوع

وبالنسبة للنقطه الثالثة يا حبييبي انت فاهم الموضوع غلط وبقوه ولا اساس له من الصحه

يعني نادي ليفربول الانجليزي وقع مع شركة وريور بقيمة 25 مليون وانت جاي تقولي العكس الله يهديك ويصلحك