الكابتن ياسر على العين والراس بس قضيت انه يلعب اساسي هاذا العلم عند المدرب

لاكن بصراحه ياسر ما يتمركز صح وتحصله اغلب وقته يلعب وسط مدري كيف بيسجل!!

ياسر مو ياسر الي نعرفه لاكن اتمنى نوقف معه سوى بالاسيويه ولا بالدوري ..!

الكوري لاعب يتمركز ومهاري ولاعب صغير ويسحب حتى بالحراس لاكن يفقد المسه الاخيره

وحضه مو راضي يوقف معه > مشكله ..!

الفريدي لاعب بطيء يلعب بمزاجيه يوم ويوم واتمنى مانغامر فيه بالاسيويه بخصوص ان الفريق الكوري سريع ؟؟

والفريدي لاعب بطيء مايلزم يشارك الفريدي بالاسيويه وكلنآ ندور مصلحةة الفريق ..

اما حسن العتيبي والله من الموسم الي فات مستواه دمار دمار دمار تدخل فيه اهداف سهله وهو يتفرج

واذا على المغامره بالسديري ياليت دائم نغامر اذا تبي تكون المغامره نفس هالحارس المتألق..

اتمنى يبقى حسن بالدكه ويراجع حساباته > والمهم والاهم مصلحةة الكيان الازرق

المدرب ابخص واعرف ايش يبي واذا هو يشوف الكوري افضل من ياسر ما احد يقوله لا

والله احس شي سواة المدرب أبعد العيبة المتخاذلين بالجولان الأربع الماضية حسن العتيبي كان سيى والشلهوب وسالم وياسر والبقاء للي يعطي في الملعب وينافس على المركز ملينا من نجوم الافلاشات امثال ياسر وأخطاء حسن العتيبي وبكى الشلهوب وأنانية سالم نبي لعبة تلعب لشعار اتمنى استمرار المدرب على هذا الأسلوب الي يدل على قوة شخصية وعدم اعترافا للأسماء أسف اكتب من الأيبااد أخطاء أملاىية لك عليها. تحياتي

بكى = بطى الشلهوب لتصحيح. اعتذر

اعجبني ردها وازيد على كلامها

من موضوعك تجاهل قائد الفريق حاطها مصيبه اصلن المصيبه انه هو القائد

وين القائد في مباراة الاتفاق كان اساسي

الحين الكوري اول مباراة له الموسم هذا وشنيتووو هجوووم عليه والقائد له خمس اسنين عك كروي وكل مره ترقعووون له بشي
اخر شي وصلتو له من الترقيع انه يحمس الاعبين وهيبه في الفريق اما اذا تكلمنا بشي فني طلعتوو لنا باشياء ماتدخل المخ وقت جيريتس يسحب الدفاع والان يحمس الاعبين الله يستر بعد كم شهر وش بتقولون الله يعينا على عينتكم

شكرا لكاتب الموضوع والشكر الاكثر للاخت الشيخه هلاله لانه تكلمت بالصراحه

أنت أخر واحد يتكلم عن لاعبين الهلال وعن ياسر بالذات أنسان حاقد مندس
والله المصيبه هو وجودك وأمثالك في هذا المنتدى والتحريض على اللاعبين
من 2006 ولم يكتب آلا بهذا الوقت وكلها تهجم وحقد شخصي
يامشرفين أذا لم تنظفو المنتدى من هذه الأشكال سنوصل صوتنا للأمير بندر بن ثامر وأرسال ردود المندسين له كماطلب

اللاعب الجاهز هو من سيشارك ومن يرى المدرب انه سيخدم الفريق

لن يتوانى في اشراكه واذا كانت المصلحه تقتضي

ان يكون ياسر في الاحتياط فلم لا .

المصلحة مو محتاجة مدرب و لمسة سحرية
المصلحة محتاجــة : عيــن ترى +عـقـل يفكـر = الكوري زبالة و ياسر اساسي

هذي كل المصلحة الهلالية:ba:

انا اخر او اول من يتكلم كله واحد

ياخي الله يسامحك على التهجم هذا بس انا الحين سبيت احد قل ادبي على احد وكل ماكتبت شي طلعتوو لي مندس ومدري ايش ياخي انا اطرح رايي و وجهة نظري لك تتقابلها او ترفضها وتناقشني بادب

اما مسالة تشكيني ومادري ايش الله يقويك وانا متاكد اني لم اسب احد او يقل ادبي اطرح وجهة نظري

ياليت نرتقي في الردود ياخي

يوم بعد اخرى اكتشف بان مطبلي ياسر أطفال واحد يتهم اخر بأنة مندس علشان اختلف معة والأخرى يقول الكوري زبالة وياسر أساسي. انا كنت اسمع ان ياسر اذا ما سجل يسحب المدافعين وهذي كذبة والحين يهاجمون الكوري رغم أنة يطبق نفس الي يقولونه على ياسر ولا يسجل وش اخر الأعذار انا والله خائف يحيين واحد يقول ياسر مشغول بحل قضية سوريا كم انت كبير يلكاسر مايقدر يسجل مشغول بحل القضائياء كبير كبير خذ شارة القيادة معك والنظارة

طيب وش رايك يخلونك مدرب للفريق!!
يا اخي كل مباراة لها ظروفها
ويعجبني المدرب اللي يضع التشكيلة حسب
مستوى الفريق المقابل