معاك حق تعاتب ولكن صدقني يالغالي

معك أخوك عبدالله القحطاني أحد أعضاء

مجلس الجمهور الهلالي تحت إدارة الأستاذ

تركي الهديب .. أحمد الخلف

والله يالغالي أمس وزعنا أعلام وشعارات

وقطع بلاستيكيه وللأسف الجماهير تاخذها

تحطها على الكرسي وتجلس ومايبون يتفاعلون

ولا يبون شي تحس مغصوبين على الحضور

وفوق ذا كلـه يوم نطالبهم بالدعم بالهتاف والتشجيع

توصل إنهم يقومون يمدون يدهم ويشتمون فينا ونسكت

كل ذا تقدير للهلال وعشاقه ولكن برجع اقول بإذن الله

تتعدل الأمور ونلقى التفاعل من الجماهير

تقديري لك

والله و النعم فيك انا بقول بس بقولك كم شغله .. طريقة توزيع اللوحات البلاستكيه زي بالصوره الاولى

غلط انه يتم التوزيع قبل المباراة لان بعضها توصل و بعضها لا و تصير حوسه الشغله

اتمنى تسون هالفكره .. ينزل كذا متبرع او عامل و يحط البلاستيكه قدام الكرسي المقابل و يلصقها بـ ( تيب ) خفيف

و يكون جزء ازرق و جزء ابيض على كل المُدرج .. ( افضل بكثير من شكل المُباراة الاخيره ) و قبل الدخله يتم التوجيه بالمايكرفون للجمهور .. بتكون سلسه و جميله

* يتم عمل الحركه هذي بمباراة مهمه لو مره وحده لاني عارف ان فيها تعب .. الجمهور لابد يكون فيه شواذ لكن مو معقوله جمهور النصر يتفوق علينا !!

اقسم بالله يابو قحط اني ادرس في امريكا و لكن كل جيه لي ما افوق ولا مباراة سواء بالرياض ولا قطر ولا اي مكان اقدر عليه

و تركي قابلته اكثر من مره و اعرف انه انسان ممتاز لكن افكار المجلس شوي لك عليها

و تسلم على الرد ما تقصر

عزيزي المشكلة اذا رفض المشجع استلامها او ما رفعها هل نتحمل اللوم
ولكن ما سنعمله مستقبلا هو التقليل منها ورسم لوحات جديدة اثق انها ستفي بالغرض

احترامي لك

مداخلة بسيطة



وين دور الرابطة في توعية الجماهير ؟؟


إقتراحين حلوين :

١- الأخ تركي الهديب أو من ينوب عنه من الرابطة قبل كل مباراة ينزل موضوع ويقول للجمهور
ويفهمهم الحركات اللي بتصير في المدرج بالصور !!


٢- بين كل فترة وفترة تنزل الرابطة مواضيع توعوية وتوضيحية للجماهير بأن كل مايُفعل هو من أجل الهلال ومن أجل
تطوير المدرج الهلالي !!




(( أغلب الشباب في المدرج مو منتبه أو مو فاضي أو الصوت مايوصل له ... والمنتدى راح يوصل الصورة واضحة للكثيرين ))



مع خالص الشكر


،