|
ما هو شعورك لما شفت تشكيلة الهلال ؟؟ الحمدلله على الفوز والمستوى الرائع مليون مبرووووك لكل عاشق للهلال الفوز والثلاث نقاط تشكيلة الهلال امس قدام النصر كانت تشكيله جديده وغريبه وفيه عناصر تلعب اول مباراه له هذا الموسم وعناصر تلعب في غير مركزها مثل الشهراني وتم ركن نجوم كبار ع الدكه وخصوصا لاعبي منطقه الوسط انا لما شفت التشكيله بكل صراحه خفت وقلت شكل المدرب بيجيب العيد وتكون نهايه مع الهلال بسبب التشكيله المجنونه والا احد يركن اهم نجوم عنده ع الدكه ويلعب بتشكيله جديده تلعب اول مباراه لا وفي ديربي بس لما بدات المبارة وشفت ابداع نجوم الهلال وخصوصا الشهراني الذي كان شعله من النشاط ما شاء الله عليه غيرت رايي بس بصراحه كانت مغامره مجنونه من المدرب امنيه اتمنى ان النجوم الذين تم ركنهم ع الدكه فهموا رساله المدرب لهم كل واحد يكتب وش كانت ردة فعله لما شاف التشكيله |
بصراحة أنا خفت لما شفت التشكيلة .. بسبب المستوى بالمباريات السابقه كان ضعيف والمباراة ديربي وفجأة نص الفريق متغير !! مثلا نامي استغربت غياب البيشي لكن فهمت ان المدرب يبي يجهزه لللاسيويه لغياب البيشي بسبب الايقاف ببطاقتين صفراء وياسر الشهراني جناح !! بسس اكتشفنا انه لاعب ماشاء الله جوكر يلعب بأكثر من خانه والكوري يو لانه راجع من اصابه .. وياسر كان جاهز واساسي بالـ 4 مباريات الاولى بسس ماقصر الكوري سوا كل شيء من تحركات وانفرادات بسس مشكلته لا زالت بتضييع الاهداف السهله بسبب الاستعجال يعني واضح يحتاج بعض المباريات حتى ترجع حساسية التهديف وثقته بنفسه هذه التغييرات اللي خوفتني بسس لما شفت الاداء والهجوم والهجمات والروح والحماس والقتاليه غيرت رأيي ومبروووكين الفوز والعودة للمنافسة على الدوري .. وفالنا الاسيوية بإذن الله |
والله كلامك صحيح وانا خفت لما شفت التشكيلة .. بسبب المستوى بالمباريات السابقه كان ضعيف لكن والله الشباب ما قصروا برغم انه مبارة ديربي |
اتوقع الجميع خافو من التشكيلة الجديده ، واكثر شي فكرت فيه ، لو حب يدافع بالشوط الثاني ما عاد عنده لاعبين يساعدون بالدكة حتى لو اخرج مهاجم لكن النقطة اللي كنت مرتاح لها امس ، ان اللاعبين المهاريين مركونين بالدكة وهنا كنت متفائل لو نرجع لمباراة امس نلاقي عبدالعزيز الدوسري من اقل اللاعبين فائدة بسبب كراته المقطوعه مشكلتنا بـ عبدالعزيز ، الفريدي ، العابد ، الشلهوب : هم من نجوم الفريق لكن تمريرهم خاطئ في كثير من الاحيان ، لازم يتفلسفوا ويحبو يمررو بطريقه مهاريه او من مكان صعب تشكيلة البارح اجمل مافيها انها عمليه جدا ، طبقوا التكتيك بأقل اخطاء وبدون اجتهادات مالها داعي ، خصوصا الشهراني و القرني بالاضافه للزوري والله ماقصر وكان مميز |
التشكيله بالبدايه خفت منها ,, بس عرفت ان المدرب مايحب الفلسفه الزايده بالكوره هي نفس الخطه بس اللهم غير باللاعبين .. خل سالم الدوسري والعابد والفريدي ينطقون.. جانا لاعب من ذهب يصنع وبدون انانيه .. مدام عزوز والشهراتي فيه لاتخافون مع احترامي للشلهوب كفي وفي |
الحمد لله عل الفوز ولما شفت التشكيلة استغربت بصراحه ولكنني ارتحت لوجود لاعب ارتكاز القرني وانزعجت لوجود الكوري لانه غير جاهز والحمد لله اللاعبين ماقصروا خاصة الشهراني يعطيك العافية ورود |
الحمد لله على الفووووووز........ والله خفت من التشكيلهـ لاني قلت اول مره يلعبون اساااااااسيين بس كاااانوا على قد المسئوليهـ... |
الحمد لله عع الفوز ومبروك ي جماهير الهلال العودةة للروحح الهلاليةة ،، |
الف مبروووك الفوووووووووز وكنت متفأل بالفوز |
فيه ميزهـ أعجبتني بـ كمبواريه إنه ما يعتمد على الاسماء بقدر ما يعتمد على الاعب الافضل يعني نششششوف لاعبين احتياط أفضل من الاساسيين في المدربين السابقين لكن في عهد كمبواريه يدخل الاعب الافضل و لنـا في القحطانـي و الشلهـوب في مباراة الأمس أكبر مثـال يعطيكـ العافيه |
بكل امانه كنت واثق بالفوز لو نلعب بفنايل بس |
الصراحه يوم شفت التشكيله قلت المدرب جاب العيد بس الحمد لله على الفوز |
يوم لعب بهتشكيله توقعت التعادل بس الحمد للهه الاعبين ماقصرو |
انا استغربت من التشكيله بس لما بدات المباراه عرفت انه في تكتيك معين للمدرب والحمدلله الفوز جاء من نصيبنا شكرا |
إقتباس:
عن نفسي انا قلت وبأعلى صوت ايـيـيـيـس هذا المدرب والا بلاش ركن من لم يقدم المستوى المأمول منه في المباراة الماضيه ع الدكه وهذه رساله لمن ركنو ع الدكه ومن لعبو ان البقاء والمشاركه للأفضل وليس للأسماء وهذا إن دلَ على شيئ فإنما يدل على بعد رؤيه للمدرب اللذي اعتمد على من يقدم المجهود في التدريبات من أجل الضفر بفرصة اللعب ليقينه كمدرب ان من سيمنحهم الفرصه سيعضون عليها بالنواجد وهذا ماحصل اما عن حكاية التشكيله المجنونه فسمحلي اقولكيها وبالفم المليان مادهورنا السنين الماضيه في الآسيويه تحديداً الا التشكيله العاقله ههههههه وربي اتكلم جد هذا مايحتاجه الهلال في المباريات المعدوده ع اصابع اليد الواحده التي إذا فاز بها الهلال إن شاء الله سيحصل عــ البطوله الآسيويه بس تدرين بعد المباراة وبعد ماوصلني من جوالي وتأكد الخبر من البرامج ان النصر أقال ماتورنا تضايقت ياجماعه آخر مدرب حصل معه الهلال ع بطولة آسيا للأنديه والتي بسببها تأهل الهلال للمشاركه في اندية العالم التي الغيت لإفلاس الشركه الراعيه بعدما وضع الجدول وحددت الفرق ولم يبقى الا أيام معدوده افلست الشركه الكل فاكر طبعاً يُقال ليته استقال قبلَ أن يُقال حفاضاً على تاريخه على أي حال هاذي حال الدنيا مره تحت ومره فوق كما الأسهم ختاماً ارجو ان لا أكون ضيفاً ثقيلاً على موضوعك ي و س ف |
| الوقت المعتمد في المنتدى بتوقيت جرينتش +3.
الوقت الان » 10:02 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd