![]() |
مباراة النصر كشفت امور كثيره للهلاليين بسم الله الرحمن الرحيم السلام عليكم ورحمة الله وبركاته مباراه الهلال والنصر امس كشفت امور كثيره منها فنيه ومعنويه اهمها 1- مدرب الهلال كمبوريه نهجه التدريبي اثناء المباراه يعتمد على امداد المهاجمين والدليل تسجيل 9 اهداف من المهاجمين وهدف من لاعب محور وهدفين من اظهره وهدف وحيد من لاعب وسط وهذا يثبت ان نهجه يختلف اختلاف كليا عن المدربين السابقين الذي كانوا يعتمدون على لاعبي الوسط فعلى لاعبي الوسط فهم هذه الرساله جيدا ووضع مصلحة الهلال اولا 2- محمد الشلهوب لم يناسب نهج كوزمين فجلس احتياطيا موسم كامل لكن مع جيرتس صال وجال واصبح هداف الدوري وحاليا مع كمبوريه الشلهوب يريد ان يلعب خلف المهاجمين وهذا الامر يتطلب تواجد 5 لاعبين في الوسط وهو مالا يريده كمبوريه ومباراه امس كشفت ان الشلهوب بكل صراحه لن يفيد الهلال هذا الموسم اذا لعب اساسيا المباراه كامله وقد طالبت سابقا ان يستعان به في بعض المباريات ومن خلال دقائق معدوده ليستفاد من خبرته خاصه ان اسلوبه يعتمد على البطء وعدم الحركه 3- محمد نامي مشاركته امس جدا ممتازه خاصه اذا عرفنا ان سلطان البيشي موقوف اسيويا واشراك نامي جدا مناسب ليدخل جو المباريات قبل مباراه اسيا 4- عادل الهرماش من خلال مباراه امس وبعد نجوميه اللاعب محمد القرني اتوقع ان يكون اللاعب سلمان الفرج هو الثنائي المكمل للقرني في المحور وبكل صراحه لم يقدم الهرماش ما يسعد الهلاليين ويرضي نفسه اولا 5- الحركيييييييييين مباراه الهلال مع الفريق الكوري السريع يحتاج من الهلال الاستعداد لها بلاعبين امثالهم يمتازون بالحركه والسرعه والنشاط وهذا ماقدمه مدرب الهلال امس مع النصر وكأني به يستعد لهذه المباراه فيوجد لاعبين كثر في الوسط يمتازون بالبطء والثقل ولن ينفعون مع الفريق الكوري 6- ويسلي هذا اللاعب يحتاج الدعم من لاعبي الوسط وتقديم له جميع الكرات في المنطقه الخطره ويترك الباقي على الله ثم عليه وصدقوني سيقوم بأكمال المهمه على اعلى مستوى اتمنى من لاعبي الهلال ان يضعوا في عقولهم ويسلي قبل اتخاذ اي تمرير كره والبحث عنه فهو هداف كبير ومن اول لمسه ولا يعرف الفلسفه التي ينتهجها بعض المهاجمين فشكرا ابو فيصل على هذه الصفقه التي نجحت في التعاقد معها وشكرا لمن اوصى بالتعاقد معه 7- ماجد المرشدي اتمنى الوقوف مع هذا اللاعب الذي لا زال حتى الان يقدم مباريات جميله وبدون اخطاء وعلينا جميع الهلاليين دعمه والوقوف معه خاصه بعد المباراه الكبيره التي قدمها امس ويستاهل الكبتنيه اسف على انقطاعي عن الموقع وذلك لظروف تحياتي |
نقااط جميله خاصة الاسطورة الشلهوب .. والبيشي وايقافه بالاسيويه يعطيك العافيه |
بالله وش رايك في المرشدي يوم يقشر الكرة لسعود حمود : ) ؟ |
أشكرك على الموضوع المميز , صحيح كلامك الهلال يحتاج للاعب السريع لأننا سوف نلعب مع الفريق الكوري وهم يعتمدون على السرعة والمراوغة , عسى الله يوفق الزعيم ويحقق كأس آسياء . |
كعادتك مميز بقراءاتك ونقدك . والف الحمد الله على سلامتك وعوده مميزه كما عهدناك . لعل الامر الهام ايضاً هو الفوز المعنوي وإستطاعة ادارة النادي ادارياً وفنياً الخروج من دوامة الاخفاق عبر بوابة نادي النصر . فشكراً لهم وبيض الله وجوههم واحثهم على الاستمرار بهذا النهج دائماً :) |
الشلهوبنجم السنوات التي مضت قدم الكثير لمحبي الهلال الله يوفقه لكن حقيقه ياسر الشهراني لاعب صغير وطاقه عاليه ومجهود قوي في الهجوم والدفاع ساهم في فوز الزعيم والهلال يحتاج الي لاعب حركي لايتوقف في ارض الميدان والسدير ي اخذ الفرصه ونجح يعني الصغار عندهم شي فقط ينتظرون الفرصه وكل التوفيق لنجوم الزعيم الكبار والصغار نحو مجد من البطولات وكذلك كل التوفيق للفرق الاخري التي تعثرت ولكل مجتهد نصيب من يعطي في الميدان هو الاجدر وياسر الشهراني كشف لنا انه لاعب يستطيع ان ينجح في اكثر من مركز وسالم نجم وسيكون مفيد للزعيم صغار شباب الله يحميهم من كل شر ونفس واصابه |
اتفق معاك تماما في مسالة الشلهوب واختلف معاك تماما في عادل هر ماش اللي اعتبره من افضل لاعبي الهلال الى جانب ويسلي ولاتستعجل على القرني لاني بصراحة كل ماتابعته احس انه لاعب عادي جدا لايملك الموهبة واستغرب تنتقد هرماش وتشجع القرني وجهة نظرك واحترمها لكن تظل هذي وجهة نظري ايضا الهلال يحتاج الى لاعبين موهوبين سواءا في الدفاع او الوسط او الاطراف وليس في حاجة الى لاعبين مصنوعين بشكل قد يؤدي الغرض في وقت ما وكلنا راينا الشهراني حتى مع القادسية يصنع الفارق حتى لو امام الهلال في الرياض او امام الاتحاد والاهلي في جدة هدا هوا الاعب الموهوب سرعة ,كنترول ,استلام و تسليم واجادة في رفع الكرات من الاطراف اثناء التسارع والحركة ولو راينا الزوري على الرغم من لعبه لنادي عملاق لاكثر من 6 سنوات لكن الى الان لايجيد الاوفرات من الحركة مثلا |
موضوع رائع ومميز واتتقاداتك في محلها .....كل التوفيق للاعبين في الاسيوية:ba: |
فيه بعض النقاط اصبت فيها اما من ناحية هرماش والله اداء اداء جميل ولا بأس فيه ذي وجهة نظري بس عاد انه يمكن انه مباراه البارحه نرفزه الدجاجه بحركاته المعتادهـ متحرك يقطع كور والشلهوب فديت قلبه يحسم لك المباريات متى ماكان بالفورمه |
اعتقد هرماااش قدم مستوى مميز امس ولا لا |
نقاااااط جميييله شكرا لك |
عادل من نجوم المباراه امس مشكلتكم انك تقارنون عادل ب رادوي وهذا ظلم لعادل لان كل واحد له طريقه واسلوب بالعب وعادل مكمل للهجوم والوسط عكس رادوي اللي كان حامي للدفاع ومحور ثابت |
اختلف معاك في اكثر من نقطه اهمها عادل هرماش اتوقع كنت تشوف مباراه ثانيه لان هرماش ابدع امس وادى مستوى مميز في قطع الطريق على الكثير من هجمات النصر |
الحمد لله على الفوز والفريق يحتاج للاعبين يقدرون الشعار مثل الشهراني والمجهود اللي قدمه اما ويسلي ماعليه كلام من أول مباراة اتضح انه مكسب ومدرب الهلال امس اعتمد على الاطراف كثيرا هدفين اتت عن طريق الاطراف اللي هو الطرف الايسر حتى الهدف الثالث كانت بدايتها من الجهة اليسرى ونامي ايضا لعب اربع كور طويلة كانت خطره اثنان منهم للكوري اضاعهم وبالنسبة المرشدي كورتين اشترك فيهن وحدة بغا يجيب العيد يعطيك العافية |
نقاااااط جميييله >>>>>>> شكرا لك |
بالتوفيق للزعيم ولنجومه وعشاقه باذن الله تعالى يعطيك العافية |
منتظرين مواضيعك من زمان يعطيك العافيه اوافقك ببعض الاشياء واختلف معك ببعض بس تحياتي لك احيييك على تحليلاتك |
وعليكم السلام ورحمه الله وبركاته تعليقات بسيطه :d 1- مدرب الهلال له 5 مباريات رئيسيه مع الهلال جالس يجرب الاعبين ومستوياتهم عشان يجهز التشكيله الاساسيه الي بيلعبها في دور الربع نهائي في دوري أبطال اسيآ ضد أولسان الكوري . 2- كوزمين معروف انه مدرب دفاعي فاكيد ما يحتاج لمحمد الشلهوب كصانع لعب , جيرتس مدرب هجومي فيحتاج لصانع لعب مثل محمد الشلهوب ولا تنسى المساعده القويه من الاعب الكبير رادوي , كمبوريه مضطــر انه يلعب بتشكيله 4 4 2 لان عنده 4 مهاجمين ياسر القحطاني [سعد الحارثي (مصاب) ] و ويسلي لوبيز والكوري بيونج . 3- محمد نامي انا معك في كلامك :d 4- [ وبكل صراحه لم يقدم الهرماش ما يسعد الهلاليين ويرضي نفسه اولا] بالعكس انا من ناحيتي اشوفه كفوو ولا غبار عليه #ملاحظه لا تعمم على الهلاليين كلهم في ناس ضده وفي ناس معه ^_ 5- انا مع كلامك والكروي بيونج انا مدري وش يسوي لين الحين في نادي الهلال من اول المفروض يطير . 7- المرشدي قدامه هرماش يساعده لكن لحاله ما يقدر يسوي شي في خانته وصلت الفكره . اخر شي كل نقاطك هذي وحرام عليك ما تتكلم على الاعب الي اثبت نفسه عن جداره [ ياسر الشهراني ] لاعب كفوو كفوو 75 دقيقه ابداع ما شاء الله عليه عيني عليه بارده واتمنى له التوفيق لكن نصيحه له لا تغرك الفلوس بالتوفيق يا ملكي :naughty: |
اتفق معك واختلف في هرماش هرماش امس كان من نجوم المبارة |
اتفق معك في في كل ماقلته لكن اختلف معاك في هرماش |
انا ضدك في نقطة هرماش .. بالعكس كان النجم الثالث في مباراة امس .. لكن الظاهر كنت تشوف مباراة ثانيه |
موضوع مميز وموفق يعطيك العافيه واتمنى وجود امثالك دائم في المنتدى |
من طول الغيبات جاب الغنايم عودا حميدا يابن محفوظ يبدو انك من عشاق المحاور الدفاعية واتفق معك في ضرورة اعطاء الفصة للقرني فهو المحور الوحيد في الهلال الان الذي يجيد الدور الدفاعي ووجوده ضرورة خصوصا عند اللعب ضد الفرق التي تؤدي بشكل جيد على أن يلعب بجواره الفرج او الهرماش بالتناوب وحسب الحاجة ايضا من الضروري اعطاء الفرصة للمسلم فهو برأيي اكثر قوة وصلابه من المرشدي الضعيف بالتغطية وصاحب الأخطاء الكوارثية وأتفق معك بشأن اللاعبون الذين اطلقت عليهم ( السلاحف ) بالتويتر فقد تحسن الأداء كثيرا بغيابهم ويبدو أن المدرب بدأ يتعرف على اللاعبين بشكل جيد |
اتفق معاااااااكـ ياناااااقدنا المميز...... وطووووولت الغيبه علينا.... إقتباس:
مشكوووور ياعسسسسسسل |
محمد الشلهوب كويس لكن مستواه متذبذب وليس ثابت وبالنسبه للهلال في مبارة الامس كان ممتاز جدا الي محتاجه الفريق حاليا صانع لعب وتكتمل الكتيبه الزرقاء الكوري ماله اي فايده صراحه بوجود وسلي وياسرلان مستواه مو من مستوى الهلال صراحه لاعب عادي اتمنى يتبدل بصانع العاب وعوافي ياغالي على الموضوع |
افضل شيء بالمدرب من يمسك اساسي ويستمر ابداعه ما يرجعه للاحتياط وانه حاول تثبيت الدفاع قدر الامكان |
اتفق معااك في جميغ النقااط الا نقطه عادل هرمااااش ......كان من نجووم المبارتين الاخيرتين بالتووفيق للزعيم الملكي |
اختلف معك بخصوص هرماش مجهود كبي بالوسط يقدمه والمدرب يعتمد عليه بالمحور والوسط الهجومي وهذاء يشتت الاعب كثيرا |
يا عسى جميع الزعماء ما يفقدونك من شر طرح رائع و مميز المدرب يوم بعد يوم يثبت انه مدرب من طراز عالي فقط يحتاج الى الوقت لكي يثبت ذلك و البداية بـ اذن الله كانت امام النصر محمد نامي كل ما اتيحت له الفرصة اثبت وجوده و بكل قوة و دائما ما يكون في الموعد هرماش اراه قدم مستوى جيد في المباراه و يستحق الاشادة و بوجود القرني تحرر هرماش ويسلي لاعب من طراز نادر يجيد اقتناص الفرص و قدرة عالية على انهاء الهجمة صفقة ناجحة بكل المقاييس ماجد المرشدي بدأ بتصحيح اخطائه و الى الامام دائما الناقد الصريح ( مبدع + طرح مميز + كلام واقعي ) |
اختلف معاك في اكثر من نقطه اهمها عادل هرماش اتوقع كنت تشوف مباراه ثانيه لان هرماش ابدع امس وادى مستوى مميز في قطع الطريق على الكثير من هجمات النصر |
مشكوووووور والله يعطيك الف عافية |
مدري نظرتك غريبة احترمها ولكن غير مقتنع فيها ان اتفقت معك هو بشي وحيد هو كلامك ب البداية عن كومباريه اما الباقي لا نتفق بتاتاً |
للأسف الجماهير إنخدعت بالفوز على الأصفر الصغير وتناست نقاط الضعف الخطيره في الفريق إبتداء بالدفاع المهزله وضعف المحاورفي التعامل مع الهجمات المرتده وانا اقولها من الان لاتستغربو من هزيمه ثقيله امام اولسان الكوري ولكن للأسف انا الوحيد اللي شايفها بعيوني والوعد قرييب |
لا اله الا انت سبحانك انى كنت من الظالمين |
اللهم أجعلنا من الذين يستمعون القول فيتبعون أحسنه |
يعطيك العافيةة وماقصرت كلامك مايبي يزاد عليه ولا نقطهه تحياتي |
مشكور على وجهة نظرك .... واكيد احترمها ... بس استغرب نقدك لعادل في مباراة النصر ؟؟ عادل هرماش واحد من اكثر اللاعبين الي كان عنده مهام في المباراة ... لاعب محور وقف الجهة اليسرى كامله للنصر وساعده في ذلك عدم تقدم نامي للامام .... اعتقد من الظلم نقد لاعب وهو يقدم واحده من افضل مباراياته مع الهلال .... ارجوا انك تعيد المباراة وتركز على تحركات هرماش ... ومشكور :) |
موضع رائع وجميع النقاط التي تحدثت عنها مميزة تسلم يدينك .. تحياتي لك ... |
اختلف معاك في نقطة هرماش ولاتنسى المبدع السديري يستحق الاشاده يعطيك العافيه يالناقد الصريح |
تحياتي لك الناقد الصريح نقاط جميله تنم عن انسان فاهم اوافقك جداً لا طول الغيبه مالنا غنى عن ارائك الجميله |
عوافي على النقل اخوي انا مع كلامك الا في مسألة هرماش ! تحياتي لك |
الوقت المعتمد في المنتدى بتوقيت جرينتش +3.
الوقت الان » 02:19 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd