ويسلي .. بقية الاعبين ... محتاجين هالتعادل بالوقت هذا ,,,
 

السلام عليكم ورحمة الله وبركاته


بالبدايه هاردلكم التعادل ... مع ان الهلال قدم ومتعنا طول المباراه ..

اليوم لوبيز قالكم بالخط العريض انا لاعب محترف وعندي اللي ماهو عند غيري


حماس . فن . هدف . كل مايطلبه الجمهور عندي


صراحه اهني الزعيم بلاعب مثلك لوبيز

وعسى الله يكفيه شر الاصابات


اما بقية الاعبين ماقصروا صراحه وقدموا مستوى حلو جدا

ولو ان هناك بعض الاخطاء

لاكن من وجهة نظري الهلال محتاج التعادل ومحتاج انه يكتشف الاخطاء في هذي المباراه بالتحديد ...

ومثل ما انتم عارفين ورانا مباراه مع النصر ... والاخطاء اللي ظهرت بالمباراه هذي بإذن الله ان الاعبين يصلحونها في المباراه القادمه



................................

اما بخصوص بعض الجماهير ..

نقولهم ازعلوا .. من حقكم لاكن لاتجرحون بالاعبين هذا فيه وهذا مافيه

خلونا بالواقع لو فاز الهلال صدقوني انكم تغيرون كلامكم حتى لو بعض الاعبين جايب له كارثه ماراح تتكلمون عنه




علينا ياشباب اننا نحفز الاعبين والفتره الجايه اصعب بكثير

اللي يبي يجرح بالاعبين رجاء يخلي كلامه بعد مباريات اسيا وهمها

اذا شفتوا ان الاخطاء مثل ماهي قولوا اللي تبون اما الحين

اعفونا منها ... وخلونا نبث الحماس شوي ونحاول نعالج الاخطاء بالتحفيز



اتمنى التوفيق لزعيمنا بالمباراه القادمه :)

موضوع راااااائع وفي وقته


كل الشكر لك.

العفووو يالغلا

احس اني بتشلخ نص الجمهور زعلان :d

المستوى صراحه كان حلو. والهدف الاخير ماشوف فيه خطا دفاعي مننا
كويس ان نادي اولسان حضر لنا هالمبارات
كوده يتخدر =))
الدوري مستحيل تجيبه بس اضمن مقعدك باسيا

بالنسبه لدوري والله مايفرق معي لو ياخذه اضعف فريق

الاهم اسيا ... والتركيز عليها وبس

موضوع رائع **
وبعض الجماهير عاطفية إذا حضر الفوز كأن مافيه أخطاء ويمدحزن في اللعيبة
أما الخسارة فهم ينقلبون وسب ..

موضوع جميل ....

اتمنى من الجمهور يدعم الفريق ويترك التجريح
مستوى الفريق ما كان سيئ ابد

اتمنى هالمباراة تكون درس لتدارك الاخطاء في المباريات الاهم

يعطيك العافية على الموضوع الجميل

بالتوفيق للزعيم امام النصر

وهذا سبب بتدهور مستوى بعض الاعبين :)

المفروض يكون فيه تحفيز حتى لو اخطأ الاعب ولقى هالشي من الجمهور راح يكون متحمس لتعديل الخطأ

فعلا المستوى كان ممتاز ... ومع الوقت يتخطى الاعبين الاخطاء

صدقني راح نشوف مستويات قمه


:)

الله يعافيك يالغلا ,,,,,,,,,,,,,

الدعم ثم الدعم ثم الدعم ثم الدعم ثم الدعم
موضوع جميييل

نعم الزعيم يحتاج الى الدعم اكثر من شي اخر