|
سؤال واللي يجاوب عليه 100 ريال بطاقة شحن فوراً عملت قصة قصيرة مع زملائي لأكتشف مقدار الضرر الذي يلحق بلاعبين الهلال من بعض المندسين وبعض الجماهير الهلاليه المراهقه واللتي مع الخيل يا شقراء في منتدى الزعيم فقلت لهم التالي : أنا على أحد منتديات الأندية السعودية والسؤال هو لأي نادي يتبع هذا المنتدي واللي يجاوب على السؤال بطاقة شحن أبو 100 . ثم بدأت أقرأ لهم بعض الأطروحات هنا في المنتدى والتي فيها سب وشتم ولعن للاعبين هلاليين وطلبت منهم إجابة واحدة فقط وجعلت لهم خيارات : منتدى النصر ـــــ الإتحاد ـــــ الأهلي ـــ الشباب ـــــ الهلال ولأن الجائزة مجزية فعلى الفور إستبعدوا منتدى الشباب والهلال لأن من غير المعقول أن يكون هذا السب في منتدى الهلال إستحاله بالنسبه لوجهة نظرهم وكذلك الشباب المهم وبعد جدال وأخذ ورد بعضهم إختار منتدى الأهلي وآخرون منتدى الإتحاد ومعظمهم إختار منتدى النصر ولحسن حظي لم يحصل أي منهم على الجائزه لأن ولا واحد منهم جال بخاطره أن يكون كل هذا السب في لاعبي الهلال بمنتدى الهلال . حتى أن أحدهم نصراوي قال الله يجزاهم خير حملوا عنا هم تطفيش لاعبي الهلال وبكذا نضمن يخرجوا بدري من الآسيوية وقال لي بالحرف الواحد والله ياهذا الخبر أفضل عندي من جائزتك تابع خويي النصراوي بقوله ووالله ياالهلاليين ما عاد تقوم لكم قائمه وأنتم بهذا الأسلوب مع لاعبيكم فهو نفس أسلوبنا نحن النصراويه مع لاعبين لذلك إنسوا البطولات . هذا هو حال منتدانا للأسف والحجة عندهم نريد ننتقد ومن حقنا ننتقد يا عالم إعرفوا معنى الإنتقاد أولاً ثم بعد ذلك إنتقدوا إعرفوا الإستحقاقات التي سيقدم عليها ناديكم وأهميتها ثم بعد ذلك إختاروا الوقت المناسب للإنتقاد الله يهديكم بس ويوفق الهلال في القادم من البطولات . |
أنا أتفق معاك 100% .. قبل شوي قريت موضوع ينتقدوا مباراتنا مع الفتح الودية ويقولوا هل السبب هو إمتصاص غضب الجمهور ..! رغم أن المباراة كانت محددة سلفاً قبل مباراة الفتح في الدوري .. المشكلة البعض يعتقد أنه لو أنتقد اللاعب على أي خطأ أو أي هفوة يعتقد أنه يفيد الفريق بالعكس الضرر أكثر من النفع .. (مثل التدقيق على ماجد المرشدي في كل كبيرة وصغيرة ) المفروض نوقف مع اللاعبين ونساندهم في الملعب وخارج الملعب .. تحياتي .. |
10على 10 موضوعك يعطيك العافيه والله يوفق الزعيم |
هذا منتدى الهلال حول البطااااااقه بسرعه ههههههههههه |
|
على حسب لو لقيت مواضيع الصفحة الرئيسية تنتقد الشلهوب أو عبدالعزيز الدوسري ولا ياسر القحطاني يعني لو حصلت الأنتقاد موجهه إلى لاعبين يقدمون مستويات جيدة فأكيد أكيد أكيد أنت مو منتدى الزعيم أما لو حصلت الأنتقاد موجه للاعبين سيئين لهم أكثر من سنتين ماطوروا أنفسم والأخطاء نفسها تتكرر ومافادوا الفريق أكيد أنت بمنتدى الزعيم أما لو حصلت مدح وثناء وتطبيل للاعب السيئ اللي له أكثر من سنتين وحفرة لدحديرة أنت أكيد بمنتدى الجار لأنهم يتمنوا لنا بقاء السيئ ويحلونه بعيوننا |
يعطيك العافيه على الموضوع خلهم بامانهيم ومكرهم وخلنا بزعيمنا لندعمه ونحضرررر ونحفزه |
<<<<<<<<<<<أنا أتفق معاك 100% .>>>>>>>>>. |
المفروض من كل واحد يحب الهلال بصدق يقف معه في كل الاحوال سوا فاز او خسر مو يحبه وقت الفوز والبطولات ووقت الهزيمه يتخلاء عنه ويهاجمه انا راح اقف مع الهلال سوا فاز او خسر لاني اعشق الهلال بصدق ومستحيل هزيمه راح تهز حبي له مشكور اخوي يعطيك العافيه |
اقول استريح يالحبيب الجمهور نقد المرشدى وركز على المرشدي تبى نطبل للاعب فاشل ونكبة لاوالله والف والله واقول لجماهير الاعب ماجد المرشدي انا كان عندة جماهير واغلب جماهيرة هم عيال ديرتة اقولهم جمهور الهلال بالاجماع مايبي المرشدي لاعب اخذ فرصتة وبزيادة نبي لاعب يشيل الدفاع مو لاعب ينكب الدفاع |
موضوع جميل يترك القارئ يفكر الف مرة قبل انتقاد أي لاعب هلالي لمجرد الانتقاد دون النظر للفائدة منه وبالنسبة للاعبين أقول الكرة في ملعبكم الآن |
كلامك جميل جدا وأنا أتفق معك 100% وأحييك على موضوعك وطرحك الراقي |
ككل عام وانت بخير احب اشكرك اخوي على الموضوع الاكثر من رائع تسلم يمينك كفيت ووفيت باقي بس اللي يفهموون ويفكرون ان فية مندسين يتمنون اللحظه هاذي منذ سنوات ببالتوفيق للملكي |
مهمـأإأ كتبتـوأ مواضيع وسب عن المرشدي والعتيبي >والله الضررِ عليكم قبلَ الفريق ؟؟ >ولا يفيد الا بالعكس يزيد ضرر >شوفوأ صورةة المرشدي بتمارين الامس؟؟ كيف شايل هموم الدنيا منكم ؟ >والله الذي لا اله الا هو اني اول من ينتقده انا بس ماسبيته ولا قلت الكلام الي قلتوه عنه> اقسم بالله يوم شفت صورته يهوجس رحمته >ماقول الا كان الله في عون الاعبين الي هذا جمهورهم .. |
:rose: إقتباس:
أخوي انت تشجع الهلال ؟ مالضاهر انك هلالي> ياخي المرشدي يمر بمستوى مو مرضي للجمهور وانشاء الله يتحسن مستوآه >كذالك ياسر يمر بمستوى لايرضي الجمهور ولاكن الجمهور بدعهم راح يعود ياسر والمرشدي ؟؟! >بدال ماتقول (نكبه ونطبله ويشجعونه عيال ديرته ومدري ايش) ياخي اكتب بدال الكلام هذا الي مايرضينآ ولا يرضي الجماهير (اكتب انشاء الله يرجع المرشدي الاول وانشاء الله يتوفق وبدعم الجمهور انشاء الله يرجع ماجد) ^ الكلام الي تقوله مو من صالحك ولا من صالح اي مشجع هلالي وياليت ترتقي ب اسلوبك فديتك :rose: >تحيآتيَ s13s |
| الوقت المعتمد في المنتدى بتوقيت جرينتش +3.
الوقت الان » 08:08 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd