![](images/misc/quotes/quot-top-left.gif) | إقتباس | ![](images/misc/quotes/quot-top-right.gif) | | | ![](images/misc/quotes/quot-by-left.gif) |
الرسالة الأصلية كتبت بواسطة أهلل شي | ![](images/misc/quotes/quot-by-right.gif) | | | | | | |
حسب كلامك وتقييمك أصير أنا نصراوي ..!
الامير عبدالرحمن ماقدم شي غير أول موسم ومن بعدة كل شوي مدرب واللاعبين الأجانب كل موسم يتغيرون صرنا نمشي اللاعب ونرجع نتعاقد معاه مرة ثانية ولهامسون
جريتس راح وباقيله موسم مع الهلال بس لأجل الصحوبيه حتى الشرط الجزائي ماخذوة منة
نيفيز راح وكان باقيله موسمين ليش تخلية على هواة أنت بينك وبينة عقد وش الفايدة منها دام جريتس ونيفيز راحوا
صحيح أستفدنا من المبلغ اللي حصلناه من ورا نيفيز بعد شق الأنفس بس فنيا وهو المطلوب ماستفدنا عوضونا بإيمانا اللي عمرة اكثر من 34 سنة ،!
والموسمين اللي فاتوا أختياراتهم للأجانب سيئه بأستثناء هالموسم ماراح نحكم الحين
وفيه أندية أخرى يجيبوا لاعبين من دول الخليج مو من أوروبا وينجحون أفضل من نجاح الأوربيين
وعلى مستوى اللاعبين المحليين عن نفسي أشوف ان اللي قدمه سمو الأمير عبدالرحمن صفر وعاليسار قياسا بنادي كالهلال
ولو أنهم حريصين على الفريق على الأقل كان شافولنا حل للمرشدي اللي ماوراة إلى النكبات أخطاء وكروت وبلنتيات وفاولات من كور ميته ونرفزه
ولما تعاقدوا مع وجيه جديدة فلاتة أعاروة والمسلم عالدكة وشكله بيصير فيه مثل غلطة الأدارة بعقد يحيى كعبي سنتين ومالعبوة إلى 16 دقيقة وباعوا عقدة
وأشكر سمو الأمير محمد بن فيصل وأتمنى لو يتبرعلنا بنجم مثل لما تبرعلنا بالنجم أسامة هوساوي
وأشكر سمو الأمير عبدالرحمن على أول موسم ونص
مفروض سمو الأمير عبدالرحمن يحمد الله على تواجد سمو الأمير بندر بن محمد بالفئات السنية
لولا الله ثم تواجد الأمير بندر كان الامير عبدالرحمن من زمان تنازل عن الرئاسة
نجوم الفئات السنية عبد العزيز الدوسري و احمد الفريدي ونواف العابد و سلمان الفرج وسالم الدوسري وخالد شراحيلي وفهد الجهني وحسام االحارثي محمد القرني وشافي اللي زعلانين علية
تخيل الهلال من دون فئات سنية ناجحة وش كان حالنا خاصه مع تواجد الأمير عبدالرحمن يبغى يحقق كل شي ومن دون يدفع أي شي
ختمة .. أتمنى يعطون الفرصة لمحمد القرني في محور الدفاع الغنام ثقيل ما يخدم الفريق
آخر ثلاثة مباريات قدم مستوى لكن قبلها سنين يلعب مباراة ويجيب الطامة وبعدها شهرين عضلة خلفيه والمصيبه انه حارم الشاب محمد القرني من الفرصة | | ![](images/misc/quotes/quot-bot-left.gif) | | ![](images/misc/quotes/quot-bot-right.gif) | |
هذه بعض ردودك على كثير من المواضيع : الموضوع الاول (سؤالي لمن حاشر نفسه دائما بمهاجمة بعض اللاعبين )
طبعا هذا ردك (أما أنه اللاعبين الأجانب بنفس مستوى المحلي أو أن المحلي أفضل ترى شرهه ومنقوص مننا
لأنه لاعبينا المحليين الجيد فيهم حدة دول الخليج
واشوف انه اذا اللاعب الأجنبي مستواه من مستوى المحلي أو أفضل بشيئ بسيط فلاداعي منه
المفروض الفريق ما يجيب أجانب إلى لاعبين عليهم الكلام مو بس ناحية الشهره
الأهم من الشهرة الأرقام والأحصائيات وودراستها من جميع النواحي حتى الأجتماعية
للأسف إدارتنا بقيادة سمو الأمير عبدالرحمن أعتبرها فاشلة جدا بأستثناء أول موسم حق رادوي ونيفز وولي و لي يونج بيو الظهير
أول موسم قدموا الكثير ويشكرون لكن من بعدة وحنا صايرين فريق المؤقت يمر علينا بالموسم مدربين واكثر
لاعبين أجانب خيارات إلى حد ما غير موفقة لدرجة صرنا نمشي اللاعب ونرجع نتعاقد معاه ثاني مرة وهذا تخبببط
وهذي مشكلتنا الأختيارات من إدارتنا وقراراتها
دول الخليج فيها لاعبين أطنخ من اللي جابوهم أدارتنا أمثال بدر المطوع و عماد الحوسني
ومين إيمانا عشان يجيبه الهلال من أول مباراة كرت أحمر وعمرة أكثر من 34 سنه جاي يعتزل عندي
وبالنسبة للاعبين المحليين فالأدارة مقصرة جدا جدا ولا مين يصدق أن المرشدي رغم مستواه الزفت إلا أنه مكانه ممسوك
الهلال فيه كذا لاعب يبغالهم تنسيق أول كانوا يجملوا لأن الفرق الثانية كانت نايمة + كانت محاورنا تستر عيوبهم
بالنسبه للمحور صحيح أن المحور الموجود مايرتقي لمستوى خالد عزيز لأسباب أهمها أن البديل عبداللطيف الغنام
الغنام مع احترامي لمجهوداته إلى أنه ماخدم الهلال صحيح آخر أربعة مباريات قدم مستوى جيد لكن وينه قبل أذا لعب أخطاء ولا إصابة بالعضلة الخلفية
ياليت يبدأو يعتمدوا على محمد القرني لو أعطوة الفرصة والثقة سيقدم الكثير والكثير للهلال ماشاء الله علية لاعب متمكن
وعندنا لاعب آخر شفناه أول الموسم اللي فات وهو حسام الحارثي على ما أعتقد ولعبوة قدام الأتحاد بجدة وقدم مستوى رائع ماشاء الله
ومشكلتنا مع جلب اللاعبين المحليين واضحة جدا
وما أقول إلى الله لايحرمنا منك يا سمو الأمير بندر بن محمد مبدع في عملة كل سنه يقدم للهلال وجماهيرة نجمين او ثلاثه من الفئات السنية
الفترة الأخيرة سموة دعم الفريق الأول ب عبدالعزيز الدوسري و خالد شراحيلي و نواف العابد و سلمان الفرج و سالم الدوسري
وفهد الجهني و سلطان البيشي والفريدي و شافي الدوسري اللي إدارتنا دفنته! !
تخيلوا لو الفئات السنية مو جالسه تدعم الفريق الأول وش كان حالنا
وأدعوا من الله أن يحنن قلب سمو الأمير محمد بن فيصل ويتبرعلنا بلاعب نجم مثل تبرعه لنا بالنجم أسامه هوساوي
لأن إدارتنا هاذي ماحولها محليين ولما جابوا فلاته أعاروة قبل يجربوة وحطوا المسلم أحتياط وتركولنا المرشدي خربوها وجلسوا على تلها
ماراح يتعدل حال فريقنا حتى يعطوا الشباب أماكن الديناصورات المعمرة بالفريق كالمرشدي والغنام والعتيبي)
ما شاء الله عليك شاب على الهلال شب ( تمدح في بدر المطوع وعماد الحوسني وخالد عزيز ودي اصدقك خالد عزيز دور غيره يا رجل وشاب على لاعبينا ونفس الكلام تعيده بس تغير فيه حاجات بسيطه) .... الموضوع الثاني
ماجد المرشدي والجمهور الهلالي!!!فعلا أمر غريييييب )
طبعا هذا ردك على الموضوع (
تقف مع مين ...!!
الوقوف ودعم اللاعبين الكل يعرفه وخصوصا جماهير الزعيم تقدر النقطة هذي
لكن الوقوف إلى جانب اللاعبين فن وذوق لكن توصل لمرحلة وتصير سماجة لاتطاق
حسستني ان المرشدي ماله خطاء الى بهالمباراتين
المرشدي له تقريبا ثلاثة سنوات وهو يخطئ وليت مركزه وسط كان قلنا اللي وراة بيغطي نن وراة الباب
واخطائة متنوعة كروت وفاولات على كور ميتة ونرفزة حتى يوتر زملائة
المرشدي ايام بطولة الخليج اكثر من نص الصفحة الرئيسيه لأي منتدى هلالي مدح وثناء وشكر واستمرت إلين يئسنا
لاعب سلبياته أكثر من إيجابياته بكثير جدا جدا
والمشكلة ماسك مكان غيرة وياقلب لا تحزن)
يعني ما في امل منك شاب على المرشدي مره ثانيه عليهم .... الموضوع الثالث (انظرو ماذا فعلتم بنجووم الزعيم)
وهذا ردك على الموضوع (بالعكس اللي حصل في الهلال بالجولتين السابقة عادي ويحدث
صحيح فيه انتقاد بالمنتدى لكن اكثرة على لاعبين محددين وليس على الفريق ككل
الجولة والجولتين وحتى لو الثالثه مي نصيبنا عادي وتحدث لكن اتمنى مانفرط فيها
لكن اكثر الانتقاد بمنتدى الجمهور الهلالي هوا للاعبين بأسمائهم كالمرشدي
والناس صبرت عالمرشدي مو جولتين ولا ثلاثة بل سنتين أو ثلاثة ومن حفرة لدحديرة وياقلب لا تحزن)
برضوا هنا ناشب للمرشدي للمره الرابعه ناوي عليه ناوي ... الموضوع الرابع ( كان الله في عونك يا ( ماجد المرشدي ) !!!)
وهذا ردك (
الله وحدة العالم
كان الله في عوننا من المرشدي أو كان الله في عون المرشدي مننا)
هنا للمره الخامسه ناوي على المرشدي ... الموضوع الخامس (شوف الفرق بين المسلم والمرشدي )
وهذا ردك (
اللي فوق
تصحيح للمعلومة عشان لانزعل مننا الكابتن ماجد ما نتجنا عالتاريخ المرصع بالذهب
المرشدي تسبب ببلنتيين في مباراة الرائد وبكل بلنتي كرت وانطرد
وحسبي الله ونعم الوكيل اتمنى لو يتبرعلنا سمو الامير محمد بن فيصل بلاعب نجم كما أهدانا النجم اسامه هوساوي هالادارة الموجودة ما تحس)
وهذا رد اخر في نفس الموضوع (
تعبنا من المرشدي لكن مادري بناء على وجهة نظر مين مجلسينة ...!!
نفسي أعرف وش المواهب اللي يشوفونها بالمرشدي أمرهم غريب وطول ومطول
المرشدي له سنتين وأزود لا مستوى يتطور والنكبات كل مالها تزيد كروت وبلنتيات وفاولات على كور ميته ونرفزه على أدنى سبب
والأدارة كل مالها تزيد في الثقة يا اخوان هالثقه اذا مو فلاعب قد اسم الهلال اتمنى يعطوا الثقة لاي لاعب من الفئات السنية
نهاية الموسم اللي فات استبشرت خير لما وقعوا عقد مع فلاتة حق الأنصار وبعدها بشوي وقعوا مع المسلم
قلت الحمدلله فرجت لكن مع بداية الموسم أعاروا فلاته ...!! وخلوا المرشدي! !!!!
وبديت المباريات ولازال الديناصور المعمر المرشدي أساسي والمسلم أحتياط ونفسي اعرف السبب
لو الأندية عندنا كانت مخصخصة كان قلت المرشدي مالك النادي)
ناوي على المرشدي نية .... الموضوع السادس (ماقلنا لك طبل بس بطل )
وهذا ردك (
ياليت سمو الامير عبدالرحمن والمرشدي ونامي والعتيبي وخيرات والغنام
عن نفسي ياليت لو يتركوا الفريق بحاله وصبر مو موسم ولا اثنين وللصبر آخر)
اما هذا الرد جبت الطامه ههههه ... الموضوع السابع (سالم الدوسري .العتيبي . المرشدي .العابد .الزوري انتم نجوم الهلال )
هذا ردك على الموضوع (اقول الضرب بالميت حرام
لو لي قرار
المرشدي خيرات نامي البيشي سعد الحارثي الزوري الغنام .. ولا يوم واحد يجلسون بالهلال)
ياخي اتق الله في نفسك ... الموضوع الثامن ( جدار الهلال القصير .. واسطات اللاعبين .. آلى متى ؟ )
وهذا ردك (
عزيزي اللي اخرج رادوي وياسر وغيرهم جدار ادارتنا القصير مو نادينا ....!!
ولاتنسى جريتس اللي تنازلوا عنه بحكم الصحوبيه اللي بينه وبين الريس
ياسر مفروض مايطلع من الهلال حتى لو برغبته هذا محمد نور قدامنا له موسمي وهو يطالب بالخروج من الأتحاد ولو اعارة
لكن شوف الفرق بين تعامل ادارته معاه وبين ياسر
للأسف ادارة فريقنا فقيرة مادييييا وخاصه على اللاعبين المحليين المرشدي ونامي وخيرات والغنام لو في الرائد نسقهم وحنا للحين متمسكين فيهم ...!
كنت اتمنى لو تنازلوا عن هرماش وجابوا صانع لعب على مستوى لأن الهجوم مامنه فايدة من دون صناع لعب وحنا مع هجر الشهراني صانع لعب ..؟؟
هرماش اذا كل شوي بخانه اسمحلي مو منه هذي حميرة مدرب
واللي يقول الادارة سوت اللي عليها لامعليش بدري عليهم يكونوا ادوا الواجب
وش عاد يبغوا اكثر من انه حسن معاذ يمسك سامي على جنب ويقوله ابغى الهلال وبالاخير مامعانا الى كابتن نامي وكابتن بيشي
الحكم على التعاقدات الاجنبيه من الان ظلم لكن توقعي واتمنى انه مايصيب
المدرب سيئ ومانجان سيئ جدا وهرماش جيد لكن مايخدم الفريق لان الهلال بحاجة صانع لعب
وايش فايدة اثنين رؤوس حربة ومافيه صانع لعب عليه الكلام مثل التايب وكوماتشوا
وعن نفسي اشوف ان تمديد فترة رئاسة الامير عبدالرحمن بن مساعد غلطة
كنت اتمنى الامير بندر بن محمد او الامير محمد بن فيصل او يعطوا المجال لاي ريس)
تمديد فترة رئاسة الامير عبدالرحمن غلطه اتق الله يا مسلم ... الموضوع التاسع (لكل مجتهد نصيب)
وهذا ردك (
الدعوى مي بالحضور والمساندة بالملعب ولا كان شفنا النصر محقق اليورو البطولة الأوروبيه
البلا مو من الجمهور وشحن الهمم وش فايدة شحن الهمم وامثال المرشدي ونامي والغنام موجودين
وتتكلم عن اللاعبين المحليين وكأن الأدارة أدت اللي عليها
عزيزي الى باب اللاعبين المحليين ياليت تتجنب النقاش فيه لأن فريقنا يضم المرشدي وخيرات ونامي والبيشي والغنام
ولما نجيب محليين للأسف إحباط والفرق بيني وبينك انك تقارن الهلال بالتعاون او نجران
اما انا اقارن فريقنا بالأهلي والنصر وغيرهم اللي قدروا يجيبوا كامل الموسى والمر والجاسم ولا عبدالرحمن القحطاني والسهلاوي
وحنا للحين نجيب لاعبين ولا نلعبهم مثل فلاته اللي تعاقدوا معاه الموسم اللي فات والحين اعاروة مادري باعوا عقدة
مثل يحيى الكعبي قبل موسمين جلس سنتين بالهلال ومالعبوة الى مرة وحدة
والحين الشهراني صحيح انه مستواة ماشاء الله تبارك الله بس للأسف عقدة مببالغ فيه وإعارة
كنا نضحك على الأتحاد وعقدهم مع راشد الرهيب المبالغ فيه والحين ندفع اكثر منهم
وبالأخير المدرب يلعبة صانع لعب وياقلب لا تحزن)
يا ابن الحلال والله تعبت حتى هنا ووقفت وما خفي اعظم حاولت ادور لك رد فيه مدح للزعيم او اللاعبين او اي شيء معجبك في الزعيم بس والله ما لقيت شيء حتى ومواضيع مالها دخل في الانتقاد لازم تتكلم على الرئيس واللاعبين ...
الحين ويش رايك والله بعد ردودك هذه وكتاباتك اشك انك هلالي ... يعني ما في شيء عاجبك في الهلال ...