بسم الله الرحمن الرحيم
السلام عليكم ورحمة الله وبركاتة:

رسالة إلى جمهور الملكي جمهور زعيم نصف الكرة الأرضية وخاصة بعد الخسارة من الفتح طيب خسرنا من الفتح انتهى ولاؤنا للهلال سيبقى الهلال المتزعم شاء من شاء وأبى من أبى خسرت اندية كبيرة خسائر ع التوالي وارجعت أحسن من قبل فالناجح هو من يخطئ ويتعلم من خطاه رب ضارة نافعه بس اللي ذبحني انكم مستصغرين الفتح يعني لو خسرنا من غير الفتح بيكون الوضع عادي لاوالله بعض الأعضاء ينزل موضوع في حزة غضب لكنه لايعلم هالموضوع وش راح يفسد والله أشياء ماتتوقعونها من لاعبين انفسهم يقرونها وتقل معنوياتهم من جمهور يقراها يبدأ يزيد الطين بله ويسب فلان ويشتم فلان والمدرب ماعنده سالفه والأجانب فاشلين ... ياأخوان مايصير كذا والله عيب يعني المنتدى حرام على اللاعبين يشوفونه انتبهوا من بعض المشاركات الله يجزاكم خير لمصلحة الفريق حط نفسك انت وهو تدخل المنتدى تلقى سب وشتم فيك وش راح يكون انطباعك راح تشيل في خاطرك وراح يقل عطاءك في أي مجال تكون فيه وللتذكير الفتح انا اكثر المعجبين فيه تعجبني أنضباطية ولياقة لاعبيه ماعندهم أجانب على مستوى الهلال والنصر والأتحاد والشباب والأهلي سوى البرازيلي ألتون ولكن الفريق يعجبني حماسه نعم هو من أخرج الأهلي من كأس ولي العهد وهو من فاز مرارا وتكرارا على نادي الشباب وهو من قلب النتيجة على النصر بين أرضه وجماهيره في الرياض ولاننسى الظلم الذي تعرض له من حكم المباراة في إياب نصف نهائي خادم الحرمين والهدفان الملغيين من حكم المباراة وألا تأهل للنهائي وربما لو تأهل للنهائي أخذ الكأس بحماس لاعبيه ومدربهم الداهيه .... كل اللي أبيه منكم تكونون مع الملكي بالحلوه والمره ولاتنسون اننا مقبلين ع الأسيوية وماراح ينفع الهلال بعد الله الا انتم المدرب بيضع التشكيلة ولكن من راح يحمس اللاعبين سواكم وش الفايدة المدرب يضع التكتيك وانتم من يفشله كيف تبون اللاعب يطبق ماطلبه المدرب منه وانتم من يحاربه فاللاعبين يلعبون لرضاكم ماذا لو وجدوا عكس مايتمنونه منكم بالتأكيد راح يقل عطأه كل اللي أبيه هو ربع تعاونوا ماذلوا من الأن نبدأ بتعديل المواضيع السابقة بما يرسم الفرح على شفاهم
والسلام عليكم ورحمة الله وبركاتة