|
## (( بــريــالــيــن خـــــبــــز ))## ^^^ خرج الجمعان،،فتنفس الجميع الصعداء،،تخيلوا الجماهير تنفست الصعداء،،واللاعبون تنفسوا الصعداء،،يارجال حتى الحياة باكملها تنفست الصعداء،،والاهم هنا المطيري ـ ابو حنتوش ـ تنفس الصعداء حتى كاد ان يغمى عليه،،فالجمعان ـ والله يهديه ـ يسدد وفي كل الإتجاهات دون فايدة تذكر،،،،اعود للمطيري الذي امسك بالكره،، وتراجع،،وتراجع،،ليسددها ارضيه زاحفه،،ليتصدى لها ابن النجف،، لتجد(الرجل)الذي نتمنى الا يكبر ليعيدها من جديد للشباك ليركض فرحا،،وترتفع الاهازيج،،،ارتفعت اشياء كثيره في ذلك المساء،،واهم مارتفع ...صوت الحـــق....الذي انصف الازرق........؟؟؟ ^^^ اجمل مافي هدف الشلهوب،،فرحة الاطفال،،يتصرفون بطريقه عفويه،،فالذي كان بجانبي ـ طفل صغير ـ طوال المباراة وهو ينتظر شيئا ما،،،ينتظر،،وينتظر،،ولم يحرك ساكنا،،وبيديه(ريالين)لم يطلق سراحهما،،ومازال ينتظر،،والوالده اسمعها تكلم الصغير،،والصغير مازال ينتظر،،تغيب الوالده وتعود وتحدث الصغير،،والصغير لايرد بل يكتفي بهز راسه،،وما ان سجل الشلهوب هدف الفرح،،إلا والصغير الذي كان بجانبي لم يعد صغيرا،،قفز كالمجنون،،وصفق بشكل هستيري،،وانطلق صوب الشارع وهو يردد،،، بروح اجيب خبز،،بروح اجيب خبز،،وياسبحان الله حتى الصغار يدركون جيدا ان سجل الهلال فلابد للفرح ان يبقى هلاليا،،،،،،،، والمشكله تكمن ان الوالده ـ وقبل المباراه ـ اعطت الصغيرريالين ولم ياتي الخبز إلا بعد الهدف،،ولكم ان تتخيلوا،،خبز ساخن،،، وهدف ساخن،،يارجال حتى مشاعرنا ولعت حريقه،،وهذه الحقيقه....؟؟ ^^^ مايغيضني ان القادسيه تزحف وببطء يشبه الموت نحو المربع،،ومن تكون القادسيه،،ومتى خرجت علينا،،ومن علمها ان تزاحم الكبار،،ومن اقنعها ان هذا الطريق طريقها،،ومن الذي ضحك عليها وقال لها انه بإمكانك ان تفعلي مافعله الإتفاق بكاس الإتحاد،،اعيدوها الى رشدها قبل ان تبلغ عليكم الشرطه......؟؟ ^^^ اتصور ان(س)لايقل بشئ عن(ص)،،فالرغيف اليابس لاياكله إلا الفقراء،،بيد ان جغرافية مايسمى بمحور اللاارتكازيه،،طبعا هذا الكلام لايقوله إلا الموسوس،،وحاول ياصاحبي ان تصل للقراء باسهل الجمل وابسط العبارات،،،وش دخل(س)،،وبعدين منهو(ص)........؟؟ ^^^ تقدر تقول(حلوي جهوي حقوي)خمس مرات متتاليه بدون ماتذكر احمد بالخير او صلاح ابو شاهين،،حاول وجرب حظك،،ترى الجائزه ماتطرئ على بالك،،،،،،؟؟؟ ^^^ اتمنى ـ ولايزعل مني الهلال ـ اقول اتمنى واحد من الشباب ياخذ الكاس ويحطه على عتبة نادي النصر،،يارجال وقبل ماتركب سيارتك تلقاه إختفى،،يارجال واحلف يمين انهم ماراح يكملون الدوري،،ويتعذرون بـ اى شئ،،،يارجال لاتستبعد يقولون ان خطيبة اداما سيسي ماتـــــت.........؟؟؟؟؟ ^^^ طردوا موسيقارهم شر(طرده)،،حتى محيسن يوم اعتزل اعطوه سياره من غير(تنده)،،يارجال حتى ماجد ماصار احد(عنده)،،والحارثي وقفوه عند(حده)،،وياعيني باماطر كل ما جا يبني جا هذاك(وهده)،،تخيلوا منحوا ماجد الدوسري شارة الكابتنيه وهو اللي ماخط شاربه وتوه ناعم(خـــــده).......؟؟؟ ^^^ بياعين كلام...وعايشين على كثر الاوهام...وماسلموا منهم الحكام...يارجال حتى هلالنا لو يخطوخطوه للامام...ينجن هذاك ولاينام....؟؟؟؟؟؟ ^^^ اكره شئ انك تشوف إبتسامه(صفراء)،،او انك تضيع وسط صحراء فاقعة(الصفار)،،او انك تفقد صوابك وعلى طول للسرايا(الصفراء)،،والكل يخاف لو ولده اصيب(بالإصفرار)،،يارجال حتى اشارة المرور(الصفراء)مالها اى إعتبار،،لاشك ان اللون الاصفر لون كيئب،،لاحياة تنبض فيه،،،،ومن يلومني لو ما ادانيه.....؟؟ ^^^ وجينا للازرق ـ ولاعليكم امر خلوكم واقفين ـ السماء(زرقاء)،،وانت لاتكتب إلا باللون(الازرق)،،البحار والمحيطات(زرقاء)،،حتى اليمامه لم تشتهر لحدة بصرها بل لانها(زرقاء)،،يارجال إنت تنام مرتاح اللون(الازرق)يجوب المنطقه لحمايتك،،وصدقلااللي قال لايبعد الارق،،،إلا،،،،(الازرق)،،وترى مانسيتكم،،الحين تقدرون تجلسون؟؟؟ ^^^ اتوقع لو انهم عملوا اجتماع مع اللاعبين،،وطبعا اللاعبين مستغربين من هالاجتماع المفاجئ،،وكل اجتماعهم يدور حول كلمتين إسمعوا ماذا يقولون لهم: اقسم قسم ياويله اللي يقول انه شاف كاس ولي العهد عندنا،،،طبعا هذا الكلام مرتبط بعتبة ناديهم يوم ذاك حطه عند باب ناديهم،،وقبل لايركب السياره،،،عاد انتم عارفين السالفه،،وطبعا الهلال علشان يحبك السالفه يسوي له إعلان بالجريده انه فقد الكاس،،،،ومسكينه بعض الناس.......؟؟؟؟ ^^^ مدري ياليت تساعدوني،،،فيه كتاب ادفع ثلثين عمري بس القاه،،يقولون انه كتاب شعري بحت،،كتب مقدمته الجواهري،،عاد الجواهري مات يعني لازم نصدقهم،،،ماعلينا المهم الكتاب ضيعت اسمه مدري اسمه(همسه سحريه) او يمكن(سحر الهمسات) اوربما يكون(همسات السحر)،،،احد الخبثاء يقول معقوله اثر فيه(السحر)الى هالدرجه،،،وواحد خبيث حيل قال ماهو الشبه بين همسات السحر......والسحر....وقبل لايجاوب خبيث ثالث...إلا واعي البيت يصرخ وبصوت عالي قايلا:........ ** بايللا ياشباب العشاء لايبرد...وطبعا لافيه عشاء ولاهم .... ******* يحــــــزنــــونــــــون******* |
الكاتب الرياضي منصور حماد الشمري مسيك بلخير مقدر اضيف شي على موضوعك او ارد عليه لني ما قدرت اكمله مثل كثير من مواضيعك بس عندي سوال فا اذا امكن ترد علي وهو من انت و الشهاده الحاصل عليها ؟ واسم الصحيفه او المجله الي تكتب لها ؟ وهل لك عمود خاص ؟ ودمتم |
*** تصدق ياارضي وياشوكي،،،،انك شككتني باشيئاء كثيره،،اهمها نفسي،،،يارجال لعبت بحسبتي...لين طاحت سبحتي....؟؟؟ |
هلا والله بابو راكان.. اعذرن ماني معلق على الموضوع والا انا معطيك رأيي به تدري ليش لأن الموضوع رائع من جميع النواحي والشي الرائع لا يحتاج تعليق مني يكفي ان الكاتب منصور حماد هو اللي كاتبه رائع دائما يبوراكان تقبل اجمل تحياتي بس تطول بالغيبه ننتظر جديدك يالغالي سنعوسي حايل |
*** تصدق يالسنعوسي كنت منتظر ردك،،،انت الوحيد اللي يخليني انام بعدالفجر وانا مرتاح..... ؟؟؟ |
اقول ابو راكان... شوفني مريت من هنا على موال (ياقلب لاتبكي لو الناس خلوك) وما قريت الموضوع بخليه قبل النوم ياخي ودي لو يوم انام وانا اضحك. مع الف سلامه,,, |
منصور حماد الشمري...كاتب ..يكتب بأسلوب الكبار من الكتاب الساخرين ..أمثال الكاتب الكبير (برنارد شو) ... يخفي المعنى الحقيقي لكتابته بين السطور ..لايفهما إلا من يجيد أسلوبه..تحياتي |
هلا منصور مشكور على الاشاده وصدقني يابو راكان اول مادخل المنتدى ابحث عن اسمك على طول واذا مالقيت لك اي موضوع اقراء الصحف واطلع مباشره لا اعتقد ان هناك كاتب يكتب مثل اسلوبك يامنصور فأنت دائما رائع الف شكر وكل الود لك سنعوسي حايل |
أخوي منصور : رائع 00 رائع 00 موضوع بأسلوب ساخر ، تهكمي ، هكذا هم الزعماء ليس في كرة القدم بل في كل المجالات 00 مع أطيب التحيات 0 |
الاخ العزيز منصور حماد الشمري لايزال الابداع يتدفق من بين يديك رغم طول السنين التي اجبرتني على الانقطاع . منذ عام 1412هـ تقريبا كنت كنت أشتري جريدة الرياضية يوميا وأفتح على صفحة أصدقاء الحرف أنذاك لاقوم بالبحث عن أسم منصور حماد الشمري (الثقبة) ان لم تخني الذاكرة. المهم في هذا أنك لازلت زعيما كما عهدتك ولتستمر في العطاء لموجنا الازرق وسماءنا الزرقاء . |
السلام عليكم من الناادر ان تجد كاتب ( يجيد ) الكتابة التراجيدية أو ( الكوميديا السوداء ) :eek: :eek: <<<< اخلص علينا :D :D يا جبران بالفعل انا قرأت المقال وكأنة طعام خالى من الدسم .. خفيف ... لذيذ .... تستمتع بكل ( لقمة ) ابدااااع ومجهوود جبار لكااتبنا الكبير ابو حماد تقبل تحيااتى .... وجزيل الشكر على ( المائدة اللذيذة ) باى |
يا منصور .. مقالاتك كثرت بلحيل .. ماتشوف إنك بحاجة إنك تهدي اللعب شوي .. تدري ليش .. ؟؟ بعدين أرسلك رسالة خاصة وأعلمك .. |
???? موضوع جيد تحياتي |
ذكرتني بطاري المشجع الهلالي الصغير بأخوي الصغير أنا أسميه مجنون الهلال إذا خسر الهلال في مباراة أدوره أدوره أدوره (أبحث عنه ) الولد إختفى فجأه أحصله مغفل الغرفة أسمع صوته وهو يبكي من خسارت الفريق الذي يعشقه بجنون بجنون بجنون |
إقتباس:
شكرا لك يامبدع ..:) |
| الوقت المعتمد في المنتدى بتوقيت جرينتش +3.
الوقت الان » 07:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd