نادي الهلال السعودي - شبكة الزعيم - الموقع الرسمي

السلام عليكم ورحمة الله وبركاته،،
الف الف مبروك البطولة الثامنة والثلاثين،،لأ..الاربعين،،لأ..الثانية والاربعين...
لايهم العدد فنحن نحتفل بالكؤوس وغيرنا يعدها ((ياهلال ياصقر النوادي تماديت..عديت بأمجادك وغيرك يعدد;) ))

ليلة الخميس الفائتة شهدت عودة جن الملاعب لسابق عهده..شهدت عودة الزعيم لمكانه الحقيقي..

شهدت تجديد البيعة لذلك الفريق الذي ملأت جماهيره الوفية مدرجات استاد الملك فهد...

عاد الازرق وترك البقية ينشغلون بالمؤتمرات وقذف خلق الله ((الا على طاري المؤتمرات وش اخبار مقال السديري:D ))..

(9)عاد نجوم الفريق المرعب كما عهدناهم...
فعاد سامي السابق واشعل المدرجات بكرته الرأسية...((يقولون ان خالد بدرا الى الحين يشوف هالكورة بالفيديو,,يقول وشلون ضربها من هالمسافة بهالقوة:D ))

(10)عاد الشلهوب لاشعال الجهة اليسرى وارهاق الدفاع الاهلاوي وسجل هدفا لايسجله الا الكبار..

(21)واصل كانشيليسكس رسالته التي تقول ((وينكم عني من زمان)) فادى ادوارا دفاعية هجومية كلش:D كان شعلة من النشاط ماشاء الله لااله الا الله..

(20)اثبت سيدي بدرا انه محور من الطراز الاول يقطع،،يمرر،،يصنع هجمات...بدرا وجه رسالة يقول فيها...((ناظروا المباراة بعقولكم لاتناظرونها بعواطفكم الله يرحم والديكم))..

(6)انفجر خالد عزيز ولعب بكل قتالية وفدائية دافع ودافع ودافع حتى قال بركات ((ايه اللي قابني هنا؟؟)) في الوقت الذي كان يقول فيه عزيز((اضبط عمرك يالدوخي ولاتراني موجود))..

(7)مارس الجمعان ادوارا لايعرفها الا من حضر المباراة...
فقد اقلق الدفاع الاهلاوي بكثرة تحركاته واتاحة الفرصة لباقي زملائه ((ياحبني لك يااد ديموس))

(8)سوفو...اكثر لاعب مزعج...مكانه الاطراف يفعل مايشاء هناك...يسحب المدافعين ويتيح الفرصة للمهاجمين..لايكل ولايمل من التحركات السريعة والمزعجة...هذا الاجنبي ولا بلاش...

(4)بندر المطيري...في تطور مستمر..اذا حافظ على نفسه وطوّر مستواه فسيحل مشكلة الظهير الايسر باذن الله..

(16)(5)شريدة وخليل...احس انهم لاعب واحد منقسم لنصيّن:D تفاهم وقتالية وحماس...الله لايخلينا منكم...

(1)الدعيع....مااقدر اقول الا...اشوا ان فيه شي اسمه محمد الدعيع:)

(11)نواف:sad: اضاعوك...واي نجم اضاعوا:sad:

[shdw]متفرقــــات من الاستـــاد [/shdw]

**بعد رأسية سامي...كل واحد ماحضر اكيد تحسف...عندنا جمهور موب طبيعي...

**يعجبني في جمهور الهلال انه يرد على جمهور الخصم بنفس اهازيجه بعد الهدف..((مما يبرد الحره
:D ))

**بعض الجماهير انحرجت بعد عرض الاهداف في الشاشة...وخاصة اهداف الاهلي في النثر:D ..
لو اني نصراوي احس ان مالي داعي في ذيك اللحظه..

**عبدالله بن مساعد..هنيئا لك..فانت اول من يستحق ان يُبارك له..هذا لسان حال الجماهير بعد تحية ابوعبدالرحمن لها...

**الجماهير يحبون سوفو بزود...يمكن عشان اسمه قصير وسهل على الجماهير انهم يرددونه:D <<اخبر جمهور الهلال...والله من العجز...

**الكثييييييير عتبان على نواف التمياط...للاسف من يعتب عليه لايعرف مابداخل نواف...حسبي الله على من ضيعك...

اسف على الاطالة وشكرا لسعة صدوركم ونبارك لكم في الدوري ان شاء الله..
وهذا تصميم بمناسبة البطولة..<<<<<<<<لاتدققون فيه اهم شي الاخلاق...

http://7amad7amad./abo_7amad.gif