هناك مقالة تهكمية في فوائد قيادة المراءة للسيارة ارجو ان تكون مفيدة . وصلت الي بالبريد

1/ أن ذلك يضفي على الحركة المرورية لمسات سحرية وجمال اخّاذ.

2/ كذلك سياقة المرأة للسيارة يحجم بل يمنع مشكلة تهور الشباب وقطع الاشارات
المرورية فسيحرص الشباب كل الحرص على ان لا تفوته! اشارةحمراء لعل الله ان يرزقه(( ببنت الحلال )).

4- سعـــــودة محلات البنـــــشر بنسبة 1000%100 لان الشباب كل واحـــد بيفتح له بنشر وبينتظر تبنشر سيارة وحده من البنات عشان يصلحها وهذا غير الشباب اللي بتلقاهم على الخطوط منتشرين تقل جراد كل واحد بعفريتته ومفك الكفرات .

5- بيكثر التقديم على وظايف المرور وخاصة ابو سبيته اللي يجلس عند الاشارات يعني زين اذا مالقيت المرور يشترطون شهادة الطب للى يبون وظايف عندهم من كثر الطلبات عليهم .

6- سعودة محطات البنزين يعني بدل الهنود بتلقون اللي يشتغلون فيها كلهم سعوديين بس في المقابل افلقوني لو اصحاب المحطات بيكسبون ريال واحد يعني تجي البنت تقول لاابو الشباب صب بنزين بعشره ريال طبعا ابو الشباب بيحط لى البنزين في التانكي وبيفتح فمه ويناظر بالبنت ماايدري الا هو معبي تانكي السياره لللاخر يعني FULL وطبعا يوم بيجي يحاسبها بتعطيه عشره ريال مثل ماقالت له عب وياليته ياخذ العشره ريال بعد الا يطمر ويحلف عليها ماتدفع ريال ويقول هالمره خليها علينا .

7- توفير فواتير التلفونات يعني ام صويلح اللي كانت تتصل على ام دحيم وتجلس تكلمها بالساعات بيصير التلفون مال امه داعي يعني ام صويلح بتمر ام دحيم والا بتقابلها في شارع وكلن بسيارتها وهاتك سواليف وهروج وهذا طبعا له عيوب يعني طبعا وهم يتكلمون بالخط بيقفلونه وبتصير زحمه ماهيب طبيعيه بس افلقني لو احد فتح فمه وقال لهم حركو السيارات زين ان ماباشرو عليهم ببارد والا بعشاء وهن بسياراتهن وبيقولون لهم خذوووو راحتكم على الاخر اصلا حنا ماورانا شي وين الابطال اللي الواحد ثواني يوقف سيارته مايدري الا مليون واحد يقوله حرررك من هنا والا والله 0000 بس ايييييييييييه هين هذول بنات من بيكلمهم هذا اللي في دمغتي في هالوقت بس اظن فيه كثير بعد اذا افتكرت شي جيتكم .

وعلى فكرة فائدة قيادة السيارة لا تقتصر على المراة ( الانسة) بل حتى (المدام) المتزوجة ومن ذلك.......

8- انه اذا حصلت خصومة بين الرجل وزوجته واحتد الامر وعلت الاصوات وامتدت الايادي( وصفقها وصفقته) واحمرت الاعين وتطاير الشرر منها وارغى وازبد كل منهما... عندها ستقول الزوجة لزوجها ( ودني لهلي) وسيقول الزوج( ماني مودي) وستستمر المشكلة ولكن لو كان للزوجة سيارة فستخرج رغما عن زوجها وستقول له ( اروح ورجلك فوق رقبتك) .

9- كذالك من فوئد سياقة الزوجة هو انها تساعد في احضار الاولاد من المدرسة وكذالك يمكن للمرأة ( الزوجة) ان تسهم كما اسلفت في مصروف البيت وبذالك بان تمارس مهنة( الشيّاب ) اي تحميل الركاب .. وهنا اوصي المرأة بإقتناء الهايلكس الغمارتين وإذا لزم الامر (( دينا)) لتحميل الطوب ونفل العفش والرملا والخرسانة .

والسلام عليكم ورحمة الله وبركاته .

ههههههااااااي....
موضوع والله يهبل...

اشوفك ماذكرت الا فوائد سيقة المرأة ولا ذكرت المشاكل والبلاوي اللي بتصير
اولاً خذ عندك اذا ساقت المرأة بيصير البيت خرابه وام الشباب ما هما الا تلمع الكدلك حقها .
ثانياً اذا صارت تمشي في طريق سريع بتلقاها ماشيه ( 80 ) يعني مخربتها مسرعه مهيب عاقله ( بنت سليم ) (: واذا فرمل واحد بعيد عنها خمسه كيلوا بتمسك الفرامل وتترك الطارة وسلام يعيد . ): ): ):
ثالثا : وهو الاهم اذا كانت البنيه تمشي لا لها ولا عليها اللي جنبها بالسيارة الثانيه ناسي ام الطريق وتقول يتفرج على مسلسله الحلقه الاخيره ( منهمك ) وشوي ولعت الاشارة حمرا وقفت السيارة اللي قدامه وهو ماجاب خبر شي وشوي والا هو زيادة مجانية في السيارة اللي قدامه .
رابعاً : والله ان تلقى العالم تاركه شغلها و متفرغين للمساعده ( مهوب عاقلين امن الطرق )
خامساً : لنفرض ان وحده ( بنيه ) بنشرت سيارتها في الليل في ( طريق مقطوع ) وش تسوي لو تقعد للصبح مافي امل تفك الكفر ( مالها امل ) وش تسوي يالله اعرب .
سادساً : لنفرض وحد بالغلط حدت ( شايب حار) من اللي شوفهم الله بالخير ونزل وميسرها بعصاه وخلاها لا ميته ولا حيه طبعاً الشباب مهوب ساكتين قدام هالموقف المرعب بيتجمعون على هالشايب ويبخلونه يعض الارض ( يتميدحون عند البنيه )
سابعاً وهو الاهم ما للبنت الابيت زوجها وتقضب ارضها بلا سياقه بلا هم ما بزينا الدلوخ وهو يسوقون فنبزا البنات .
تخيل بنت ( على قد حالها ) معها ددسن اربع وثمانين اسبوع عشان تغير للثاني لا وبيديها الثنين . ): ):
????
??
?
?
اثقل بس واذكر الله
اقضب قردك لايجيك اللي اقرد منه (: (: (: (:

اخوي عاشق النمر......حفظه الله يارب
عزيزي ، لا تفهمني غلط . انا قلت في اول سطر مقاله تهكميه .
وتسلم ياالغالي .