|
من قال ان ادارتنا ادارة استثمار بسم الله الرحمن الرحيم صباح الخير لكم جميعا اعذروني بس مالي في المقدمات وراح ادخل الموضوع مباشرة من فترة استلام الامير عبد الرحمن بن مساعد لرئاسة النادي والناس ماعندها سالفة الا الاستثمار في اللاعبين وبالذات الاجانب ولو فكرنا فيها شوي وحسبناها حساب خلونا نشوف وين الاستثمار الي يقولون عنه في البداية كان محترفينا ويلهامسون لي يونق نيفيز رادوي لي يونق جانا وعمره حوالي32!!! وين نستثمر فيه ويلهامسون من الادارة السابقة وظل حتى نهاية عقده نيفيز هو الوحيد الي تم استثماره وهو الي انباع بمكسب حلو للنادي والسبب عدم رغبته انه يبقى في النادي رادوي جلس معنا حتى نهاية عقده وتم تمديد العقد وبيعه بنفس قيمة مشتراه لرغبته في المغادرة ويقولون كنه لعب لنا بلاش ماكان اللاعب له رواتب ضخمة!!! بعد كذا جبنا طيب الذكر احمد علي اعارة!!! وين الاستثمار فيه؟ الموسم الماضي ايمانا عمره حوالي 30 سنة وجانا بمبلغ كبير جدا لرغبة الجمهور وكلنا نذكر الموضوع المليوني لكبير الهلاليين هنا في الشبكة وانباع بنصه وين الاستثمار هنا بعد يوسف العربي جانا بمبلغ وقدره وغلطة سراي عرض مربح 2 مليون يورو لو كانت ادارة استثمار كما يقال لبيع فوراً ولكن بقى معنا وماقدم المامول وبيع بخساره حوالي مليون يورو عادل هرماش جانا برضو بمبلغ وقدره وهو كابتن فريقة وجتنا عروض مجزية وحلوة وين الاستثمار واللاعب مستمر معنا ولافكرنا نبيعه؟ مانجانا اللاعب قرب على ال30 وجانا بعد بمبلغ وقدره فاذا ممكن احد يفهمني كيف راح يتم الاستثمار فيه؟ واللاعب الاخير ويسلي لوبيز لاعب تقريبا عمره 32 سنة وجانا بعقد غالي للاعب في عمره ولمدة سنتين فالمعذرة اعتبروني غبي وفهموني كيف يسثمر هو الثاني؟ الواضح انه من الحملة الصفراء الفقراوية على ادارة النادي زرع فكرة ان الادارة همها الاستثمار في النادي والكلام هذا غير صحيح نهائياً وجهة نظري خطاء الادارة الكبير في الاستغناء عن ويلي حتى وهو في اسواء ظروفه مشعلل الجهة اليمين انطلاقات وخطوره والان الله يخلف واعذروني على اللخبطة وعدم ترتيب الموضوع اخوكم حمد |
كلااااااااااام سليم بس من يفهم مايذبحؤؤؤنك غير المندسين وارجؤؤؤ لا يكبرؤؤ راؤسكم الزعيم يمرض ؤلا يمؤؤؤت ارحمؤؤؤ الاداره خفؤؤ ششؤي عليها ياناس ارسنال المؤسم الى راح انهزم من مانشستريؤنايتد نتيجه كبيره بااؤل الدؤري ؤش تعتقدؤن الجمهؤر ايش سؤى يصفقؤؤ له بكل احترام ؤمحبه نظره ثاقبه ؤسلام ختام |
انت ماعندك سالفه هذا رد الجمهور |
إقتباس:
الي يقول ماعندي سالفة خله يثبت العكس ويقنعني |
إقتباس:
المندسين الان في المنتدى والمدرج ايضا اكثر من الي تتخيله وياخوفي على الزعيم منهم |
الادارة لا استثمار ولا ادارة زي الناس خلهم نايمين لحد ما تروح البطولات ويبدون بتوزيع الاعذار عبر التويتر |
إقتباس:
تروح البطولات!!!!! انت وش تحس فيه صار لك 4 سنوات كل سنة اقل شي بطولة خلال فترة الادارة وتقول تروح البطولات حتى ريال مدريد وبرشلونه وتشلسي والمان يونايتد والسيتي مافيهم فريق اخذ جميع البطولات خلال الموسم الا في حالات نادرة انت تعمل وغيرك بعد يعمل ووعدي انا وياك نهاية الموسم وراح اذكرك انه لن تقل عن بطوله للزعيم والي مندس وجاي يتفلسف يروح لمنتداه ويتاكد حنا عشاق الموج الازرق ومعاه على الحلوة والمرة لاخر نفس |
كلامك صحيح ياخي حتى لو النادي قام بالاستثمار هذا شي مفيد للنادي وراح يجيب فلوس للنادي وبتكبر سمعة النادي عند العالم |
نم بالعسل وقل حمله صفراء لياما يطيح الفاس بالرأس |
إقتباس:
،، يعطيك العافيه اخوي .. |
إقتباس:
انا رديت باللي اشوفه العام تخبط اداري واضح وتعاقدات سيئة .. والسنة هذي اسوا من اللي قبلها واذا احد انتقد الادارة طلعتوا بحجة مندس وغيرها .. الاداره واللاعبين ماهم ملائكة علشان ما ننتقدهم المندس هو اللي يدس وجهه عن الحقيقة |
لا تقعدو ا تطبلو ا للادارة على الأ خطاء الجسيمه الواضحه للجميع وتقولو ا مندسين والله من يقول مندسين ما عنده سالفه الادارة تتحمل ما يحصل للزعيم وين الهلال الذي يرعب الخصوم ايام بندر بن محمد ومحمد بن فيصل ماهوب الحين كل الفرق الصغيرة نخشاها |
صحيح أن موضوع الاستثمار ضخم من قبل البعض لكن اللي يقهر التآخير بالتعاقدات الأخيرة الأدارة لم تتعاقد مع اللاعبين الابعد ان تخلصت من العربي وايمانا وحاولت تعويض مادفعت فيهم اللي ابغا اوصله ان الادارة فكرت بالبيع قبل الشراء كانت مشغله نفسها بتسويق اللاعبين اللي عندها قبل دعم الفريق لانها لو تعاقدت مع مانقان ولوبيز والعربي وايمانا موجودين راح تضطر تبيع العربي وايمانا بسعر اقل لان الاندية التي تفاوض العربي وايمانا لو رآت ان ادارة الهلال تعاقدت مع مانقان ولوبيز تكون مضطره للتخلص من العربي وايمانا وراح تضطر لبيع عقودهم بسعر اقل والدليل انها باعت عقود ايمانا والعربي وبعدها تعاقدت مع اللاعبين الجدد ونادي مثل الهلال من المفترض ان يفكر بالشراء قبل البيع ومع ذلك اعتبر الامير عبدالرحمن مكسب للهلال ووجوده بطولة لكن الصح صح والخطأ خطأ تحياتي لك ويعطيك العافية |
بالنسبة لموضوع التاخير في التعاقد فكيف تبون نتعاقد وحنا عندنا لاعبين مبتلشين فيهم تبون يكون عندنا 8 لاعبين اجانب!!!! والحقيقة تقال الدعم من اعضاء الشرف قليل للنادي وابن مساعد لو ماباع لاعبين من وين يجيب فلوس تراه دافع مبالغ ضخمة جدا عمرها مادفعت في الهلال والاخوان الي مسجلين مالهم غير سنة وسنتين ومواضيعهم كلها انتقاد للادارة اتمنى يوفرون كلامهم لانه ماراح يودي ولا يجيب |
- مشكور على طرحك ,, ونشكر الادارة على سعيها لخدمة الزعيم والبطولات لا تُحصد بالاسماء الاجنبية فقط ,, نتمنى عودة قريبة وقوية والموقف يحتاج وقفة صادقة من الجميع بداية بالادارة واعضاء الشرف واللاعبون أنفسهم ودعم جماهيري ,, ولو حضر النقد ولكن بهدوء وعقلانية فلا يلام المشجع فحرقتة على هِلالَه هي من تدفعه للانتقاد ... - ( فَرحتنا أمرار وأمرار بنبقى نحبك ياهلال لوصار ماصار ) ,, |
| الوقت المعتمد في المنتدى بتوقيت جرينتش +3.
الوقت الان » 10:34 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd