|
تعالوا اسمعوا الي سمعت وخلونا نواسي بعض....قريتها بلاخبار اليوم وعرفت ان الهلال ماراح يرجع ادخل واعلمك السبب السلام عليكم بدون مقدمات الصدق انه شئ يقهر حرام الي يصير في النادي من دلال للاعبين ومن اهمال للفريق بالله فريق تعادل اول مباراة في الدوري وخسر الثانيه وترتيبه العاشر والان في فترة توقف لمدة 17 يوم تقريبا اول يومين بعد التوقف اجازه مدري يعني المدرب ليش يعطي الاعبين اجازه ابي اعرف السبب قسم بالله ابي سبب مقنع الاتحاد مدربهم بما انه فآهم للتدريب صح اعطاء الاعبين اجازه يوم واحد بسس حنا يومين واغلب الاعبين الاجانب سافروا مدري وش يحسون فيه خوذوا عبره يأداره ويامدرب الشباب والاهلي الي مقدمين مستويات روووعه ومنسجمين مع بعض كلهم الان يشاركون في بطولات وديه ومعسكرين بالخارج واحنا اجازات وتدليل زايد الاهلي بيلعب اليوم مع الوكره والشباب بيلعب مع السالميه واحنا لاعبينا في اجازات وبعضهم خارج السعوديه كيف تبغون الفريق ينسجم مع بعض ومافيه الا مباراة وديه وحيده فقط..!َ كيف تبون الهلال يرجع ومافيه شغل لهالشئ كيف تبونا نمسخر الشباب والاهلي والاتحاد وهم مسويين شغل معقوله مباراة وديه وحده تكفي؟؟؟الحال مايسر الناس يشتغلون وحنا فريقنا بأجآزه ياقلبي لاتحزن والله يبط الكبد من جد اننا لو خسرنا المباراة القادمه او ماقدمنا مستوى بيجيك الرئيس ولا المدرب ولا احد من مسؤولي النادي ويقولك الاعبين مانسجموا مع بعض ههههههههههه كيف تبيهم ينسجمون وهم بأجازه الحين كيف تبيهم ينسجمون وهم مالعبوا مع بعض الا مبارتين الله يعيننا بسس اذا الاداره تبي الفريق يرجع لازم يشتغلون ويلعبون وديات على الاقل 3 وديات اقل شئ عشان ينسجم الفريق والله ياجماعه اني اكتب هالشئ وانا منقهر على حال فريقنا الله يعديها على خيير بس:cry: واتمنى ان الفكره تكوون وصلت واعذرون اذا الاسلوب او الموضوع مو واضح:ba: |
كلام فـآضي اخذوا اجازه يوم او يومين ما تفـرق .. واللي يشوفه المدرب هو الـصح امما كلامك عن الاهلي والشباب والاتحاد .. بوجهة نظري الانديه الثانيه هي اللي تضرب المثـل بالهلال مو العكس .. الاهلي والشباب شوو يعني ؟ حسستني انك تضرب مثـل بأحد الانديه الاوروبيه ! على العموم الهلال ما فيه اي خلل .. جميع الاسماء المميزه موجوده .. اللي حصـل في مباراة الفتح انه المدرب اختار اسماء خطأ واعتمد على اسماء اللاعبين ولم يعتمد على مستويات اللاعبين .. وصدقني الهلال بعد فترة التوقف راح يقدم مستويات رائعه وبإذن الله الاسيويه هلاليه .. وانا متفائل بشكل كبير في اللاعب ويسلي باين انه لعيب من أول لمسه لمسها في الهلال واتمنى التشكيله بعد التوقف تكون شـرآحيلي الفـرج .. المسلم .. مانجان .. الشهراني الغنام .. هرماش عزوز .. نواف .. الفريدي ويسلي الشوط الثاني يدخـل يـو بدل احد لاعبين المحور اذا كنا متأخرين .. او بدل ويسلي من اجل المنافسه بين المهاجمين .. وبرضوا الرباعي ياسر القحطاني - سعد الحارثي - حسن العتيبي - ماجد المرشدي .. بوجهة نظري الرباعي هذا مكانه بـرا الهلال وبعضهم المفروض يعتزل واتمنى نتخلص منهم بأسرع وقت لأنه وجودهم وباء على الفـريق وربما يحرمون الهلال الكثير فمثلا ياسر وسعد يلعبون بمكان الجهني اللي انا اشوف انه افضل منهم والمرشدي انتهى والمسلم افضل منه بكثير والعتيبي خلآص كبر ومو قادر يقدم مستوا مثل أول |
الله يستر الامور تخوف والله من جرف الى دحديره لا محترفين صح وزياده ع هذا أي تعثر للملكي يجيك اول عذر ان مافيه انسجام الصراحه من هالعذر غير فترة التوقف حسيت ان الهلال مغير اقل شي نصف الفريق ولو تلاحظ ماتغير الا لاعبين بس امحق من عذر بايخ العالم تبني وتشتغل وادرتنا هدفها استثمار تحياتي |
الادارة محترفة لاتخاف اخر الموسم بيقدمون اعتذرات ويقولون الموسم القادم افعال وراح نهز روسنا زي العاده ونصدقهم |
كلام الاخ في السليم فريق ليسو منسجمين ليش اخذ اجازة ليش ما العب وديات و الله شي يقهر |
والله انك صادق وانت يارعي الانديه هي من تضرب المثل في الهلا ل لا هذا قبل بس الحين الاهلي والشباب والنصر افضل منا |
إقتباس:
|
أخي الكريم .... اللاعبين تراهم بشر هم ليس مكائن. لكن تدري معك حق................ليش . لانهم اخذوا إجازة في نهاية الموسم اكثر من ثلاثة اسابيع.. واللي اعرفه ان تطبيق الاحتراف أنه لازم تقضي ثمان ساعات بالنادي اقل شىء...!! أجل لماذا يوقعون عقود بالملايين .........والفريدي طالب 12 مليون بموسمين وهو يتمرن ساعتين فقط او اقل باليوم. طيب أنا والكثير من الشباب السعودي الحاصلين على شهادات عليا بالادارة وماجستير ودكتوراه ونعمل ثمان ساعات يومياً وناخذ اجازة الخميس والجمعة فقط. واذا مصلحة العمل تتطلب نعمل الخميس والجمعة وناخذ اوفر تايم بدل اضافي .. ورواتبنا سنوياً ماتتعدى الثلاثمائة الف ريال مع البدلات والحوافز. واللي يجي مسرع ويقول انتم تشتغلون بمكاتب ومكيفة ..........اقوله كلامك مردود عليك. كلها شغل وعمل ........بالعكس نحن علينا مسئولية كبيرة باتخاذ القرارات وخدمة العملاء والتفكير العميق ولازم تنجز باسرع وقت. وياليت يعجب رؤسائك. المهم أنا هنا لست احسد اللاعبين المحترفين لماذا. لان هذه طبيعة كرة القدم لكن يااخون يارئيس الزعيم طبقها مثل جيرتس مثل اوروبا ليش يتمرنون ساعتين فقط... جلسهم بالنادي اعطيهم دروس تقوية سباحة ثقفهم كروياً طور لياقتهم علمهم قوانين الحكام وقوانين جديدة.............سوي ياخي اي شىء بس شغلهم على الاقل اربع خمس ساعات باليوم .. وساعتها راح تشوف كيف راح يكون الزعيم اسم على مسمى مثل أيام جيرتس كانوا اللاعبين يتغدون بالنادي ومعسكر ومحاضرات وترفيه ولياقة وعلاج ونوم بدري ومافيه سهر. تدرون ليش جيرتس كان يطالب بحضور اللاعبين العاشرة صباحاً ......علشان مايسهرون. ويحافظ على ضرورة وجودهم بالغداء معاً لاجل الالفة والمحبة وترابط الفريق والقوة ياخوان تعبنا من الكلام والله العظيم اذا اراد الزعيم التقدم لابد من الاخذ بالاسباب. ساعتها اذا اخفقوا لن نلومك ياسمو الامير ولن نلوم اللاعبين ,,, لانهم عندئذ بذلوا الغالي والنفيس لاجل خدمة الكيان النادي العظيم الهلال زعيم نصف الارض. ساعتها لو يطلبون النادي اي شىء راح ندعمهم . لانهم عملوا الجهد وبذلوا العرق............والتوفيق بيد الله سبحانه وتعالى فقط ياسمو الامير طبق الاحتراف على أيام جيرتس وطبق الاحتراف صح. صدقوني راح تقل الاصابات ويقل السهر...وتتحسن النتائج |
سعد الحارثي ياسرالقحطاني اصبحوا يلعبون على الواقف وما اظن مكانهمالهلال ويسلي عمره33 والله يستر |
الدعوه تجارة معاد في ثقة يشترون الاعب عشان كم يبيعونه يفكرون بالفلوس ما فكروا بالبطولات |
الحين صاحب الموضوع قال رايه يجي واحد ويقول كلام فاضي ويحط تشكيلة ويطلع لعيبه لا يكون الاخ سامي الجابر وانا ما ندري . فعلاً اذا لم تستح فصنع ماشئت |
السلام عليكم اتمنى اعطاء هذة المرحلة و قتها و ان اتضحت الامور فنحن من سيحاسب الادارة في النادي و ممكن غير كذا و للة التوفيق |
الاجازه ما تضر بالعكس تفيد اكثر ان شاء الله يرجع الزعيم لمستواه |
الله يعافيكم ع المرور بالنسبه للي يقول كلام فاضي احترم رأيك وتشكيلتكك |
هم الظاهر اعطو اجازه عشان المدرب راح لكوريا يتابع الفريق الكوري وبيرجع الثلاثا والتمارين بترجع السبت تحت اشراف المساعد وان شاء الله الامور بخير وثقتنا في لاعبينا لاحدود لها الاجازه قصيره يقضونها مع اهلهم اما الاجانب استغرب كيف يقدرون يسافرون يومين وبهذه السهوله ويوم ودينا يجون كل يوم تتاجل الرحله انا طبعا ضد الاجازه لكن بما ان المدرب مش موجود فاكيد عشان كذا اعطو اجازه ولاتنسون فريقنا من الدعوات في هذه العشر الفيضله |
| الوقت المعتمد في المنتدى بتوقيت جرينتش +3.
الوقت الان » 12:25 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd