زعيم الفشيلة.... هل يستحق اللقب ؟
[c]
لو سألك واحد ...
وش ردة فعلك لما طلعت من بيتكم اليوم وتنفست اوكسجين ؟
اكيد بتقول يالله لك الحمد اجل وش بتنفس ؟ بيض
؟
بس لو زنطك
ولا سد خشمك
ثم فلتك وقال لك : هاه وش رايك بالاوكسجين الحين ؟
اكيد انك بتشاهق وبتصير حالتك حالة وبتحمد الله وتشكره الف مرة على نعمة الاوكسجين
طيب لو جاب لك واحد سطل موية
وقحنّك اياه كله الين غدت كرشتك تقل (كرشة واحد اول حرف من اسمه منصور
)
ثم قال لك هاه وش رايك في المويه ؟ وش بتقول ؟
بس لوانه قام وخلاك تلعب كورة وتطامر ساعتين والا ثلاث ثم جاب لك كاس موية باررررررد
وش كنت بتقول
؟
طيب سؤال ثاني:
لو فاز الهلال ببطولة وش ردة فعلك ( كمشجع هلالي )
شي عادي طبعا ...ولا هوب بذاك الاهمية..بحسبة رياضية بسيطة (1/40 )= (0.025) رقم صغير وقريب للصفر من صغره
طيب سؤال اخير وماعاد اتعود هالاسئلة مرة ثانية
<== حس انه بينجلد
وش رايك طيب اذا زعيم اسيا وملكها المتوج ضيع 4 بطولات متتالية ثم حقق الخامسة اخيرا بعد طول انتظار ؟
عرفتوا الحين وش قيمة الاوكسجين ؟
عرفتوا الحين حكمة من حكم الصيام ؟
انك تحس بما يحس به المحتاج:
لتعرف قدر ما عندك :
تخيلوا الهلال مشطب على البطولات الخمس ..صح حلوة .. صح مغرية
لكن اتحدى ان تحس بنفس احساسك الحين !
نفس احساس شرب كاس موية باااااااااااارد بعد 3 ساعات لعب كورة
باختصار الزعيم حب ينوع لنا ويشكل لنا من البطولات مو بس في اسمائها
حتى في اوقاتها وظروفها
وهذا اجراء صحي ومطلوب عشان لاتمل جماهيرالزعيم المترفة من البطولات ;)
وعشان تحس ولو لفترة قصيرة احساس من لم يحصل على بطولة من اكثر من 6 سنوات !
&&&&&&
يسمون زعيمنا .. زعيق وعقيم وزعيط ومدري ايش
، وطبعا السبب معروف غيرة وحسد مالها حد من هاللقب المستحق رغما عن خرابيطهم...
فعشان نفتك من هالغيرة مالنا الا نخلي النصر زعيم بعد
فمثل ما ان الزعيم سمي زعيما لانه ما ينافسه احد في عدد بطولاته ، فاعتقد ان النصر وجماهيره يستاهلون بلا منافس لقب الزعيم ايضا لانهم ماينافسهم احد في عدد طيحات الوجه القاسية والمتكررة واللي كل مرة اقوى من اللي قبلها
التاريخ النصراوي في طيحات الوجه مشهود ولايخفى على احد ، ابتداء من لافتة " عفوا البطولة نصراوية
" في نهائي لا يلعبون فيه ومرورا بوصفهم بانهم مندسين و"الكش"
عليهم من رئيس ناديهم (اللي هو نفسه اكبر رمز للفشايل هو وولده بمسرحيتهم الشهيرة : "هذا موب ولدي"
اللي عرضت على القناة الثانية
) وانتهاء بماحصل الاربعاء من حماس منقطع النظير لتشجيع فريق هازمهم في دور الاربعة
لكن كله يهون مقارنة بما حدث الاربعاء في ( منتديات العالمي دوت. طل)
اعتقد ان مجرد القول بان هدف الشلهوب تسلل من شخص يعتبر نفسه مشجع كرة قدم يعتبر فشيلة وطيحة وجه كافيه ولا تحتاج الى اضافة
...
لكن الحالميين اثبتوا جدارتهم باللقب بعد مارد عليهم غالبية جمهور الاهلي بان الهدف صحيح 100% وان الهلال استحق اللقب بجدارة
ياجماعة الخير وش فيه فشيلة اكبر من كذا
؟
جمهور الفريق الخاسر في المباراة يعترف بجدارة الفائز ويبارك له:
والجماهير الحالمية( ببطولة من 6 سنوات
) تعابط وهي مالها اي دخل في الموضوع
وياليت جماهير الاهلي اكتفت بهالشي كان هانت
هذا نموذج من ردود جماهير الاهلي على "قلة "حملت الخسارة على الحكم :
ههههههههههههههههههه اللهم لاشماتة هذا وهم جايين يشجعون معهم بعد
واخر هذي الادلة موضوع لعضو نصراوي في منتديات مدمي الشباك( مستفيدا من ديموقراطية الهلاليين وسعة صدرهم) وكتب هالموضوع ليلة البطولة :
الله يفشلك بس
الفرق المحترمة وراها بطولة (اذا كنت تعرف وش معنى بطولة
) وانت لك وجه تتكلم عن موميائكم المحنطة ؟
اعتقد بعد هذي الادلة انه لا جدال على استحقاق النصر للقب :" زعيم الفشيلة"
&&&&&
لو كانت كل لمسة يد في منطقة الجزاء بلنتي ، كان انحسب بلنتي للهلال على الاهلي الدقيقة 90 في كورة سوفو اللي حسبها الحكم خطا عليه وهي لمسة يد على مدافع الاهلي !
&&&&&&
تعرفون اسلوب الامهات اللي لازم اذا مدحت واحد من البزران ولا عطته شي مدحت الثاني وقالت له انت كبير وانت حلو وانت مدري ايش عشان لايغار
<== دايم ينلعب عليه بهالاسلوب وهو صغير
هالاسلوب ذا اتذكره دايم اذا سمعت معلقينا وبالاخص ناصر الاحمد
يعني طول المباراة مايقدر يقول كلمة مدح "مستحقة " في فريق الا وهو يلفق له مدحة في الفريق المقابل عشان لايزعلون !
والله اسلوب ممل وسخيف ... يا اخي انت قل كلمة الحق في اي فريق في الوقت اللي يستاهلها فيه ولا عليك من احد!
اصلا ما ضيع الاحمد اللي كان سابقا كويس الا هالاسلوب ومحاولته الغير مجدية لارضاء جميع الناس على حساب الحق !
&&&&&
اعتقد ان التاهل للمربع الذهبي مع صعوبته الا انه ممكن على شرط تكرار المشهد الجماهيري المميز في يوم الاربعاء
تخيلوا الثلاث مباريات وجماهير الهلال مالية الملعب ... احس بان الهلال صعب ينهزم ان شاء الله بهيك جمهور
المباريات الثلاث في الرياض يعني مافيه عذر
على فكرة بعد تعادل زعيم الفشيلة
امس مع الاتفاق فان الهلال الان يحتاج فقط للفوز في ال3 مباريات الجاية بدون النظر لاي نتايج اخرى
لانها بهالحالة بيستقر رصيد النصر على (في حالة فوزه في المباريتين) 42
والهلال بيصير 44
بغض النظر عن القادسية تماما
والله ماهي صعبة على جن الملاعب
&&&&&&
الشلهوب... يابعد هالدنيا انت
وش بقي ماسويت في دفاع الاهلي ؟
تكفى استمر على هالمستوى الهبــــال الله يخليك لعين ترجيك
&&&&&&
من مكاسب النهائي عودة الذيب لجزء من مستواه المرعب
لدغة الراس، والحطة الخيالية اللي لسوفواللي ضيعها الدلخ ، وازعاج لاعبي الاهلي اللي ماقدروا يوقفونه الا باخطاء جاء من واحد منها هدف التتويج
كلها لمحات تنبيء بعودة مرعبة للذيب في المباريات القادمة باذن الله
تذكروا كلامي
&&&&&
رسائل قصيرة :
جريدة الرياض : ياساتر لهالدرجة ابوعبدالله مهبل بكم ؟
هههههههههههههه والله له الشرف ماتطلع صورته في جريدة مادحها ابوثمامة
جريدة الرياضية : 38 ولا 40 ولا 36 اهم شي ان ما احد حولنا
اقرب منافس ماعنده الا 23 بسسسس يعني خذوا راحتكم
&&&&&&
اكثر ماكان يخوفني من ضياع البطولة هو عبدالله بن مساعد وعدم توفيق الهلال على الحصول على اي بطولة معه ، فللاسف التاريخ لا يعترف بالعمل الكفء كثر مايعترف بالانجازات
انا من ناحيتي اعتقد ان استمرار ابو عبدالرحمن في الرئاسة اهم من اي بطولة
&&&&&
خاتمة :
لجميع لاعبي الهلال ولمدربه ورئيسه
هذا "الزعيم" اللي ... نبيه واللي...تعودنا عليه
&&&&
اسف على الاطالة
مرتاح ;)
[/c]
الوضع العادي
