| إقتباس | | | | |
الرسالة الأصلية كتبت بواسطة zaeem 511 | | | | | | | |
ياحبيبي تونا ثاني مباراة والاخطاء اخطاء لاعبين مو مدرب يعني تبيه يدخل وويطلع كورة المرشدي والهدف اللي على حسن العتيبي
ياخي تكلم بالعقل.....اذا تبي تقيله نشوف بكاس اسيا وش بيسوي
وجيرتس اللي هو جيرتس بدايته كان سيئه لكن شوف وش سوا بالفريق الصبررر ياجمهور الهلال الصبررر
وما اقول الا الله يسااامحك ياجيرتس | | | | | |
يابوي قيريتس كان فيه تكتيك ولو كنا نفوز بالموت
كنت تشوف فريق يلعب كوره صح
تشوف لاعبين يعرفون وش المطلوب منهم ... مهوب زي الحين .. اللاعبين يركضون مايدرون وش المطلوب منهم !!
اهدافنا الثلاثه كلها جت بالصدفه
هدف عزوز الدوسري بمجهود فردي بحت
هدف ياسر = صدفه
هدف البيشي = صدفتين + خطأ من مدافع
تكتيك المدرب سيء .. والدليل
انه في المعسكر يلعب بطريقه .. وفي المباريات الرسميه بطريقه ثانيه !!
ياخي انت في المعسكر تلعب بمحورين واحد منهم دفاعي اللي هو الغنام ...
في المباريات الرسميه ماشفنا هالشي ... ووضح حاجة الفريق لمحور دفاعي في مباراة هجر ... وبرضو مصر على اخطاأه الحبيب ومايبي ينزل محور دفاعي
انتوا مستوعبين اننا بغينا ننهوم من فريق كان بيهبط السنه الماضيه ؟
مستوعبين اننا انهزمنا من فريق ماعمره فاز علينا !!
ياخي هذا فريق راح يلعب دور الـ 8 في بطولة اسيا بعد كم يوم ؟
ياجماعه اقسم بالله هاشيك على رداه .. الا انه مدرب متميز
جاء بنص الموسم وجاب لك بطوله وصعد بالفريق لدور الثمانيه
وهاشيك فيه ميزه مهيب موجوده في البلكه كومباوريه
هاشيك على ضعف دفاعنا ... كنا نسجل بسهوله
هذا لادفاع ولاتسجيل
عطوني بالله في مباراة هجر او الفتح .. هجمه وحده انصنعت زي الناس !!؟ ابي صناعة هجمه بمعنى الكلمه
مباراتين مافيهم هجمه مصنوعه زي الناس !! وتقولون وش ذنب المدرب ؟
اوكي الدفاع غلط والعابد غلط ودخل فينا قولين
طيب ع الاقل انت سجل !! وين دورك كمدرب .؟ مافيه هجمه زي الناس !!