|
جمهور الهلال او جمهورcom سبب الهزايم بسم الله الرحمن الرحيم جمهور سئ وفاشل ولايستحق أن يكون الهلال فريقاً لهم يشجعونه !! أحسن جمهور بالمنتديات والمواقع والتصاميم بل أكثرهم عدداً !! احسن جمهور ينظّر وينتقد ويشكك في فريقه لاعبين وإدارات !! احسن جمهور في التويتر والمصادر ومتابعة الأخبار والتمييز بها !! لكنه أفشل جمهور في دوره الحقيقي وهو الحضور والتشجيع والمؤازرة !! أكره الأهلي وجمهوره ولكنه غصباً على الكل هو افضل من جمهور الهلال في الملعب والتشجيع !! لاأحب أن أقارن جمهور الاتحاد بجمهور الهلال لكنه غصباً على الكل هو الجمهور الذي ينتشل فريقه رغم المصائب التي في الفريق !! جمهور الهلال وتحديداً في الرياض جمهور فاشل وسئ وخسارة الهلال فيهم !! جمهور الهلال أفضل جمهور يوجد لنفسه المبرارات لهجر المدرج وهو يكذب في ذلك !! جمهور كوم او الجمهور الإلكتروني هو الإسم الحقيقي لجمهور الهلال وأقصد بانه جمهور موجود أمام الأجهزة أكثر من وجوده في الملعب !! هذا الدور حتى النساء في البيوت تستطيع فعله !! أقولها وأحلف على ذلك جمهور الهلال سبب رئيسي في إنتكاسات الهلال في السنوات الأخيرة !! ولأنه جمهور كذاب يبرر ذلك باللاعبين أحياناً وبالإدارة أحياناً وبالمدربين أحياناً ، لأن جمهور الفرق الأخرى التي تحضر لم تبرر بذلك رغم مرور فرقها بأسوى من مامر به الهلال !! يكفي فقط وقفة جمهور الاتحاد البارحة رغم المصائب الجلل والخلل الكبير الذي يعني منه الفريق والنتيجة تفاعل اللاعبين معهم !! نصيحة لأي إدارة ترأس الهلال أن تجعل الجمهور أخر إهتماماتها إلا إذا قاموا بدورهم الحقيقي !! فهذا الجمهور لايستحق ان تأخذ برأئه في شأن هلالي لأنه لم يقم بأقل شئ مطلوب منه !! كتبت هذا الموضوع بعد مشاهدتي للحضور الجماهيري القليل في مباراة الفتح وتعمدت ان يكون الكلام قاسي لكي يغضب الجميع لعله يحس على دمه !! طبعاً الشكر كل الشكر للجمهور الحقيقي الذي حضر المباراة هم جمهور الهلال الحقيقي !! |
يعطيك العافيه يالطيب اتفق معك في بعض النقاط واختلف في بعضها الخلاصه ان جمهور الهلال اصبح عاله على فريقه واصبح نقمه على الهلال بعد ان كان نعمه فعلا جمهور كوم إقتباس:
شكرا لك ,,,تقبل مروري |
يعني تبي تقنعني ان الجمهور هو اللي هزم الفريق انا اتحداك يبدو انك شايف مباراة من الموسم الماضي او هلال قريتس واحنا ما ندري اعطيني لاعب واحد قدم مستوى مرضي اليوم او كان نقطه ايجابيه في الفريق ايش رايك بالعابد ؟؟ والا اقولك ايش رايك بسالم الدوسري ؟؟؟ لا لا خلينا منهم ايش رايك بمستوىياسر اللي طول المباراة وهو مبتسم ؟؟؟ واللي يشوفه يقول الهلال فايز والا اقولك ايش رايك بمستوى العتيبي وخاصتا في الهدف الاول ؟؟ ابيك تعطيني مستوى الدفاع ككل اليوم ؟؟؟؟ لاعبين منتهيه صلاحيتهم ومع هذا الواسطه لها دور في انهم يلعبون طالبتونا بالحضور وجينا وحضرنا واخترها هزيمه مع مرتبة الشرف راجع حسابات الفريق الهلالي وكلنا نبي الهلال يرجع مثل اول بس مو بالطريقه اللي انت تتكلم فيها الجمهور حضر وما تقدر تنكر الشي هذا اما تبي تقنعني ان الجمهور سبب مستحيل ياما الهلال فاز وبمستوى مميز بجمهور قليل ايش اللي تغير الان اعتقد العيب في لاعبين الفريق وفي الاداره |
معليش ولا لاعب قدم مستوى طيب يعني ذا من الجمهور طيب اقولك نادي الشباب جمهوه حتى بالاسيويه قليل ليه يفوز ويبدع طول الموسم!!!!!!!!! وليه الفتح فاز لان جمهوره مغطي الملعب؟!!!!!!!!! اذا فاز قعدتوا تشكرون الاعب الفلاني و المدرب الفلاني واذا خسر قلتوا الجمهور صحيح ان الجمهور هالموسم قليل ولكن مو سبب الخسارة خلنا واقعيين اذا كان كلامك صحيح :-نصيحة للاعبين لايتاثرون بحضور الجمهور لايكنون حساسين بزيادة |
اخوي اي جمهور بالعالم وليس هنا فقط يكون داعم للفريق ولكن اذا كان الفريق متهالك ولا يعطيك روح علشان انت بدورك تتحمس نعم نحن مشجعين وافضل جمهور , لا يضر الانتقاد ابدآ على الجمهور قولك فاشلين انا اقول انت من ضمنهم وتقول انك فاشل ؟! المهم سنبقى مع الزعيم دومآ |
والله انك صادق وان جمهورنا نصهم بزران او تفكيرهم تفكير بزران الله يفك الهلال منهم |
الحق ماينزعل منه نعم الجمهور بيده كل شي واعطيكم دليل في مباراتنا مع هجر كيف تحرك الجمهور وظهر الحماس في اللاعبين تعادلنا وكدنا ان نفوز. لو الجمهور يوقف على اقدامهم طول المباراة لابثت الحماس والروح ويحس اللاعب ان خلفه جمهور يريد الفوز (لماذا نسمع مقولة الارض والجمهور اذا ) |
اهنيك من كل قلبي على كل كلمة كتبتها جمهور الهلال في السابق كان يحرك اللاعبين جمهور الهلال في السابق كان يهز الملعب هز جمهور الهلال في السابق كان يبث الروح في اللاعبين جمهور الهلال في السابق كان مضرب مثل بعدم اهتمامه بالفرق الاخرى وتركيزه على الهلال فقط جمهور الهلال في السابق كان جمهور فريق وليس جمهور لاعبين الان جمهور الهلال بعضهم يهاجم بعض اللاعبين ويدافع عن بعضهم وكأن الخطأ يتحمله لاعبين معينين والصواب يتحمله لاعبين معينين الأن جمهور الهلال جالس يدور زلات على النصر والأهلي والأتحاد وتارك دوره الرئيسي وهو دعم الهلال وتشجيعه جمهور الهلال كان الفريق يلعب مباريات حسم وتسع لاعبين من الهلال بالمنتخب والاجانب كانو مش حالك وكان الجمهور يحقق الانتصار للفريق ببث الرعب بالخصوم والروح في اللاعبين حتى لو كانو بدون اي فنيات وخير دليل على ان الجمهور له الدور الأكبر في انتصارات الفريق وله الدور الأكبر في مسيرة الفريق وله الدور الأكبر في تزعم الهلال شوف كيف كانو اللاعبين يلعبون لما يحظر جمهور فل في المباريات مازلت اتذكر جاسم الهويدي لما دخل استاد الملك فهد وشاهد جمهور الهلال قرابة 15000 متفرج التفت على اللاعبين وقال وش فيه الجمهور زعلان علينا اليوم كل هذا عشان تعادل الحين لما يحظر 10000 متفرج اللاعبين يحرثون الملعب كيف لو يفلل الملعب او على الأقل الواجهة فل تقبل مروري |
ايضا الجمهور يريد من يحركه من رجال داخل الملعب |
جمهور مباراة الفتح أبدا ما توقعته لهدرجة صراحة 7000 الاف مشجع !! .. الاتحاد اللي ظروفه أسوء من السيء والعدد 14 ألف !! .. توقعت الجمهور الهلالي راح يوصل فوق 10 الاف .. لكن خاب ظني صراحة .. وغير كذا صراحة شكيت إنه في جمهور أصلا .. وقت الهدف بعد 5 دقايق يرجع الهدوء والسكينة على الجمهور !! .. |
اتكلمت بصراحه بموضوعك على نقطه مهممممممممممممه جدا .. الجمهور .. يطالب الاداره بالملايين وبلاعبين عالميين وهو من جمهور المنتديات او العزب وشاشه البلازما .. الجمهور مثل عضو الشرف اذا ما دفع ودعم للنادي لا يحق له في التحدث عن النادي وبالتالي الجمهور اللي يستكثر 20 ريال ياخي ماله اي حق بالانتقاد بصراحه .. بعضهم يقول جمهور الشباب قليل .. صح قليل في المدرجات والمنتديات .. وبالتالي كافي خيرة وشره .. بدون ضغط على الادارة .. جمهور الاهلي هو من غير مسار نادية في عز الازمه وهذا دور الجمهور .. جمهور الاتحاد كان له دور فعال جدا في فوز فريقهم .. |
إقتباس:
إقتباس:
إقتباس:
يبيلك سنه تحضيريه بالمنتدى قبل ان تكتب المواضيع |
ممكن الهلال يحتاج انسجام ممكن يحتاج لاعبين ممكن يحتاج مدرب او إدارة جديده لكن الشي الاكيد إن هو الهلال له فترة طويله وهو يعاني وبعض الاندية صارت ما تعمل لنا حساب على اساس انه ما قدامها فريق يخوف وبعضهم صار يتمنى يقابل الهلال على اساس يخلص المباراة من الشوط الاول ويطلع بطل قدام جمهوره حتى الجماهير الهلاليه بعضهم صار عنده قناعه ان فريقه ما ينشد به الظهر وممكن تنتهي المباراة بكارثه ولا ننكر بروز الهلال في عدد من المباريات لكن هذاما يلغي المشكله |
+ صصصدقت بكل كلمممة كتبتهااا |
الهلال كان مضرب مثل لكل الفرق وجمهوره كان لا يعلى عليه العلة 1- انا حولنا اهتماماتنا على تصيد اخطاء الفرق الاخرى وتركنا فريقنا 2-سعينا ورى الالقاب من القرن الى ان استقر بنا الحال الى الملكي المزيف 3- كل الهرج والمرج في المنتديات الملكي وما ادراك ما الملكي 4- يحضر الجمهور للمباراة للتشجيع فاذا كل اثنين يسولفوا عن الملكي 5-تنتهي المباراة وننهزم ولا صفقنا لفريقنا تصفيقة واحدة نقطة واحدة في بداية الدوري من اول مباراتين ومن فرق متواضعه وهذا لم يحصل في تاريخ الهلال يعني اصبحنا هلال مهلهل يا اخوان اشك انها خطة دبرت لاشغال الهلال الفرق تجمع نقاط واحنا نتلفخ من يمين ومن شمال والله عيب ماهي عوايدك ياهلال يا اخوان من الآن من الآن من الآن هلال وبس لا اتشرف ولا اتغنى الا بالهلال هلال رفيلينو والنعيمة والمصيبيح والثنيان والجابر رهلال وبس لا اتغنى بغير هذا الاسم ما نبي الملكي تعال يا اهلي خذه حلال عليك لأننا بصراحة نكذب كذبة ونصدقها ومو نصدقها فقط بل اشغلتنا واشغلت ادارتنا ولاعبينا وجمهورنا فهل نصحى من سباتنا |
| الوقت المعتمد في المنتدى بتوقيت جرينتش +3.
الوقت الان » 09:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd