اسباب الهزيمه .. نقاش بالمنطق عن لاعبين الهلال ,, شاركونا وافيدونا - نادي الهلال السعودي - شبكة الزعيم

عااابر سبيل · #1 08/08/2012, 02:35 AM

بدون مقدمات ..

حسن العتيبي .. يتحمل الهدف الاول 100% ,, حارسنا حسن الله يطول بعمره مثل مؤشر الاسهم متردد بمستوياته وانا اتمنا اني اقابله واطرح عليه هالسؤال ,,

وش تحس فيه وقت خروجك من المرمى ؟

الوقت اللي اتمنى فيه انك تخرح احصلك مسنتر عند العارضه ,, والوقت اللي المرمى فيه يحتاجك ,, احصلك ماسك خط شاطح عنه .. انتبه للنقطه هذي ياحسن وادرسها

......

ماجد المرشدي .. ( ياكثر ماقلت ابسوي واسوي ,, ولاشي من اللي قلت سويته )

ما عاد للزود العتب وياك داعي ,, ااااخ لو تدري وش يصير بعروق قلبي لاجت الهجمه من صوبك

.....

ياسر الشهراني .. ممتاز وتنقصه الخبره .. وقت خروجه عن خانته تسب فجوه في الدفاع .. ( وشوية انانيه

) ,, لاكن في السنوات الجايه ان شا الله يستفيد منك الهلال بالتوفيق

.....

مدافعنا الجديد عبدالقادر ماراح احكم عليه لسه بدري
هرماش بعيد عن مستواه اليوم .. بس التسديده تسديت بطل .. لو هي في القول كان هدف سينمائي

...

سالم الدوسري .. 90% تمريرات خاطئه .. وتشطح من موقعك

ماهو مستواك لاكن اتوقع الاعلام رفع بك واجد وخربت .. اتمنى ماتنضر للهالامور

..

العابد تتحمل الهدف الثاني 30% مع حسن العتيبي 30%
حماس كالعاده .. والوك شنب والزلف خطير

بس مو للهدالرجه ,, لاكن امور شخصيه
مانتدخل فيها

..

عزوز الدوسري دون المستوى ,, اغليك واحترمك كللاعب لاكن اليوم ماتوقعتها منك

..

وسلي ثقيل جدا ,, لاكن لمسات وقتال ع الكره جيده اتوقع بالجولات الجايه بيبدع

المدرب الى الان ماله اي ذنب لافي هذي المبارة ولا اللي قبله .. لان بسراحه الروح الهلاليه عند الاعبين ميته

كمشع هلالي ماذكرتهم هم اللي احس اليوم ماهو يومهم ..

وفي الاخير اعذروي ع الاطاله والحمد لله انها اخر جوله للهلال لانجيب العيد قبل وقته

واذا هذا مستوانا سلم ع اسيا هالسنه في كوريا وفي ارضنا

ملاحضه // للحد يدقق ع الاملاء :