|
شيء ماشفتووه .. تفاصيل .. مشاهدات .. من قلب المدرجات ... من مباراة الهلال والفتح http://upload.alhilal.com/img/014/basm1.jpg قدر الله وماشاء فعل ، الخسارة ليست نهاية المطاف ، احياناً قد تكون الخسارة لها جوانب إيجابية وهي (معرفة الأخطاء) قبل الدخول في معترك البطولات :yes: لذا تفائلوا حبايبي ، وبإذن اللي ماتنام عينه بيكون القادم أفضل وأجمل :ba: شيء ماشفتووه : # تم فتح بوابات استاد الملك فهد عند الساعة 9 مساءاً وكان وقتها عدد المتواجدين لا يتعدى 500 شخص. # نزل لاعبي الفريق الهلالي لأرضية الملعب لإداء تمارين الإحماء ولم يجدوا سوا تصفيق من جماهير الهلال .. لا يوجد أهازيج .. الرابطة صايمين حتى بالليل :d. # الرابطة الهلالية لم تحضر للملعب الا قبل بدء المباراة بـ 5 دقائق ، وكان من المفترض عليهم أن يحضروا مبكراً ، للترحيب باللاعبين وبعمل بروفات للاهازيج ، ولكن لا حياة لمن تنادي .. وتركي الهديب وعد الجمهور مساء أمس بموسم استثنائي .. (واضح ياتركي) :cry: # بعد دخول كومبواريه للملعب وأثناء ذهابه إلى دكة البدلاء ، بدلا من أن تقوم الرابطة بتحيته أو على أقل تقدير (ترديد اسمه) لم يتم من هذا شيء .. وكانوا يرددون (ياهلال عزك عزنا) :mad: # ياسر الشهراني مع كل كرة يستلمها يقوم الجمهور بالتصفيق له ، ويستاهل ياسر لأنه قدم أداء فني عالي .. دفاعياً وهجومياً وروحاً ونتمنى يستمر على هذا المنوال :ba: # ويسلي لوبيز ليس مجرد لاعب فقط ، بل قائد ايضا .. واليوم في الملعب بتوجيهاته ونصائحه للاعبين ذكرني بـ (رادوي) :cry: # بعد نهاية الشوط الأول اتجه محمد نامي إلى حكم المباراة وقام بمناقشته بشكل حازم ، مما اضطر الحكم إلى استدعاء الحراسات الأمنية .. (نامي ياليت بعض اللاعبين مثل روحك انت والشهراني) :ba: # الجمهور قام بإطلاق صافرات الاستهجان على لاعبي الهلال بعد نهاية الشوط الأول. # قام (ويسلي لوبيز) بسحب لاعبي الهلال بإتجاه (السنترة) بعد تسجيل البيشي لهدف الهلال ، وتعبيره عن الهدف بفرحة هستيرية وكأن الهلال محقق الفوز :ranting: للأسف هذا المشهد ضايقني كثير .. وتأكدت من خلاله ان ثقافة الفوز لدى لاعبينا تساوي (صفر) :cry: # رابطتنا العزيزة بعد تسجيل الهلال لهدف كان من المفترض أن تقوم بتشجيع الهلال والرفع من روحهم ، لكن حصلت كارثة وفضيحة .. وهي : قيامهم بتشجيع ياسر القحطاني وليس الهلال !!!! وذلك بترديدهم لـ (ياسر ياسر .. الفتح خاسر) والمضحك ان النتيجة تعادل والأهزوجة مالها أي صلة بالفوز :yes: (سلمولي على تطنيش ادارتنا للرابطة ، والتي أصبحت مثل العار على نادي راقي مثل الهلال) # اطق الجمهور صافرات الاستهجان على سالم الدوسري اكثر من مره ، بعد أنانية اللاعب في اكثر من كرة برغم وجود عدد من زملاءه (فاتحين له على الطرف) ولكن عقلية الحواري مازالت في (فكر اللاعب) مما أفسد مشروع كم من هجمه هلالية كان من الممكن استغلالها :yes: .. (ويستاهل ماجاه) . # بعد انتهاء المباراة ايضا قام الجمهور بإطلاق صافرات الاستهجان على لاعبي وجهاز فني الهلال. # بعد نهاية المباراة ايضا ردد الجمهور (فتحاوي .. فتحاوي) وقاموا بالتصفيق للاعبي الفتح ، ولاعبي الفتح قاموا برد التحية لجماهير الزعيم. إقتباس مهم بعد مباراة الهلال وبني ياس الاماراتي في الموسم الماضي ، وللتوضيح كان وقتها الهلال متقدم بالنتيجة : إقتباس:
فـ لو كان سامي موجود لن يقوموا بما قاموا به اليوم :cry: . . . . اخوكم .. كبرياء هلالي :ba1: |
يرجال مهزله ... المرشدي صابرين عليه لنا 3 سنوات والعتيبي ... وجانا مانجان النكبه الاخر مدافع مدري لاعب سله ولا وش .. خلها على الله دفاع متهالك وحارس احمق الهجوم اليوم ياسر ولبيز مايلامون وسطنا سالم الاناني وعبدالعزيز الدوسري ماقدم مستوى والارتكاز مولي بسبب الفرج محور هجومي بزياده |
...................................................................................... |
يعطيك العافيه مآقصــرت ... ومآنقول الا ( لاحول ولاقوة الا بـ الله ) ... |
مايستاهلون الي يحضر لهم عيب والله ياادارة الهلال عيب لا احترام للجماهير ولا للكيان |
اللاعبين ازداد استهتارهم بالجماهير مع الادارة الطيبة |
آخـر شيء بموضوعك " الاقتبآس " مؤلم فعلاً يوضح ][ فرآغ كبير ][ تركه لاعب اسطوري في نادي الهلآل |
يعطيك العافيه على نقل ماحدث في الملعب خلف الكواليس بصراحه ماحدث للهلال اليوم مؤلم وانا احمله بالدرجه الاولى للاعبين فمن حق الفريق الذي اعطاك الملايين والشهره ان تبذل القليل من الجهد من اجله |
من زمااان وانا اقول العتيبي والمرشدي هم دمار الفريق وفيه من وصفني بالمندس والمصيبه فيه من نزل موضوع بعد مبارة هجر يدافع عن العتيبي ويصف من ينتقده بالمندس الان انضم للعتيبي سالم الدوسري وباقي الفريدي بينضم للشله بس انتظروه يستلم مقدم عقده |
ياخي الفريق كله اليوم مصيبه الله يستر من الجاي اما سالفة الرابطه سالفه الله يذكر ايام ولت تحياتي |
............................................................................ |
مشكووور أخوووي الهلاااال كان سئ ... يجب ع الجمييع تصحيييح الأخطاء من أجل آسيااا |
يعطططيك العاافية آخخوي وربي استمتعت وانا اقرا |
العابد لم يكن يتحمل الخطئ العتيبي هو من يحمله لان لعب الكوره للعابد بين ثلاث لاعبين من الفتح |
اتفق معاك اخوي كلامك صحيح وانا كنت حاضر الملعب للاسف الشديد اللاعبين في وادي والمباراة في وادي ثاني اتفق معاك اخوي لكن مع هذا لازم ننتقد ولكن بهدوء وعقلانيه وبدون سب او شتم اللاعبين الفريق الهلالي بشكل عام امره منتهي الا ان كان للاداره الهلايه دور في الفتره القادمه انها تغير الفريق للاحسن ان شاء الله وشي غريب اللاعبين ما ودهم يلعبون ابدا وحركتهم ثقيله في الملعب الله يستر اذا ما تعدل وضع الهلال في الفتره هذي انسوا انه فيه بطوله للفريق الموسم هذا الا اذا تغير الحال فيه لاعبين انتهت صلاحيتهم خلاص بس للاسف الواسطه لها دور |
يعطيك العاااافيه قسما بالله قهر |
مشكلة آلهلآل وآضحة ( شيل آلعتيبي + المرشدي + سآلم ) آجل تجيب لي مدآفع بـ 11 مليون و تخليه يدفي آلدكه و المرشدي حضرت جنابه آسآسي ,, لآ وآلقهر يطلع بعد آلمبآرآة و يتهم هرمآش بالهدف الاول ,, وآلله قههرر ,, |
شكرا على النقل ومادام مانقان موجود ماظنتي الأمور تبشر بخير الله يعيد هلال قيرتس يآرب |
إقتباس:
لاكن هذي بداية النهايه والهلال محتاج قائدفي الملعب :alzaeem: s13s |
بعد مآ قرأت كلآمك فاللي صصآر اليوم مهزززلة حقيقية .. الآعبين يحتآجون توجيه صصآرم .. الله يعيننآ .. سسآمي أكثر ششيء أتمنآه في هآللحظة تصصير مدرب للهلآل .. من جد مآقدرنآ النعمة اللي جآتنآ لمآ طلب سآمي تدريب الهلآل .. الحمدلله ع كل حآل والخير فيمآ اختآره الله .. هآردلك للهلآل .. |
شوهو تاريخ الهلال للاسف أشباه اللاعبين ومجاملتهم على حساب الفريق وبخصوص الرابطة لا جديد يذكر اسم فقط يعطيك العافية |
ياأخوي والله مافي احد من اللاعبين يحس بالجمهور واخلاص للنادي همهم البيزات |
رابطتنا العزيزة بعد تسجيل الهلال لهدف كان من المفترض أن تقوم بتشجيع الهلال والرفع من روحهم ، لكن حصلت كارثة وفضيحة .. وهي : قيامهم بتشجيع ياسر القحطاني وليس الهلال !!!! وذلك بترديدهم لـ (ياسر ياسر .. الفتح خاسر) والمضحك ان النتيجة تعادل والأهزوجة مالها أي صلة بالفوز :yes: (سلمولي على تطنيش ادارتنا للرابطة ، والتي أصبحت مثل العار على نادي راقي مثل الهلال) اذا قلت لكم ان الجماهير اذا حبت لاعب ترفعه حتى لو انه مستواه سيئ واذا كرهت لاعب وهو لاعب جيد وتشوفه ياحرام مقطع نفسه علشان يرضيهم وفي الاخير يجي المشجع يشجع الاعب الي ما سوا شي في المباراه علشان يحبه واللاعب الي مقطع نفسه مسحوب عليه ويروح المشجع ويحط رجل على رجل ويفتح المنتدى وويفتح موضوع ويجلس يمدح في اللاعب الي يحب ويسب ويلعن ويذم في اللاعب الي مقطع نفسه في الملعب |
اللعب اليوم ميت من الجانب الهلال عدم تجانس الاعبين مع بعض واضح وخصوصاً الدفاع لاعب صانع لاعب في الهلال لايوجد |
إقتباس:
اآآآه يا ســــــآآمي :cry: |
اي واسطة اللي تتكلمون عنها مافية واسطة ولاشي الادارة في صمت رهيب مادري لماذا يمكن عاجبهم تعادلنا مع هجر والا نسكت مافية فايدة من الكلام تعبنا وربي تعبنا من الكلام |
كلام سليم واوافقك بالرأي ب خصوص النقطة الاخيره اللي تكلمت فيها عن جدية اللاعبين واللي كان لسامي دور كبير ف هالشي أتمنى بل ويتمنى كل هلالي عودة سامي للبيت الهلالي |
مشكور والله يوفق الهلال في قادم الايام |
كل ششيء كووم و رابطة المشجعين كووووم ثااني ياخي رافعين ضضغغطي من الموسم اللي راح و ب اهازيجهم البايخه قسم بالله ماتحمس ويقالك بيطلعون غغير يلبسون لبس موووحد ي شيخ ابعد مناااك اتمنى من الاداراه تبعدهممم مافيييييييه حماس جابولي الممممررر والجمهووووور انت وياها خلف الشاشات طس للملعب وشجع وتحمس موب اذاانتهت المباراة اشوفك مسنتر عندي هنا في المنتدى تقول فلان مالعب زين المفروض في االااحتياط الخلل موب في المدررب ولا الاعبييين اصحو انتو نايمين في الاوهام الخلل فيكم انتو ي جمهوور وبعدين تونا في البدايه وياليت يحطون مباريات الهلال كلها خارج ارضه جمهوووور الرياضض موب وجهه فزعات اسفين على الاطاله وعساك ع القوة ومشكووور على حضورك للمباراة الله يعطيك العافيه |
يعطيك العافيه لكن عندي سؤال !!!!!!!!!!!!!!!!!! ليش الرابطة قريبة من المنصات والدرجة الممتازة ليش ليش !!! ليش ما تروح عند الناس اللي قاعدين وماخذين اكثر الواجهة انا كنت هناك ولا واحد ينفس ليه يعني ويلومون الجمهور جيبوا الرابطة للواجهه * اتمنى توضحون لي ليش الرابطة مو في الواجهه |
انا ضد تصرف الجماهير بالعكس الآن وقتنا لازم نقف مع الهلااااااااااااااال مو نصفق ل الخصوووم و نستهجن الاعبيييييييين !!!!!! |
الله يعطيك العافية الجمهور مايفهم اي معنى للكورة الا اللعب والروح والتكتيك وانا معهم الهلال للاسف مايشجع المشجع انه يحضر ويشجع والدليل شوفوا الحضور الجماهيري لنادي الاهلي ونادي الاتحاد المتواضع فنيا ودي |
كلاااااااااااااااااامك في الصميم شكرا لك على هذا الموضوع واتمنى تغير رئيس الرابطه |
هاارد لك وبالتوفيق للملكي |
اول شي يعطيك العافيه عالتغطيه و هاردلك الحمد الله اننا خسرنا عشان يمكن هالخسارة تتعدل اشياء كثيره ان شاء الله .. واكثر شي يقهر صراحه جمهور اللاعب الواحد فرق تشجيعك للهلال وتشجيعك لياسر! |
يعطييك العاافيه أخوي وفعلا فقدننا سااامي . فقدنا الناصح الهلالي الصارم . تــحـيـآتـي:ba::rose: |
هذا الي انقال كلة سهل و لكن ان نلعب و نحرك وقت ما الكرة عندنا او ان الكل واقفين يراقبون خط الزاوية او ان في شي غلط و ممكن عاجبهم منظر التشجيع من للاعبين ناويين على ايش اللة اعلم |
| الوقت المعتمد في المنتدى بتوقيت جرينتش +3.
الوقت الان » 09:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd