علي بالحرام اللي بقلبي الحين ماقصرت فيه انت كفيت وفيت وقلت كل اللي بخاطري والله يسعدك يارب هذا اللي ابي اقوله ياشيخ بيض الله وجهك وصدقت في كل كلمه قلتها الهلال في خطررررررررررررر ووالمدرب ماعنده سالفه تدرون ليش هو اللي جاب الغبي مانجان ولا اول كنا نشتكي من المرشدي الحين طلع لنا مانجان من اللي جابه غير المدرب الفاشل والله من قال لي 3 اشهر وانا عاطل عن التدريب وانا حاس انه مامنه خير ولا كان تحصلون الفرق الاخرى كلن عليه ويبيه ياناس ياعالم والله اللي قاله احبك ياهلال انه في كل كلمه قالها صدق وهذا هو المشجع الحقيقي الغيور على فريقه اللي يخالفه او يرد عكس ويتفلسف ارجو ان يسمح لي هذا مايحب الهلال هذا يبي للهلال الشررررررر مثل مانحب الهلال ونعشقه لازم ننتقده على كل خطاء يسويه من حبنا للهلال نبغا نشوف الهلال اول هلال زمان هذا اللي نبيه نبي نرجع لمجاد الزعيم نبي نرجع لسيا نبي نرجع للبطولات ياناس والله من بعد هجر والفتح والله اني مولع ومقهور واني في قهر لايعلم فيه الا الله وهذا كله حب للهلال وسلامتكم

كلامك يدل على حبك للزعيم .. وانك مشجع مخلص

ولكن متسرع ليش..

المدرب تراه هو الوحيد اللي وافق على التدريب في السعودية وكان غلطة الادارة انها مااكتفت بزلاتكو مدرب الفيصلي السابق والله احسن .

التسرع ليس في صالحنا الان في اقالة المدرب بعد مبارتين السبب فيها هم اللاعبين فقط

المدرب وضع التشكيلة المناسبة في المبارة الاولى والثانية ... ومااخترع و لا وضع لاعبين في غير مراكزهم او تفسلف في التشكيلة علشان تلومه لوحده...

هو قال للادارة بالبداية انه يريد محور دفاعي ولكن الادارة اصرت على هرماش وش تبين يزين.

هو قال اريد صانع العاب... والادارة تفلست وطلبت مهاجم وقالت للمدرب قول كذا للجماهير.
وهذا تدخل في عمل المدرب...

المدرب كان يريد المدافع البرازيلي او الاوربي ولكن الادارة قالت ليش ماتجيب واحد يعرف فرنسي مثلك والادارة لاتريد البرازيلي مدافع وسبق وتحدث السلومي عن ذلك في جريدة جول اون لاين الالكترونية وتقدر ترجع لحديثة انه طالب الادارة بمساعدتهم بمدرب برازيلي وقلب دفاع

ولكن الادارة قالت لا نريد مدرب اوروبي وقلب دفاع من افريقيا يلعب باوروبا..

يعني بصراحة هم وضعوا المدرب كبش فداء لتعاقدتهم ...

لان احاديث رئيس النادي قبل مايأتي المدرب واضحة انهم جاهزين باللاعبين الاجانب

فقط على المدرب تشووز.........يعني الاختيار ... يابطيخ احمر .........أو اخضر..

بصراحة صار الهلال حقل تجارب.. وليس للفاهمين بالكورة رأي.

ورئيس النادي بعد مايختار اللاعبين الاجانب يقول شاورت الشنيف وسامي الجابر وغيرهم.

انت بالبداية تقول ابي هذا وهذا وهذا................يعني ماتركت مجال للاختيار.

شوف رئيس النادي الاهلي ورئيس الاتحاد..

وجماهيرهم كيف يتفاعلون مع اللاعبين الاجانب..

وان الجماهير اصرت على لاعبين معيينين واحضرهم النادي بدون لقافة من الرئيس او النائب.

يعني لاتقول لي نحن الجماهير ..........شوفوا فلان ترى انا بجيبه .... وموعاجبكم اضربوا راسكم

المهم الاختيارات يتحملها رئيس النادي ونائبه.

وبصراحة .........الاختيارات عن طريق اليوتيوب ليست دائماً صحيحة وخادعة .

ابي اعرف ليش مايوصي ناس لهم عملهم بالاختيار مثل السلومي ونواف التمياط وسامي الجابر.

لان هؤلاء متابعين الكرة.

وترى في اعضاء بالمنتدى دائماً مسنترين امام الشاشة ويعرفون الدوريات الاوروبية ويعرفون اللاعبين الجيدين من المصابين من العاطلين .

بالنهاية لابد من الصبر ..............لانك لو الغيت عقد المدرب لايوجد بديل الان.

وراح تخسر سمعتك بعدين عند طلب التعاقد مستقبلاً

واللاعبين الاجانب ............لابد من الصبر عليهم ..

ترى كماتشو......وتفاريز اول مااتوا كانوا سيئين .. وارجع للبدايات.

وتأقلموا مع الجو الصحراوي والتقاليد .

فقط ادعموهم .........وليس شرطاً ان نحقق الدوري على الاقل يكون وضعنا منافس وليس المركز التاسع.............!!!!!

عموماَ كلامك على العين والرأس وانت محب للزعيم ...........وشكراً على شعورك على خوفك.

مشكلتناااا في الحراسه نبي شراحيلي يكون اساسي .

الدفااع ــ مانقاان الظاهر كان راعي غنم قبل لايجي للهلال . وخط الدفاع مو متفاهمين )مو متجانسين) .

الوســط ــ راضين فيه ومستوياتهم حلوه بس طريقة توظيفهم بأرضية الملعب او الادوار اللي يلعبون فيها غير مناسبه وغير راضين فيهاا حنا ياجماهير الهلال .

الهجووم ـ اتمنى يااسر لحد يتكلم عنــه والله لو مايلمس الكوورهـ حنا راضين فيه . كبرو عقولكم شووي . تذكرون محد يدافع عن ياسر مع المنتخب لما يذبون فيه الفقراويين وجماهير الاصفرين بشكل خاص كنا حنا ندافع عنه . واللحين تجون انتم وتتكلمووون عن يااسر . قمت التخلف .

لوبيز البرازيلي هداااف بمعنى الكلمه وراح يثبت لكم .


اتمنى من الجمهوور الهلالي الصبرر على المدررب . نبي حاجه وحده يوظف اللاعبين بالشكل الصحيح مو كل مباراة يدخل بتشكيله .

ومشكلته مايلعب الا بتشكيله هجوميه . وهذا العيب انه يلعب بشكل هجومي ولكن محد يتواجد بالخلف .

اتمنى ان تكون التشكيله في نظرري


شراحيلي
الزوري المرشدي المسلّم الشهراني


هرماش الغنام (القرني)

الشلهوب الفريدي(عزوز)

ياسر
لوبيز

كل الاندية راح تسدد ديونها على الهلال. خمسة الاتحاد مردودة والنصر الاهلي وعسى ما تزيد

مرشدي مانغان ويسلي. العتيبي. منتهيه صلاحيتهم

اخوي أنا اتحداك امام الجميع
انت تقول الهلال ماراح يأخذ بطولة بوجود المدرب
وأنا أقول وسوف ارد عليك بأذن الله اخر الموسم
مع احترامي الشديد لك إذا انت تحكم على الفريق من هالمباريتان فأنت لاتفقه كوره

لا تحكم ع الفريق من مباراتين
آصبر لما 5 جولات وانتقد زي ماتبي من رغم اني غير راضي عن المستوى
اللي زي وجيههم لكن نصبر وش ورانا ونشوف عذر المطبلين اذا انتفدنا ..

يعطيك العافيه ع الطرح
اهم شي نشيل السباك واخاف اذا شلناه نجيب كهربائي وكذا ماستفدتا حاجه

لكن الله يوفق زعيمنا يارب

عزيزي انا معاك ان الفريق سيء واكثر من السيء

لكن ياغالي مايجوز الحلف ع أمور غيبية .. هذا يسمى تألي على الله

يحق لك التوقع يحق لك ان تؤكد وجهة نظرك وقراءتك لمستقبل الفريق

دون تعدي ع رب العزة والجلال

لا تأخذك العزة بالإثم في ردي كتب الله اجرك

وايضا تذكر انو ممكن وجهة نظرك صحيحة ولكن في عين غيرك خاطئة

فلا تحكر قراءة الواقع ع نفسك وتصادر آراء الآخرين

لاجد امانه قول والله لايشيخ لايفقه كوره انت شكلك اللي ماتفهم في الكوره ولاتفقه فيها شي الرجال ماقال الا الحق والصدق ولا انت تبي الهلال يصير مثل النصر هذا هو حال هلالنا السنه هذي والسنه اللي فاتت اللي فاتت اقل شي حققنا بطوله ولله الحمد ولا كان الحين ولاشي والسنه هذي مو هو اللي يحلف انا اللي بحلف لك اذا الهلال ماعدل باوضاعه والله ماتاخذ بطوله والله دام الغبي مانجان مدافع اللي يحب الهلال يايقول شي يثبت حبه للهلال ولا يسكت ولا يكتب معا احترامي الشديد لك

والله وبالله وتالله انك ما عندك سالفه ياخي حرام عليك تحلف علا شي ماتعلمه بعدين أسألك بالله انت متى شجعت الهلال أنا بعرف انت الحين زعلان عشان تعادل وهزمه ياخي ترانا عشنا وشجعنا الهلال في المره قبل الحلوه مامعك الا هالمدرب وهاللعيبه رضيت ولا زعلت ماحدن درا عنك وفترة الانتقالات الشتويه اذا ماتحسنت الأحوال أكيد ان الادارة بتدخل لأني متأكد انها حريصين علا مصلحة الفريق والله يكتب اللي فيه الخير

اكب رخطا يصير الحين ان المدرب يروح اولا مابقى على الاسويه شي ثانيا الناس و ش بتقول مدرب فوزكم على مانشستر و بسبب مباريتين تقيلونه و بيحطون اغلط على ابو فصيل

وعودة سامي انساها لانه يحب التدريب و عنده عقد مع اوكسير الفرنسي

ونفس الكلام عن هوساوي السالفة فيها عقود مو بكزاج كل واحد ينتقل اما على عبدالقادر وجلب بديل له هذي ماراح تصير واذا بتصير بتكون بفترة الانقالات الشتوية

وبالنسبة لصانع لعب افضل يكون محلي او نصبر على لوبيز 3 مباريات اذا مو شي ينقال بفترة الانتقالات الشتوية ويجي صانع لعب اجنبي وافضل فالدي

سوري على الاطاله ,,

الله يعطيك العافية

بالتوفيق للهلال والله لا يوفق الفرق الثانية

هالمدرب بالعربي الفصيح يتخببببط بشكل واضح وفاضح لابد يثبت ع تشكيلة واحدة وشووفوا تشكيلة المباراتين ..

من جد راحو الطيبين اه يا زمن