|
+++المختصر المفيد في حال الهلال الغريب+++ اهم مقومات الفريق القوي في الكوره الحديثه هو العامود الفقري للفريق الممتد من الحراسه للمحور لصانع اللعب لراس الحربه ويأتي من بعدها الاطراف الدفاعيه والهجوميه كمسانده لهذا العامود وبدونه لن يستقيم حال اي فريق مهما بلغ الترقيع والاجتهادات الفرديه فيه عقب هالمقدمه حسيت اني من باكر بتكي في استديو تحليلي ماعلينا نرجع لفريقنا البارح ونشوف وضع عموده الفقري الحراسه / حارس اغلب فترات المباراة يقف على خط السته اعتقاداً أنه خط المرمى لايتراجع ولا يتقدم إلا بعد أن تطير الطيور برزاقها والشواهد كثيره غير الهدفين كان فيه انفرادتين لاترام الاولى طلع لها بعد تفكير وزلق عليها وكادت تخش فيه كبري وهو منسدح :to:شلون ماعرف؟ والثانيه دزها اترام من نص ملعبنا وطالت عليه ولو طلعت لها انا من بيتنا هنا بالرياض كان لحقت عليها قبله وشايبنا مافي امل يتعدى خط السته :ranting: وغيرو وغيرو وهذا طبه قاضي من زمان والرجا فيه مفقود. المحور/ الي هو المصد لهجمات الخصم والباني لهجماتنا لم يقم بأي دور لا دفاعي ولاهجومي ودايم ممر سهل لأي لاعب سريع كونه فاهي ذهنياً وثقيل بدنياً ومهما رقعنا له هذي غريزه فيه ومستحيل تتغير . صانع اللعب/ الي المفروض يكون اكثر لاعب حاضر ذهنياً وفكرياً وتمريراته تكون صحيحه ودقيقه وسريعه ومتنوعه مابين ارضيات وبينيات وطوليات وتسقيطات خلف المدافعين واوفرات لايوجد لدينا من يتقنها كون صناع اللعب لدينا اسلوبهم واحد ومعروف ومحفوض من اغلب الفرق ولا يجيدون سوى الفرفره على الفاضي . راس الحربه/ المنهي لمجهودات الفريق المقلق للدفاعات والمرعب للحارس والي يعرف وين يتمركز لكل هجمه وتمريره والمتقن لكافة انواع الشوت والراس لايوجد لدينا. هذا واقع عامود الفريق الفقري البارح فأكيد بقيه المراكز المسانده له سيصيبها الاحباط وتتأثر به في المستوى والعطاء الحل من وجهة نظري المتواضعه غربلة المراكز بين الموجودين لاستحالة الابعاد والجلب في الوقت الحاضر مثل ياسر القحطاني مراراً وتكراراً لم يثبت نفسه في راس الحربه الصريح يتم اعادته لمراكز صناعة اللعب ومساندة الهجوم من الخلف او الاطراف مثل ماتم مع سامي في اخر ايامه واتوقع يبدع زي سامي في ذاك الوقت لا متلاكه للسرعه والتمريرات القاتله اللعب بمحورين هجومي ودفاعي لأن ماعندنا من يجدهما مع بعض صناعة اللعب فيها كذا لاعب فيتم التبديل بينهم وتكون البدايه بعزوز ومعه العابد والشلهوب والفريدي وسالم اوراق بديله الحراسه اسنادها لشرحيلي وزرع الثقه فيه وحسن الله لايهينه بديل والله يصبرنا عليه خط الدفاع لازال غير واضح المعالم وفيه حلول كثيره متوفره لكن تحتاج الشجاعه في القرار وإن شاء الله يتعدل الحال للاحسن وموفقين خير وآسف على الاطاله |
شكرا لك ويعطيك العااافيه على الموضوع مباراة البارحه تعتبر جيده نسبياً نظرا لقدوم المدرب متأخر المدرب بحاجة التعرف أكثر على امكانيات اللاعبين وبإذن الله يقدم مستويات ممتازه مع الملكي ياسر القحطاني كان معزول داخل تكتلات هجر الدفاعيه وعدم اجادة صناع اللعب في توصيل الكره له مما اضطره في أحيان كثيره للرجوع لاستلام الكره وصناعتها لزملائه صناعة ولا أجمل في أكثر من لعبه صعب الحكم على ياسر إذا لم تأتيه أي كره أصلاً القااادم أفضل بإذن الله تقبل التحيه |
مشكور على مووضووع والي فاات فات علينا من مباراة قاادمههه .. ’’ |
الهلال لا حاله غريب ولا شيء كل ما في الامر اننا طلعنا بتعادل من فريق اقل منا امكانيات وبس وهذا حال الكوووره وثاني شيء انها اول مباراة رسميه ومانغان لم يتجانس مع المرشدي لحد الان والي يتكلم عن المدرب المدرب اثبت قدرته على قرائته للمباراة والدليل اخرج اثنين لم يقدموا اي شيء وادخل اثنين اضافوا كل شيء وهذه النقطة تحسب للمدرب والسسسسسسسسلالالالالالالالام |
[QUOTE=SCORPION-KING;20510964]شكرا لك ويعطيك العااافيه على الموضوع مباراة البارحه تعتبر جيده نسبياً نظرا لقدوم المدرب متأخر المدرب بحاجة التعرف أكثر على امكانيات اللاعبين وبإذن الله يقدم مستويات ممتازه مع الملكي ياسر القحطاني كان معزول داخل تكتلات هجر الدفاعيه وعدم اجادة صناع اللعب في توصيل الكره له مما اضطره في أحيان كثيره للرجوع لاستلام الكره وصناعتها لزملائه صناعة ولا أجمل في أكثر من لعبه صعب الحكم على ياسر إذا لم تأتيه أي كره أصلاً القااادم أفضل بإذن الله الشكر لك ياعم:smilie47: اهم شيئ في الفريق المراكز الاربعه حراسه ومحور وصناعة لعب وراس الحربه يجب التركيز على اصلاحها ولو بالترهيم المدرب اتفق معك يحتاج وقت ومواريه نوعاً ما جيده لكن ادواته خذلته تماماً وكلامك عن حصار ياسر بالتكتلات الدفاعيه اظن عزوز تواجد بها واستطاع التهديف اهم شي الجديه في الاداء |
إقتباس:
ويارب يتعدل الوضع بشكل عام للافضل قبل احتدام شدة المنافسات كفايه ضيعنا وقت في المعسكر |
مع نفسك الشلهوب مايكون بديل ومانبي ياسر يلعب الدكه افضل الحلول ياسر مارح يبدع لامهاجم نفع ولاصانع لعب نستغني عن نجوم في صناعة العب عشان ياسركم يلعب الله وكبر ليش حرام يتكي في الاحتياط |
إقتباس:
هذا البلا انك قدام فريق اقل منك ومتكتل بملعبه وخلاك تفقد شخصيتك وترتبك فنياً حتى اقل الاساسيات الفنيه والتكتيكيه عجزت عنها وفي بداية منافسه بعد شلون لاصرت قدام فريق يوازيك وفي مباراة مصيريه ولو ترجع بالذاكره شوي في المواسم الي كان بطلها الهلال تلقاه ماكان يرحم الصغير قبل الكبير المدرب ماقلت فيه شيئ بس يبيله يشتغل واجد على مراكز الفريق بقوه وشجاعه وعدم مجامله ويارب ينصلح الحال ويحسون على دمهم اللعيبه |
إقتباس:
اذا كنت تشجع الشلهوب بس اتوقع عنده فريق حواري تقدر تروح هناك وتغرق اكثر بحبه حنا هنا نشجع الهلال فقط ومن يخدمه نحطه فوق روسنا ولا نبخص احد حقه الشلهوب ياما عطا الفريق وياما الفريق عطاه بس ترا السن له احكام وانا اخوك والملعب تراه كبير |
مشكور على مووضووع والي فاات فات علينا من مباراة قاادمههه .. ’’ |
الله يوفق الزعيم كل الشكر لك |
بالنسبه للشلهوب فالمشكله في توظيفه من قبل المدرب لأن الشلهوب ايام قيرتس كان هداف الموسم ونجم الهلال بلا منازع وبالنسبه للمدرب ماقصر واكبر دليل تغييراته الجريئة وبالتوفيق لزعيم آسيا |
يعطيك العافية والله يعدي الموسم على خير...... |
يعطيك العافية على الموضوع وان شاء الله الجاي احسن |
عجبني فكرة اللعب بمحورين الغنام دفاعي والهرماش هجومي عشان نحد من الهجمات اللي تجينا من العمق وبعدين اللعب بمحورين من الخطط اللي بيلعب بها ديلبوسكي مدرب المنتخب الاسباني رغم ان اسبانيا افضل منتخب من حيث الامكانيات والمهارات بس المدرب بعدما انهزم في مباراة امريكا في كاس القارات بنى كل خططه على اللعب بمحورين وانا اشوف ان الهلال لولعب بمحورين راح يتحسن دفاعيا وهجوميا اسف عالاطالة |
| الوقت المعتمد في المنتدى بتوقيت جرينتش +3.
الوقت الان » 08:39 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd