السلام عليكم ورحمة الله وبركاته

صباح النور على الجميع وهاردلك لكم والحمد الله إننا طلعنا بتعادل مع هجر بالمستوى السيئ وعدم قراءة المدرب للمباراة .

بداية بغرض النظر على الاخطاء التحكيميه فريقنا مستواه سيئ سواء حسب بلنتي او لا نفرض حتى لو فاز الفريق ما سوآ شئ يذكر في المباراة الا اخر 10 دقايق من المباراة كامله . !!

الهلال ومنذ تقريبا 4 سنين من ايأم كوزمين واهو يلعب بالتشكيله 4-5-1 او 4-2-3-1 والله لو يكون دكة الاحتياط كلها هجوم مستحيل نشوف في جرأة من المدرب ويلعب 4-4-2 والسبب مانعرفه!!

يعني فريق هجر يلعب بمهاجمين ومقفل صح وصل للمرمى الهلالي وجاب هدفين الشوط الثاني تدخل بنفس التشكيله واخر ربع ساعه تحط تغيراتك الصراحه هذا التصرف ذكرني ( بتوماس دول ) دايما يخبط الشوط الاول والشوط الثاني يعدل .

الغريب جدا مباراة الهلال ومانشستر يونايتد يلعب الهلال بمهاجمين !!! وقدام هجر بمهاجم واحد < لاحد يجيني ويقول لاعيبتنا كلهم وسط

ياخي اذا ماعندك قوة هجوميه اجل وش الفايده تخليهم سعد الحارثي والدوسري يوم نزلوا تحرك الفريق وشفنا المساحات في دفاع فريق هجر

ياسر القحطاني قدام بلحاله ترى مايوكل عيش اليد الوحده ماتصفق ..

الاعداد الصحيح تشوفه في اول مباراة واكبر مثال لنا الاهلي والشباب عندهم قوة بالوسط ويلعب بمهاجمين

حاليا بالوضع هذا يحق لكل هلالي ينتقد الفريق والادارة والمدرب فوق كل شئ لاحد يجيني يقولي اول مباراة الصبر زين الصبر عارفينه بس انا فريقي الهلال مب اي فريق لي اعداد ولي معسكر ولي إدارة تتعب وتجيب مدرب واخرتها بالفكر هذا من حقي اني ازعل وانتقد .

وإذا فكر المدرب راح يستمر على مهاجم واحد وعنده فوق 3 مهاجمين في دكة الاحتياط ماراح نستفيد بشئ

وراح يكون من الان خروجنا مرر في البطوله الاسيويه وراح يروح تعبنا هباء منثورا ..


والحمد الله لك يارب إننا تعادلنا مع هجر والا كآن المفروض 4 اهداف محققه لهجر وكانت مفأجاة الموسم بأول جوله

اتمنى ان كلامي يكون غلط واتمنى إني اشوف هلالنا بأسلوب هجومي بحت ويفكنا من التحفظ في الوسط .

سلام عليكم .