|
كان التميز والاوليه هلاليه اصبحت اهلاويه لماذا+هل جماهير الملكي لاتحب التميز بسم الله الرحمن الرحيم والصلاه والسلام ع اشرف الخلق نبينا محمد وبعد كنا ننتظر الدوري ليبدا لنبدا صفحه جديده مع زعيمنا الملكي ونتعاهد بأن نكون خلفه وبكثافه وكان شعارنا لن تسير وحدك ياهلال لكن مع الاسف سار وحده وواجه مدرجات خاويه الا من كم عاشق ولهم الشكر سالت الجماهير لماذا لاتحضرون فكان الرد الغبار والحر .طيب مو حالكم بحال فريقكم المهم لعب زعيمنا الملكي وواجه خصم عنيد ولم يكن معه احد في المدرجات يدعمه ويشد من ازره فالرابطه نائمه ولالهم حس من نهاية الموسم الفايت وجماهيرنا بالغصب تشجع وهو يقودها المجلس والرابطه فكيف وهم دون قائد.تعادل هلالنا فطلع من يقول انه من عشاقه. بالنقد ومنهم من طالب باستقاله الرئيس ومنهم من قال مدافع مقلب ومنهم من قال ماراح نفرح باي بطوله.وبدا في النقد وهو ربما انه من الذين لم يحضرون لمسانده عشقه.ثم من نهاية اللقاء الى هذه اللحظه وهم يحللون ويحطون التشكيل وكأن المدرب سوف ياخذ بما كتب وهم في الحقيقه ماغير يشغلون انفسهم ويسلون بعض بمثل هذه الامور التي بيد المدرب ولالهم يد فيها فحرينا بكم يالرقم الصعب مناقشه الحضور وكيف تصنعون لانفسكم صيت وشهره بالحضور الرائع والوحات الجميله وكيف تضربون مثل في الوفاء والحب للكيان بدل الكلام في امور بيد المدرب هلالنا كيان كبير ويقارن باكبر انديه العالم من حيث السمعه والبطولات لكن من ناحية المدرجات يقارن باقل الفرق جمهور جماهيرنا الغاليه اظن مافيه شخص الا ويحب التميز فلماذا لتفهمون كلمه مشجع بمفهومهم الصحيح وتطلعون لنا مثل هذه الصور والمقاطع لنفاخر بها امام الجماهير الاخرى ويفاخر بنا فريقنا بوجودنا خلفه بتميز وابداع روعة جمهور الرجاء العالمي ..!.mkv - YouTube اخيرا كانت لنا الاسبقيه في عمل لوحات جميله في المددرجات لكن سبب تراجعنا خلى التميز والاوليه للاهلي لانهم عملو واستمرو ونقلهم الاعلام وهذا الدليل http://dc03.arabsh.com/i/00555/1gryky4xyi02.jpg http://upload.alhilal.com/img/019/pppup%20(9).jpg http://www.m5zn.com/uploads/2011/7/2...00k3bxjxqs.jpg ثم التغني والقدوه صارت للاهلي مع الاسف والدليل كامب نو اسيا مدرجات الاهلي السعودي - YouTube شوفو حتى اسم المقطع في اليوتيوب وش كاتبين اخيرا سؤال هل جماهير الهلال لا يستهويها التميز والابداع |
كل الشكر لك اختي والله مدري وش اقول بس يعني بعض الجماهير هداها الله يا تسوي الإدارة اللي نبية وتجيب مدرب او لاعب ع كيفهم ولا بنزعل يا ناس يا عالم ناس ما شمت ريحة الكاس من زمان وجماهيرها تحضر الله يكون بالعون بس |
إقتباس:
صدقوني حتى اذا جت الخصخصه بيتاثر الفريق لان الشركات بتروح للفرق التي لها جمهور ويحضر مو بس جمهور منظر والا وقت الحسم |
# والله أسأل نفسي سؤأل هل الهلال في المركز الاخير دائم ؟! - بالله فريق يملك عناصر ممتازة ورئيس ممتاز وكل الامور ع ما يرام ونحن جمهور الهلال فقط خلف الشاشات ولا نساند " يعني الامير عبدالرحمن بن مساعد " اجازته ما تهنى فيها " ؟ يسهر ليل ونهار وتعب ومع انه عنده ظروف والده " واسرته وضغط الجمهور " ومع هذا يكافح للاجل مصلحة النادي " وحنا ياجمهور الهلال خلف الشاشات فقط " بما اني من جماهير الغربية " ف انا هنا " اعد الجمهور بالحضورر في جدة بالمساندة القوية وايضا بمكة المكرمة ان حصل واتى زعيمنا " ف والله مخجلين ي جمهور " |
قبل اسبوعين حضرت مباراة تشيلسي وباريس سان جيرمان, ويوم الاربعاء إن شاء الله بحضر مباراة ميلان زعيم أوروبا ضد مدريد. وانا في عز الصيام ولكن كل شي كان متسهل ولله الحمد , والخدمات رائعة وعرفت ليش الجمهور مايحضر. الجمهور يبي ملاعب زي الناس وبس , مو عشان قرارات الادارة ولا احتجاج ولا شيء. ==== إيييييه الله يخلف على مباراة زوباهان اللي تلطعت فيها من العصر ومتنا من العطش والجوع!! |
مايصلحون جماهير الرياض افضل جماهير تفاعل مع الرابطه هي جماهير الغربيه |
إقتباس:
أعانك الله على ماابتلاك به من غلّ تجاه أخوانك في الرياض. مالها داعي العنصرية ياأخي الفاضل , وترى كلنا هلاليين:s2: == على فكرة بسألك المباراة كانت بالملز ولا إستاد الملك فهد :s2: :s2::s2::s2::s2::s2::s2: |
إقتباس:
نعم جماهير الهلال مقصره بقوه لابد يحاولون يضغطون ع انفسهم ويحضرون كلها ساعتين ويرجعون |
إقتباس:
لكن هذا شي واقع واقع مر بس مو عذر ولاهو اكبر هذا هو ممكن الجماهير تعاني اذا كانت المباراه مهمه لانها بتحضر بدري عشان تلقى مقعد بس قدام الفرق اللي ماعندهم جمهور يقدر يجي قبل المباراه بوقت قصير لان المدرج كله بيكون للهلال بحكم عدم وجود جماهير للفرق الصغيره خصوصا في الرياض صح ان الملاعب ماتساعد لكن برضه لابد المشجع يتحمل انتم تطالبون الاعبين بالفوز وحتى لو تعادلو اكلتوهم وانتم حتى الحضور لدعمهم ماحضرتم اي تشجيع هذا واي حب |
كل من عشق الهلال وجب عليه مساندته وتشجيعه ومؤازرته صحيح الملاعب عندنا تعبانه وحالتها حاله لكن بما أنكم عشقتوا استحملوا وأبذلوا جهدكم وصدقوني إذا اللاعب شاف حظور الجمهور بكثافه راح يحس بالهيبه وهذا الشيء يخليه يبذل قصار جهده للتقديم مستوى يليق برهبة الجماهير الزرقااء أتمممنى من كل قلبي المدرجاات اللي شفناهاا فاضيه اليووم ماعاد تتكر مع جمهوور الوفااء جمهور الزعيم الملكي وتسلمين لي حبيبتي على موضووعك استمممري |
إقتباس:
صح ان الكل عارف ان اقل حضور يكون في الرياض بس مسؤوليه الحضور تقع ع كل هلالي محب وش يمنع اني اجي من الاماكن القريبه اذا عندي فرصه |
يعني .. الجميع يطالب الجماهير بالحضور .. طيب كيف نبي نحضر للملعب ... وحنا قبل المباراة .. لازم نفضي أنفسنا ثلاث او اربع ساعات ..؟؟ لأنك بالبداية راح تمر مطعم .. وتأكل لا يذبحك الجوع وأنت فـ الملعب .. والسبب أنعدام الخدمات بالملاعب عندنا .. وبعد لازم تحسب حسابك ... لـ سوء التنظيم .. وخصوصاً عند مواقف السيارات ... يعني الأمر كله حقيقةً متعب وخصوصاً اذا كانت عندنا دوامات .. لأني مثل ماذكرت لازم الواحد اذا يبي يحضر للمعلب يفضي نفسه وقت طويل .. وهذا أمر صعب خصوصاً للموظفين .. عموماً .. تحياتي لــ شخصك .. |
إقتباس:
بس مباراة اليوم بالاحساء توقعت الجمهور يكون اكبر من الحاضر , ولكن ربما لظروف شهر رمضان والاجازة الصيفية والحر نعذر جمهورنا العزيز. === عموما انا عندي مقطع فيديو صورت فيه الخدمات المقدمة في الملاعب الامريكية لو نشرته لما حضر اي مشجع لأي مباراة في ملاعبنا بعد اليوم :d |
إقتباس:
وبين الشوطين اذن المغرب وشريتلي فطور بيتزا (فريش) من الفرن وكولا مثللللجة :to: ناهيك عن الهوت دوغ والاصابع الدجاج والرز والطبخ الصيني والايس كريم والحلا والفشار و و و و إلخ !! === الله يخلف على اللوزين البايت اللي يعطونا اياه بملاعبنا وعلى البيبسي الحار والشاهي البارد :s2: |
واجب علينا مسانده الفريق في الحلوه والمره والجمهور هو الوقوود الحقيقي للفريق والدلايل كثيره مباراه الهلال والشباب الاماراتي في دوري السته عشر اكبر دليل ياجمهور الزعيم المسانده في المدرجات وراح الملكي يبدع في الميدان |
| الوقت المعتمد في المنتدى بتوقيت جرينتش +3.
الوقت الان » 08:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd